«Модарони ваҳдатсаро» бо фаъолияти корхонаҳои саноатии шаҳри Бӯстон шинос шуданд

Июль 15, 2023 16:00

ДУШАНБЕ, 15.07.2023. /АМИТ «Ховар»/. Дар доираи сафари Корвони «Модарони ваҳдатсаро» гурӯҳе аз фаъолзанон бо корхонаи заргарии «Зари Суғд», коргоҳҳои дӯзандагӣ ва қолинбофии Корхонаи воҳиди давлатии «Фулузоти нодири Тоҷикистон» дар шаҳри Бӯстон шинос гардид. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Бӯстон хабар медиҳад.

Модарони ваҳдатсаро бо шароити кори занони ҳунарманди шаҳри Бӯстон аз наздик шинос шуда, иброз доштанд, ки масъалаи дастгирии давлатии бонувон дар меҳвари сиёсати иҷтимоии Ҳукумати Ҷумҳурии Тоҷикистон ва зери роҳбарии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дошта, пайваста баҳри бо ҷойи кор ва музди арзандаи маош таъмин гардидани занон иқдомҳои шоиста ба роҳ монда мешаванд.

Занони шаҳри Бӯстон аз муҳайё гардидани чунин имконияти шоиста, ки ба беҳтар гардидани вазъи иқтисодии ҳар оила мусоидат менамояд, изҳори сипос намуданд.

Ёдовар мешавем, ки иқдоми Корвони «Модарони ваҳдатсаро» бо ташаббуси Кумитаи кор бо занон ва оилаи назди Ҳукумати Ҷумҳурии Тоҷикистон бо мақсади таҳкими пойдории сулҳу ваҳдат, дӯстиву рафоқати сокинони тамоми минтақаҳои мамлакат ба роҳ монда шуда, сафари занони фаъол ба минтақаҳои гуногуни ҷумҳурӣ ба ҳукми анъана даромадааст. Дар робита ба ин корвони мазкур аз 10 июл ба шаҳру деҳоти вилояти Суғд сафар карда, дар ҷамоатҳо, қисмҳои низомӣ бо сокинони вилоят оид ба тарғиби дастоварҳои Истиқлоли давлатии Ҷумҳурии Тоҷикистон, ваҳдату ҳамдигарфаҳмӣ ва сарҷамъии мардум суҳбату вохӯриҳо намуд. Инчунин онҳо бо мавзеъҳои таърихиву фарҳангии ин минтақа шинос шуданд.

Сафари Корвони «Модарони ваҳдатсаро» имрӯз, 15 июл дар вилояти Суғд ба анҷом мерасад.

София ШОИК,
АМИТ «Ховар»

АКС: Мақомоти иҷроияи ҳокимияти давлатии шаҳри Бӯстон

Июль 15, 2023 16:00

Хабарҳои дигари ин бахш

Имрӯз аз таъсиси Хадамоти иҷрои назди Ҳукумати Ҷумҳурии Тоҷикистон 7 сол сипарӣ мешавад
Пагоҳ дар тамоми муассисаҳои тиббии Тоҷикистон ташхиси ройгон гузаронида мешавад
Дар Филиппин Саммити 7-уми глобалии вазирон оид ба бехатарии беморон баргузор гардид
Дар Душанбе даври омӯзишӣ аз рӯи ихтисоси кафшергарӣ оғоз шуд
Муовини Сарвазири Тоҷикистон бо муовини Сарвазири Узбекистон мулоқот намуд
Меҳмонони Форуми байналмилалии занон Маҷмааи таърихию фарҳангии «Қалъаи Хуҷанд»-ро тамошо намуданд
Дар моҳи апрел ҳаво дар Тоҷикистон чӣ гуна мешавад?
«НАВРӮЗ — ИДИ ЗАНОНИ ВАҲДАТСАРО». Ин форум занони тоҷик, узбек ва қирғизро дар фазои дӯстӣ ба ҳам овардааст
«НАВРӮЗ — ИДИ ЗАНОНИ ВАҲДАТСАРО». Дар шаҳри Хуҷанд Форуми байналмилалии занон баргузор мегардад
Дар шаҳри Турсунзода Маркази саломатии деҳавии «Саркор» ба истифода дода шуд
Эмомалӣ Раҳмон: «Яке аз бузургтарин ҳикмати моҳи шарифи Рамазон ва иди саиди Фитр расидан ба қадри неъматҳо мебошад»
ОГОҲӢ. Хатари лағзиши тарма ва омадани сел дар роҳҳои кӯҳии Тоҷикистон то 31 март боқӣ мемонад