ТАНЗИМИ АНЪАНА ВА ҶАШНУ МАРОСИМ. Дар ноҳияи Мастчоҳ бо мақсади иҷрои талаботи қонуни мазкур озмун доир шуд
ДУШАНБЕ, 15.07.2023. /АМИТ «Ховар»/. 14 июл дар Қасри фарҳанги ноҳияи Мастчоҳи вилояти Суғд бо мақсади иҷрои талаботи Қонуни Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон», эҳёи таомҳои миллӣ, фарҳанги рӯзгордорӣ, бо сифати баланд ва харҷи кам оростани дастархон дар тӯю маъракаҳо озмуни дастархонороӣ баргузор гардид. Дар ин хусус ба АМИТ «Ховар» дар Мақомоти иҷроияи ҳокимияти давлатии ноҳияи Мастчоҳ хабар доданд.
Озмун бо иштироки намояндагони 7 ҷамоати шаҳраку деҳоти ноҳия ва муассисаҳои соҳаи маориф доир карда шуд.
Дар озмун аз ҷониби иштирокчиён якчанд намуди таомҳои миллӣ, аз қабили қурутоб, ширбиринҷ, оши палав, оши бадӯғ, умоч, нони баҳалво, фатиру тунукча, ҳалво ва дигар анвои хӯрокворӣ пешниҳод гардид.
Ҳайати ҳакамон бо дастархонҳои пешниҳоднамудаи иштирокчиён шинос шуда, ба ҳар дастархон вобаста ба интихоби он ва мавҷудияти аломатҳои миллӣ, сарфакорона оростани дастархон, зебо ва дилписанд будани он, истифодаи зарфҳои миллӣ ва интихобу ҷобаҷогузории дурусти онҳо дар дастархон, мавҷудияти хӯриш ва нӯшокиҳои миллӣ дар дастархон, омода намудани дастархон пеш аз пешниҳоди таом, инчунин дигар хизматрасонӣ баҳо гузоштанд.
Дар охир ғолибон бо Сипоснома ва мукофотҳои пулӣ сарфароз гардонида шуданд.
АКС: Мақомоти иҷроияи ҳокимияти давлатии ноҳияи Мастчоҳ
Ҳамкории Тоҷикистон ва Иттиҳоди Аврупо дар самти ҳуқуқи инсон тақвият меёбад
СОЛИ ТАҚВИЯТУ ТАҲКИМИ ХУДШИНОСИВУ ХУДОГОҲИИ МИЛЛӢ. Доир ба масоили ҳувияти миллӣ ва амнияти давлат ҳамоиши илмӣ баргузор шуд
Оид ба татбиқи нақшаи амали Стратегияи миллии фаъолгардонии нақши занон дар Тоҷикистон конференсия доир шуд
Дар Институти геология, сохтмони ба заминҷунбӣ тобовар ва сейсмология Маркази мониторинги сейсмикӣ ба истифода дода шуд
Намояндагони Сафорати Тоҷикистон дар Федератсияи Русия бо донишҷӯёни тоҷик вохӯрӣ намуданд
Дар Душанбе масъалаи ифлосшавии ҳавои атмосферӣ дар мамлакат баррасӣ гардид
Дар Тоҷикистон барои беҳтар намудани хизматрасонии тиббӣ иқдоми нав амалӣ мегардад
Тоҷикистону Чин дар бахши тандурустӣ Ёддошти ҳамкории сеҷониба ба имзо расониданд
«БАҲОРИ ҶАВОНӢ — НАВРӮЗИ ҶАҲОНӢ». Дар вилояти Суғд Фестивали ҷумҳуриявии дӯстии ҷавонон оғоз гардид
МАСЪУЛИЯТ БАРОИ ТАЪЛИМУ ТАРБИЯИ КӮДАК. Судяҳои ноҳияи Фирдавсӣ бо волидону хонандагон вохӯрӣ намуданд
Дар Душанбе оид ба нақши занон дар эҳёи суннатҳои наврӯзӣ форуми байналмилалӣ баргузор гардид
Байни Тоҷикистон ва Узбекистон дар соҳаи таҳсилоти касбӣ Ёддошти тафоҳум ба имзо расонида шуд
