«ИННОПРОМ-2023». Дар 13-умин Намоишгоҳи байналмилалии саноатӣ дар шаҳри Екатеринбурги Федератсияи Русия гӯшаи Тоҷикистон ташкил гардид
ДУШАНБЕ, 12.07.2023. /АМИТ «Ховар»/. 10 июл дар ҳошияи Намоишгоҳи 13-уми байналмилалии саноатии «ИННОПРОМ-2023», ки дар шаҳри Екатеринбурги Федератсияи Русия идома дорад, Вазири саноат ва технологияҳои нави Ҷумҳурии Тоҷикистон Шералӣ Кабир дар ҳамоиш бахшида ба ҳамкории кишварҳои аъзои Созмони ҳамкории Шанхай дар соҳаи саноат иштирок намуд. Дар ин Намоишгоҳ гӯшаи саноатии Тоҷикистон ташкил гардида, дар он маҳсулоти ватании ба содирот нигаронидашуда ба намоиш гузошта шудааст. Иштирокдорони ин чорабинӣ дар гўшаи Тоҷикистон метавонанд бо имконияти саноатии ҷумҳурӣ шинос шаванд. Дар ин хусус АМИТ «Ховар» бо истинод ба Вазорати саноат ва технологияҳои нави мамлакат хабар медиҳад.
Созмондиҳандагони ҳамоиш нақши афзояндаи созмонро дар таъмини ҳамкории кишварҳои узв, дар бахшҳои муҳими иқтисодӣ, бахусус дар соҳаи саноат бинобар иқтидори бузурги кишварҳо таъкид намуда, таваҷҷуҳи ҳозиринро ба муҳиммияти фароҳам овардани дастрасии баробар ба технологияҳои нав ва таҳияи меъёрҳои ягона барои таъмини рушди устувори технологӣ дар минтақаи Созмони ҳамкории Шанхай ҷалб намуданд.
Ёдовар мешавем, ки шуруъ аз 10 июл дар шаҳри Екатеринбурги Федератсияи Русия Намоишгоҳи байналмилалии саноатии «ИННОПРОМ-2023» идома дошта, дар он намояндагони беш аз 700 ширкат аз тамоми ҷаҳон аз кишварҳои Созмони ҳамкории Шанхай иштирок доранд.
Гуфта шуд, ки намоишгоҳ яке аз муваффақтарин ва мусоидаткунанда ба рушди саноати кишварҳои иштироккунандаи чорабинӣ мебошад.
Аз 10 то 13 июл ташрифи беш аз 40 000 нафар ба намоишгоҳ пешбинӣ шуда, дар он вохӯриҳои коршиносон дар мавзӯъҳои «Истеҳсоли устувор-стратегияи барқарорсозӣ», «Раванди рушди саноат дар давлатҳои минтақа», «Барқарори рушди бахшҳои саноатӣ», «Технологияҳои рақамӣ ва зеҳни сунъӣ», «Мутахассисон ва истеҳсоли меҳнатӣ», «Интегратсияи ташкилотҳои саноатӣ» ва ғайра баргузор карда мешаванд.
Ҳамчунин ҷиҳати таҳқиқи самтҳои ҳамкорӣ, густариши равобити тиҷоратӣ ва муаррифии имконоти мавҷуда дар ҳошияи намоишгоҳ раҳбарону масъулини ширкатҳои ватанӣ бо шарикони тиҷоратӣ мулоқотҳои дуҷониба доир мекунанд.
Ҳамзамон дар намоишгоҳ дар майдони умумии 5 гектар зиёда аз 600 ширкати саноатии давлатҳои иштирокчӣ аз Федератсияи Русия, ҷумҳуриҳои Тоҷикистон, Беларус, Узбекистон, Қазоқистон, Қирғизистон, Арманистон ва Ҷумҳурии Мардумии Чин маҳсулоти худро ба намоиш гузоштаанд.
София ШОИК,
АМИТ «Ховар»
АКС: Вазорати саноат ва технологияҳои нави Тоҷикистон
Рушди хатсайрҳои байналмилалии мултимодалӣ байни Тоҷикистон ва Туркманистон баррасӣ карда шуд
Ҳайати Тоҷикистон дар марҳилаи аввали омӯзиши таҷрибаи Қирғизистон дар соҳаи идоракунии молияи давлатӣ иштирок намуд
Татбиқи Лоиҳаи беҳтаргардонии таҷҳизоти сканеркунии борҳо дар нуқтаи назорати гумрукӣ дар Спитамен баррасӣ гардид
Дар Бохтар оид ба кам кардани талафоти неруи барқ вохӯрӣ доир гардид
Дар Бадахшон ҳаҷми истеҳсоли маҳсулоти кишоварзӣ беш аз 225 миллион сомониро ташкил дод
Дар Тоҷикистон шумораи занони соҳибкор ва роҳбарони хоҷагиҳои деҳқонӣ афзоиш меёбад
Бонки ҷаҳонӣ татбиқи Барномаи «Дастгирии сиёсати рушди устувор — Тоҷикистони рақобатпазир ва фарогир»-ро тасдиқ намуд
Агентии назорати давлатии молиявӣ ва мубориза бо коррупсия ба маблағи беш аз 624 миллион сомонӣ зарари молиявӣ ошкор намуд
Даромади буҷети Вилояти Мухтори Кӯҳистони Бадахшон 105,1 фоиз иҷро гардидааст
ҲИСОББАРОБАРКУНИИ ҒАЙРИНАҚДӢ. 3,5 миллион амалиёти пардохти андоз ва боҷҳо ба таври ғайринақдӣ анҷом дода шуд
Дар Душанбе тавсеаи ҳамкории Тоҷикистон бо JICA баррасӣ гардид
Зернизоми идораи эътимод бо истифода аз модули иловагии «Data mining» мавриди истифода қарор гирифт
