НИШАСТИ МАТБУОТӢ. Дар Тоҷикистон 515 мавзеи хатарноки аввалиндараҷа муайян гардид
ДУШАНБЕ, 05.08.2023 /АМИТ «Ховар»/. Дар давраи ҳисоботӣ аз ҷониби сохторҳои дахлдори Кумитаи ҳолатҳои фавқулода ва мудофиаи гражданӣ дар шаҳру ноҳияҳои Тоҷикистон ташхиси минтақаҳои осебпазир гузаронида шуд. Муайян гардид, ки 2209 минтақаи хавфнок (соли 2021- 1471) сабт шудаанд, ки қисми зиёди онҳоро мавзеъҳои селу обхезӣ, ярч, сангрезаву тармафароӣ ташкил медиҳанд. Аз ин шумора дар ҷумҳурӣ 515 мавзеи хатарноки аввалиндараҷа, аз ҷумла дар Вилояти Мухтори Кӯҳистони Бадахшон 140 мавзеъ, Хатлон- 46, Суғд- 88, ноҳияҳои тобеи ҷумҳурӣ- 237 ва шаҳри Душанбе 4 мавзеъ муайян шудааст, ки дар онҳо гузаронидани корҳои пешгирикунанда ва соҳилмустаҳкамкунӣ зарур мебошад.
Ин нуктаро 4 август зимни нишасти матбуотӣ Раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон Рустам Назарзода ба хабарнигорон баён дошт.
Тазаккур дода шуд, ки таҳлилҳо нишон медиҳанд сабабҳои кам шудани минтақаҳои хавфнок нисбат ба солҳои пешин ҳамасола кӯчанидани хоҷагиҳои дар мавзеъҳои хавфнок қарордошта ҳамчун муҳоҷирони экологӣ ба мавзеъҳои бехавф, гузаронидани корҳои пешгирикунанда, соҳилмустаҳкамкунӣ ва манъ намудани сохтмони хонаҳои истиқоматӣ дар мавзеъҳои осебпазир мебошанд.
Ҳамзамон дар нишаст гуфта шуд, ки солҳои пеш дар шаҳри Душанбе 10 минтақаи хавфнок мавҷуд буд. Бинобар он сабаб, ки мақомот чораҳои зарурӣ диданд, ин минтақаҳо кам гардиданд.
Дар айни замон 2 минтақа дар ноҳияи Шоҳмансур ва 1-тоӣ дар ноҳияи Исмоили Сомонӣ ва Синои пойтахт мавҷуд мебошанд.
Дар ноҳияи Сино мавзеи «Лучоб» ва дар ноҳияи Шоҳмансур мавзеъҳое, ки дар маҳаллаи «Ховарон»-и шаҳр ҷойгир ҳастанд. Дар ин самт аз ҷониби Мақомоти иҷроияи ҳокимияти давлатии шаҳри Душанбе чораҳои пешгирикунанда ва соҳилмустаҳкамкунӣ гузаронида мешаванд. Дар ин ҷойҳо асосан хавфи омадани сел, ярч ва обхезӣ дар назар дошта шудааст.
София ШОИК,
АМИТ «Ховар»
АКС: АМИТ «Ховар»
СААД баимзорасии Шартнома байни Тоҷикистон ва Қирғизистон дар бораи сарҳади давлатиро истиқбол менамояд
Президенти Ҷумҳурии Тоҷикистон Эмомалӣ Раҳмон ба Ҷумҳурии Қирғизистон сафар намуданд
Барои кормандзанони мақомоти корҳои дохилӣ барномаи идонаи бошукуҳ доир гардид
Дар Душанбе ҷаласаи Комиссияи даъвати ҷумҳуриявӣ баргузор шуд
Котиби Шурои амнияти Ҷумҳурии Тоҷикистон бо Директори Кумитаи иҷроияи Сохтори минтақавии зиддитеррористии СҲШ мулоқот намуд
«БЕҲТАРИН РАСМИ МОДАР ВА ДУХТАР БО ЛИБОСИ МИЛЛӢ». Таҳти ин унвон озмун баргузор мегардад
Сарфармондеҳи Олии Қувваҳои Мусаллаҳ: «Артиши миллии Тоҷикистон ба яке аз рукнҳои муҳимми давлатдории навини тоҷикон мубаддал гардидааст»
ИМРӮЗ — РӮЗИ ТАЪСИСИ ҚУВВАҲОИ МУСАЛЛАҲИ ТОҶИКИСТОН. Давлат бо Артиши миллӣ муқтадиру пойдор мемонад
СИПАҲСОЛОРИИ ПЕШВОИ МИЛЛАТ. Артиши миллӣ — артиши дар ибтидо пароканда ва номукаммале, ки имрӯз ба қувваи бузург ва ифтихори тоҷикон табдил ёфтааст
ҶОННИСОР, ШАБЗИНДАДОР ВА БОИСИ ИФТИХОР! Имрӯз Артиши миллии Ҷумҳурии Тоҷикистон сипари боэътимоди давлат ва миллат аст
ЗАНОНИ НИЗОМИПӮШ. Дар баробари зан-модар будан масъулияти ҳимояи Ватанро низ бар дӯш доранд
Эмомалӣ Раҳмон: «Ҳимояи Ватан ва ҳаёти осоиштаи мардум барои ҳар ҷавонмарди бонангу номус вазифаи муқаддас ва пуршараф ба ҳисоб меравад»
