Корхонаи коркарди санги шаҳри Хоруғ дар як моҳ то ҳазор метри мураббаъ маҳсулот истеҳсол менамояд
ХОРУҒ, 27.07.2023 /АМИТ «Ховар»/. Дар корхонаи коркарди санги Ҷамъияти масъулияташ маҳдуди «Помир-стоун»-и шаҳри Хоруғ 10 нафар аз ҳисоби сокинони маҳаллӣ кор карда, дар як моҳ то ҳазор метри мураббаъ маҳсулот истеҳсол карда мешавад. Ин корхона фаъолияташро бо истифода аз техникаи кӯҳнаву фарсуда оғоз намуд ва батадриҷ ба техникаву механизмҳои муосир муҷаҳҳаз гардонда шуд. Дар ин хусус хабарнигори минтақавии АМИТ «Ховар» Файз Мирасан иттилоъ додааст.
Дар муддати нисбатан кӯтоҳ корхона бо истифода аз ин технологияи пешрафта дар бозори маҳаллӣ харидорони зиёд пайдо намуд. Аз сангҳои ин корхона асосан дар соҳаи сохтмон- ороиши биноҳои маъмурию хонаҳои истиқоматӣ ва роҳҳои пиёдагарди шаҳр истифода мебаранд.
Мутахассисони корхонаи мазкур изҳор доштанд, ки бо дастрас намудани асбоби дорои алмоси сунъии пармакунандаву суфтакунӣ имкони тавлиди маҳсулоти ба талаботи бозори ҷаҳонӣ мутобиқро низ пайдо намуданд. Ҳарчанд ки дар ҳудуди Бадахшон захираи кофии санг мавҷуд аст, аммо на аз ҳамаи намудҳои сангҳо истифода бурдан мумкин аст. Зеро бештари сангҳо дар таркиби худ оҳан ва дигар намуди фулузот доранд ва аз ин рӯ буридан, суфта кардану оро доданашон ғайриимкон мебошад. Бо тавсияи геологҳо мутахассисони корхона ҳоло маконеро дар ноҳияи Шуғнон интихоб намудаанд, ки захираи он барои даҳсолаҳо кофӣ мебошад.
Ҳоло корхона барои сангфаршкунии саҳни бинои хонаи истиқоматии 12-ошёна дар шаҳри Хоруғ ва роҳҳои пиёдагарди ду тарафи роҳи хиёбони марказии шаҳр маҳсулот истеҳсол мекунад. Бартарии роҳи сангфарш аз сафолакҳои сементӣ дар он аст, ки на аз барфу борон, на офтоби сӯзон ва на аз дигар намуди офатҳои табиию техногенӣ осебе намебинад ва бе ягон таъмиру таҷдид садсолаҳо шакли худро нигоҳ медорад.
Ёдовар мешавем, ки Вилояти Мухтори Кӯҳистони Бадахшон дорои манбаи бузурги масолеҳи сохтмонӣ бо шумули сангҳои гуногуни ороишию бинокорӣ мебошад. Истифодаи сангҳо дар вилоят асосан аз даҳаи дуюми соли 2000-ум оғоз гардид.
АКС: АМИТ «Ховар»
Тоҷикистон ҳамкориро бо Италия барои воридоти технологияҳои истеҳсолӣ тақвият медиҳад
Байни Хадамоти гумрук ва ширкати ҷопонии «Yachiyo Engineering Co., LTD» оид ба хизматрасонии машваратӣ шартнома ба имзо расид
Тоҷикистон ҳамкориро бо «Google DeepMind» дар соҳаи рушди зеҳни сунъӣ густариш медиҳад
Бо мақсади иҷрои «Барномаи давлатии таъмини оби нӯшокӣ ва рафъи обҳои партов барои солҳои 2025-2029» ҳамоиш доир шуд
Дар Саммити байналмилалии «AI Impact Summit» татбиқи зеҳни сунъӣ дар идоракунии давлатии Тоҷикистон муаррифӣ шуд
Роҳбарияти Корпоратсияи «Microsoft» барои густариши ҳамкорӣ бо Тоҷикистон дар самти рушди зеҳни сунъӣ изҳори омодагӣ намуд
Бо мақсади рушди устувори соҳаи захираҳои об Ёддошти тафоҳуми ҳамкорӣ ба имзо расид
Масоили маблағгузории идомаи сохтмони НБО –и «Роғун» баррасӣ гардид
Блогерони тоҷик ба маблағи беш аз 5 миллион сомонӣ андоз супориданд
Зимни баргузории амалиёти назоратӣ дар Рашт 60 кабк ва як яроқи шикорӣ мусодира карда шуд
Татбиқи лоиҳаҳои сармоягузорӣ ва ҷалби сармояи Бонки Осиёии рушд ба иқтисоди Тоҷикистон муҳокима гардид
Ҳамкории Тоҷикистон ва Эрон дар самти рушди иқтисодӣ ва тиҷоратӣ густариш меёбад
