КӮДАКИ БОЛАЁҚАТ БА ОМӮЗГОРИ БОЛАЁҚАТ НИЁЗ ДОРАД! Роҳбарони муассисаҳои шаҳри Душанбе малакаи кории худро баланд мебардоранд

Июль 20, 2023 11:40

ДУШАНБЕ, 20.07.2023. /АМИТ «Ховар»/. Дар доираи даври  «Менеҷменти роҳбарӣ», ки тибқи нақшаи тақвимии даврҳои такмили ихтисос ва машваратҳои махсуси филиали Муассисаи давлатии «Донишкадаи ҷумҳуриявии такмили ихтисос ва бозомӯзии кормандони соҳаи маориф» дар шаҳри Душанбе ҷараён дорад, вобаста ба мавзуи лаёқатмандии хонадагон машғулияти таълимӣ баргузор гардид.

Машғулияти мазкур бо мақсади омода намудани кадрҳои роҳбарикунандаи соҳаи маориф аз ҳисоби кормандони фаъоли соҳа, махсусан занон ва ҷавонони болаёқат ва таъмини ҳайати захираи кадрии роҳбарони муассисаҳои таҳсилоти миёнаи умумӣ доир мегардад.

Дар машғулият роҳбари Литсей барои хонандагони болаёқати шаҳри Душанбе ба иштирокчиён роҳу усулҳои муосири дарёфт, дастгирӣ ва рушди хонандагони болаёқатро тавзеҳ дода, ғолибияти хонандагон дар озмунҳои сатҳи шаҳр, ҷумҳурӣ ва байналмилалӣ, инчунин дар миқёси ҷумҳурӣ аз рӯи натиҷаҳои олимпиадаҳои фаннӣ ҷойи аввал касб карданро ҳамчун натиҷаи татбиқи методологияи мукаммали кор бо хонандагони болаёқат шарҳ дод.

Дар интиҳои машғулият иштирокчиён доир ба паҳлуҳои гуногуни масъала, аз ҷумла нуктаҳои ташхиси лаёқатмандӣ ва самтҳои он ва тартиб додани барномаҳои инфиродӣ барои самт ва сатҳҳои гуногуни лаёқатҳо саволҳои худро манзур намуда, посухҳои қаноатбахш гирифтанд.

АКС: Сарраёсати маорифи шаҳри Душанбе

 

Июль 20, 2023 11:40

Хабарҳои дигари ин бахш

Таътили тобистонаи хонандагон кай оғоз меёбад?
Анушервон Зоиров ғолиби озмуни шаҳрии «Хонандаи сол-2024» гардид
Даври шаҳрии озмуни «Хонандаи сол-2024» баргузор гардид
Дар Хуҷанд ғолибони олимпиадаи минтақавӣ қадрдонӣ карда шуданд
Дар Донишгоҳи миллии Тоҷикистон бахшида ба имзои Эъломияи Хуҷанд ҳамоиши илмӣ баргузор гардид
Сиёсати сулҳҷӯёнаи Пешвои миллат – заминаи стратегии густариши муносибатҳои Тоҷикистон, Узбекистон ва Қирғизистон
Дар Хуҷанд Олимпиадаи минтақавии хонандагон барои дарёфти «Ҷоми Раёсати ДБССТ» оғоз гардид
35-СОЛАГИИ ИСТИҚЛОЛИ ДАВЛАТӢ. Дар Хатлон дар назди муассисаи таълимӣ бинои иловагӣ ба истифода дода шуд
Донишҷӯёни Донишгоҳи техникии Тоҷикистон дар озмуни маҳорату маллакаи касбӣ дар Чин соҳиби медали нуқра шуданд
Дар деҳаи Лолазори ноҳияи Деваштич муассисаи томактабӣ сохта мешавад
Дар Донишгоҳи давлатии Кӯлоб Озмуни ҷумҳуриявии «Фурӯғи субҳи доноӣ китоб аст» баргузор гардид
То 3 апрел даври якуми Озмуни ҷумҳуриявии «Фурӯғи субҳи доноӣ китоб аст» идома меёбад