Дар шаҳри Бохтар шуруъ аз моҳи сентябр автобусҳои мусофиркашон ба аҳолӣ хизмат мерасонанд
ДУШАНБЕ, 07.08.2023 /АМИТ «Ховар»/. Бо гузаштаи 30 сол шаҳри Бохтар- маркази маъмурии вилояти Хатлон соҳиби нақлиёти ҷамъиятии мусофиркашон –автобус гардида, шуруъ аз моҳи сентябри имсол автобусҳои мусофиркашон ба ҳаракат даромада, ба сокинон ва меҳмонони шаҳр хизмат мерасонанд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Бохтар иттилоъ медиҳад.
Дар доираи лоиҳаи «Рушди нақлиёти мусофиркашони Хатлон» 15 автобус аз 41 автобуси нақшавӣ, ки истеҳсоли ватанӣ мебошанд, ба шаҳри Бохтар расиданд. Рӯзҳои наздик 26 автобуси дигар вориди шаҳр хоҳанд шуд. Аз ин шумора 20 адад дар хатсайри дохилӣ ва 20 адад дар хастсайри байнишаҳрӣ ба сокинон ва меҳмонон хизмат мерасонанд.
Раиси шаҳри Бохтар ин рӯзро барои шаҳри Бохтар ва сокинону меҳмонони он хурсандибахшу таърихӣ арзёбӣ намуда, афзуд, ки пардохти роҳкирои автобусҳо ғайринақдӣ буда, бо ин мақсад аллакай 40 ҳазор корт дастрас шудааст. Ҳамчунин 10 рӯзи аввал автобусҳо ба мардум ройгон хизмат мерасонанд.
Бояд тазаккур дод, ки Лоиҳаи «Рушди нақлиёти мусофиркашони Хатлон» бо дастгирии Ҳукумати Ҷумҳурии Тоҷикистон, Мақомоти иҷроияи ҳокимияти давлатии вилояти Хатлон ва шарикони рушд амалӣ мешавад.
АКС: Мақомоти иҷроияи ҳокимияти давлатии шаҳри Бохтар
Истиқлол ва рушди саноат: аз сарвати табиӣ то неруи созанда
Эмомалӣ Раҳмон: «То охири сол дар кишвар таъсиси боз 500 корхонаю коргоҳи саноатӣ пешбинӣ шудааст»
Дар ноҳияи Ҷайҳун ба сохтмони хати технологии коркарди нафт санги асос гузошта шуд
Кормандони соҳаи геология ва кӯҳкорӣ 35-солагии Истиқлоли давлатиро ботантана таҷлил намуданд
Навбати дуюми зеристгоҳи барқии «Навобод» ба истифода дода шуд
Дар Тоҷикистон платформаи рақамии ватании ZARZO барои ҳисоб ва идоракунии лоиҳаҳои кишоварзӣ таҳия мегардад
Дар Душанбе Фестивали зеҳни сунъӣ ва технологияҳои рақамӣ -«AI ALLEY» баргузор гардид
Дар Тоҷикистон содироти маҳсулот дар сатҳи устувори рушд ва афзоиш қарор гирифт
Дар Душанбе оид ба рушди алоқа, инноватсия ва технологияҳои рақамӣ ҳамоиши тантанавӣ баргузор шуд
Дар даврони соҳибистиқлолии Тоҷикистон боғу токзори нав 2,3 баробар зиёд гардид
