НИШАСТИ МАТБУОТӢ. Дар шаш моҳи соли 2023 дар Тоҷикистон 10 млрд 633,3 млн кВт-соат неруи барқ истеҳсол гардид
ДУШАНБЕ, 11.08.2023. /АМИТ «Ховар»/. Дар шашмоҳаи аввали соли 2023 дар Тоҷикистон 10 млрд 633,3 млн кВт-соат неруи барқ истеҳсол шудааст, ки нисбат ба ҳамин давраи соли гузашта 341,2 млн киловатт-соат зиёд мебошад, — иттилоъ дода шуд 10 август дар нишасти матбуотии Ҷамъияти саҳомии кушодаи «Барқи тоҷик» оид ба натиҷаҳои фаъолият давоми шаш моҳи соли равон.
Аз ҷумла, истеҳсоли неруи барқ дар неругоҳҳои Ҷамъияти саҳомии кушодаи «Барқи тоҷик» 7 млрд 868,6 млн кВт-соат, дар Неругоҳи барқи обии «Сангтӯда-1» 1 млрд 385,5 млн кВт-соат, дар Неругоҳи барқи обии «Сангтӯда-2» 435,5 млн кВт-соат ва дар Неругоҳи барқи обии «Роғун» 963,7 млн кВт-соатро ташкил додааст.
Талафоти неруи барқ дар давраи ҳисоботӣ дар маҷмуъ 38,8 млн кВт-соатро ташкил додааст, ки ба 0,49 фоизи барқи истеҳсолшуда баробар мебошад.
Иттилоъ дода шуд, ки давоми шаш моҳи соли равон бо мақсади таъмин кардани ҳолати кории иқтидорҳои мавҷудаи системаи энергетикӣ, баланд бардоштани эътимоднокии фаъолияти неругоҳҳои барқи обӣ ва марказҳои барқу гармидиҳӣ корҳои таъмирӣ, барқарорсозӣ ва сохтмонӣ ба маблағи 19,9 млн сомонӣ анҷом дода шуданд.
А. САНГЗОДА,
АМИТ «Ховар»
АКС: АМИТ «Ховар»
Дар ҷумҳурӣ «Стратегияи миллии мутобиқшавӣ ба тағйирёбии иқлими Ҷумҳурии Тоҷикистон барои давраи то соли 2030» татбиқ мегардад
Созишномаи маблағгузории лоиҳаи «Дастрасӣ ба бозорҳо ва мутобиқшавӣ ба чорводорӣ» ба имзо расид
Ҳамкории Тоҷикистон бо СММ дар самти инноватсия ва зеҳни сунъӣ густариш меёбад
РАВАНДИ ОБИ ДУШАНБЕ. Президенти Тоҷикистон пешниҳод намуданд, ки «Чаҳорчӯби Душанбе барои об» таъсис дода шавад
Ҳоким Холиқзода бо муовини якуми Президенти Бонки аврупоии таҷдид ва рушд Марк Боуман мулоқот намуд
Кормандони Агентии авиатсияи гражданӣ дар Осорхонаи миллӣ бо мероси таърихию фарҳангии ниёгон шинос шуданд
Ҳайати Тоҷикистон дар Форуми байналмилалии M360 Eurasia 2026 масъалаҳои рушди рақамиро баррасӣ намуд
Тоҷикистон тасмим гирифтааст, ки то соли 2040 дастрасии ҳадди ақалл 90 фоизи аҳолиро ба оби мутамарказ таъмин намояд
Татбиқи лоиҳаҳои иҷтимоию иқтисодӣ дар Тоҷикистон бо Бонки аврупоии таҷдид ва рушд баррасӣ гардид
Эмомалӣ Раҳмон: «Тоҷикистон тасмим гирифтааст, ки то соли 2040 рақамикунонии мудирияти захираҳои обро то 80 фоиз афзоиш диҳад»
РАВАНДИ ОБИ ДУШАНБЕ. Дар намоишгоҳи байналмилалӣ иқтидори обию энергетикӣ ва шаҳсозии Тоҷикистон муаррифӣ гардид
РАВАНДИ ОБИ ДУШАНБЕ. Дар Душанбе таҳти унвони «Об — манбаи ҳаёти инсоният» Фестивали об ва барномаи фарҳангӣ доир шуд
