НИШАСТИ МАТБУОТӢ. Дар шаҳри Бӯстон давоми ним сол 6 корхонаи нави саноатӣ зиёд гардид
ДУШАНБЕ, 04.08.2023 /АМИТ «Ховар»/. Дар заминаи амалигардонии ҳадафи чоруми миллӣ-саноатикунонии босуръати мамлакат ва дар доираи Солҳои рушди саноат (2022-2026) теъдоди корхонаҳои саноатӣ дар шаҳри Бӯстон ба 52 адад расонида шуд. Ин нуктаро иҷрокунандаи вазифаи раиси шаҳр Нигорахон Ғаффорзода зимни нишасти матбуотӣ ба хабарнигорон баён дошт. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Бӯстон хабар медиҳад.
Тазаккур дода шуд, ки дар 6 моҳи соли равон ҳаҷми истеҳсоли маҳсулоти саноатӣ бо дарназардошти хизматрасонии пулакии барқу об ва бахши хусусӣ ба 309,6 миллион сомонӣ расид, ки нисбат ба ҳамин давраи соли гузашта 3,4 миллион сомонӣ зиёд буда, 102 фоизро ташкил дод.
Аз ҷониби корхонаҳои саноатии шаҳр маҳсулот, ба монанди орд, сабӯс, равғани растанӣ, оби маъданӣ, консерваҳо, нӯшокиҳои бе спирт, рехтаи пӯлодӣ, қубурҳои азбестӣ, қубурҳои пластикӣ арматураи сохтмонӣ, халтаҳои полиэтиленӣ, қоғази ташноб, мех ва мехи печон, сангҳои ороишӣ, ранги сохтмонӣ, маҳсулоти заргарӣ ва ғайра истеҳсол мешаванд.
Дар ин давра дар шаҳр аз ҷониби мақомоти иҷрояи ҳокимияти давлатии шаҳр дар ҳамбастагӣ бо соҳибкорону тоҷирон ҷиҳати ҷалби сармояи мустақим, бунёди корхонаҳои нави истеҳсолӣ, воридоти технологияҳои инноватсионӣ, зиёд намудани иқтидори истеҳсолии корхонаҳои мавҷуда ва ташкили ҷойҳои кории нав тадбирҳо андешида шуда, давоми шашмоҳаи аввали соли 2023 6 корхонаи нави саноатӣ зиёд гардид.
АКС аз бойгонӣ
Вобаста ба рушди энергетика дар даврони истиқлолият конференсияи байналмилалӣ доир гардид
Майдонҳои зироати кишоварзии минтақаҳои Ҳисор ва Турсунзода аз жола ҳифз карда шуданд
«Амонатбонк» дар доираи «Моҳи саводнокии молиявӣ» дар Ашт ҳамоиш доир намуд
Рустами Эмомалӣ бинои нави маъмурии Нозироти андоз дар ноҳияи Шоҳмансури шаҳри Душанберо мавриди истифода қарор доданд
Хадамоти алоқаи Тоҷикистон ҳамкориро бо ширкатҳои телекоммуникатсионӣ густариш медиҳад
Кишоварзони шаҳри Кӯлоб дар 400 гектар пунбадонаи зери плёнка кишт менамоянд
Масъалаи ҷалби ширкатҳои эронӣ барои фаъолият дар нахустин IT-парки Душанбе баррасӣ шуд
Муовини Сарвазири Тоҷикистон Сулаймон Зиёзода бо фаъолияти кишоварзони шаҳри Ҳисор шинос шуд
Пешвои миллат Эмомалӣ Раҳмон дар шаҳри Душанбе Корхонаи заргарии ҶДММ Ширкати кӯҳӣ-саноатии Тоҷикистону Чинро ифтитоҳ намуданд
Президенти Тоҷикистон Эмомалӣ Раҳмон дар шаҳри Душанбе бинои маъмурии шуъбаи маориф ва пойгоҳи №1-и Муассисаи давлатии маркази шаҳрии «Ёрии таъҷилии тиббӣ»-ро ба истифода доданд
Сарвари давлат Эмомалӣ Раҳмон дар шаҳри Душанбе Корхонаи дӯзандагии ҶДММ «Гардӣ»-ро мавриди баҳрабардорӣ қарор доданд
Дар ноҳияи Ҷаббор Расулов кишти пунбадона оғоз гардид
