Мулоқоти кории ҳайатҳои дуҷонибаи милитсияи шаҳри Душанбе ва политсияи шаҳри Нанкини Чин доир гардид
ДУШАНБЕ, 09.08.2023. /АМИТ «Ховар»/. 8 август дар доираи сафари корӣ ҳайати расмии намояндагони Департаменти бехатарии ҷамъиятии шаҳри Нанкини музофоти Тсзян Суи Ҷумҳурии Мардумии Чин таҳти роҳбарии муовини Департаменти мазкур Инг Сунфу ба Раёсати Вазорати корҳои дохилӣ дар шаҳри Душанбе ташриф оварда, бо фаъолият ва шароити кории кормандони мақомоти милитсияи пойтахт шинос шуданд. Дар ин хусус ба АМИТ «Ховар» дар Раёсати Вазорати корҳои дохилӣ дар шаҳри Душанбе иттилоъ доданд.
Сардори Раёсати Вазорати корҳои дохилӣ дар шаҳри Душанбе генерал-майори милитсия Бароталӣ Ҳамидзода ҳайати меҳмононро бо воситаҳои нақлиёте, ки дар доираи муносибатҳои дуҷониба аз ҷониби Ҷумҳурии Мардумии Чин ба мақомоти милитсияи шаҳри Душанбе тақдим гардидаанд, шинос намуд.
Иброз дошта шуд, ки дар доираи ҳамкории стратегии сарони давлатҳои Тоҷикистон ва Чин шаҳри Нанкини Ҷумҳурии Мардумии Чин бо шаҳри Душанбе муносибатҳои дӯстонаи ҳамкориро дар сатҳи баланд амалӣ намуда, имрӯзҳо робитаҳои фарҳангӣ ва ҳамкории низомии дуҷониба тақвият меёбанд.
Дар ин замина дар доираи санадҳои баимзорасида байни вазоратҳои ду давлат сафарҳои кориву мулоқоти дуҷониба ба роҳ монда шудаанд, ки метавонанд ба табодули таҷриба ва баланд бардоштани донишу малакаи касбии кормандони милитсия мусоидат намоянд.
Зимни мулоқоти дуҷониба ҳайатҳо оид ба масъалаҳои мубориза бар зидди ҷинояткорӣ, пешгирии муомилоти ғайриқонунии воситаҳои нашъадор, ошкорсозии ҷиноятҳои кибернетикӣ ва қаллобӣ тавассути интернет, баргузории чорабиниҳои профилактикӣ-фаҳмондадиҳӣ, таҳким бахшидани робита бо мардум, вазъи садаманокӣ ва роҳу усулҳои пешгирии он байни ҳам мубодилаи афкор намуда, ҷиҳати дар амал татбиқ намудани таҷрибаи пешқадами ҳамдигар дар самтҳои гуфташуда табодули афкор намуданд.
Ҳамзамон ҳайати намояндагони политсияи шаҳри Нанкин бо ҷараёни сохтмони бинои нави Раёсати Вазорати корҳои дохилӣ дар шаҳри Душанбе шинос шуда, омодагии худро ҷиҳати расонидани кумакҳои техникӣ иброз намуд.
АКС: Раёсати Вазорати корҳои дохилӣ дар шаҳри Душанбе
Ҳайати Тоҷикистон дар Форуми Осиё ва Уқёнуси Ором дар Филиппин иштирок намуд
Дар Кӯлоб ҷаласаи Шурои ҳамоҳангсозии фаъолияти мақомоти ҳифзи ҳуқуқ баргузор гардид
ҲАР АМАЛИ НОДУРУСТ ҶАВОБГАРӢ ДАР ПАЙ ДОРАД! Дар Душанбе паҳнкунандагони доруи психотропии «Прегабалин» дастгир шуданд
Ҳайати Тоҷикистон дар Вена дар конфронси Созмони Милали Муттаҳид оид ба мубориза бо қаллобӣ иштирок дорад
Дар Вена ҳамкории Тоҷикистон ва Британияи Кабир дар соҳаи ҳифзи ҳуқуқ баррасӣ гардид
14 МАРТ — РӮЗИ КОРМАНДОНИ МАҚОМОТИ ПРОКУРАТУРА. Бо назардошти вазъи геополитикии ҷаҳон дар назди кормандони он масъулияти баланд меистад
Агентии назорати маводи нашъаовари Тоҷикистон ва Раёсати СММ оид ба маводи нашъаовар ва ҷинояткорӣ ҳамкориро тақвият медиҳанд
Ҷаласаи навбатии Комиссияи даъвати ҷумҳуриявӣ оид ба омодагӣ ба даъвати баҳории соли 2026 ба хизмати ҳарбӣ доир гардид
Нозирони мизҳои ҳарбӣ дар шаҳри Бохтар ба машғулияти такмили ихтисос фаро гирифта шуданд
Дар Хатлон ҳамкории милитсия, омӯзгорон ва волидайн дар самти пешгирии ҷинояткорӣ байни ноболиғон тақвият меёбад
Ташаккул ва рушди фарҳанги киберамният дар низоми таълиму тарбия аҳамияти аввалиндараҷа касб мекунад
Ҳайати Тоҷикистон дар иҷлосияи Комиссияи СММ оид ба воситаҳои нашъадор иштирок дорад
