НИШАСТИ МАТБУОТӢ. Маҷмуи маҳсулоти дохилӣ дар Тоҷикистон новобаста ба омилҳои берунӣ 8,3 фоиз афзоиш ёфтааст

Август 10, 2023 13:42

ДУШАНБЕ, 10.08.2023 /АМИТ «Ховар»/. Новобаста ба таъсири омилҳои берунӣ, аз ҷумла таҳримҳои иқтисодӣ, тиҷоратӣ, пайомадҳои тағйирёбии иқлим, ки вазъи иқтисоди ҷаҳонро нисбатан ноустувор ва душвор гардонидаанд, маҷмуи маҳсулоти дохилӣ дар мамлакат то 8,3 фоиз ё 54,2 миллиард сомонӣ афзоиш ёфтааст.

Тавре муовини якуми Вазири рушди иқтисод ва савдои Ҷумҳурии Тоҷикистон Ашурбой Солеҳзода имрӯз дар нишасти матбуотӣ ба хабарнигорон гуфт, ин дастовардҳо ё дар маҷмуъ таъмини устувории нишондиҳандаҳои макроиқтисодии ҷумҳурӣ дар натиҷаи иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, заҳмати саноатчиёну кишоварзони мамлакат ва татбиқи нақшаи чорабиниҳои зиддибуҳронӣ дар шашмоҳаи аввали соли равон ба даст омад.

Таъкид шуд, ки дар ин давра суръати рушди иқтисоди миллӣ асосан аз ҳисоби зиёд гардидани ҳаҷми истеҳсоли маҳсулоти саноатӣ 10,3 фоиз, кишоварзӣ- 7,9 фоиз, маблағгузорӣ ба сармояи асосӣ- 27,1 фоиз, боркашонӣ-13,7 фоиз, гардиши савдо- 11,8 фоиз, мусофиркашонӣ- 8,9 фоиз ва хизматрасонии пулакӣ — 5,5 фоиз таъмин гардид.

Ҳамзамон гуфта шуд, ки дар ин давра сатҳи таваррум дар сатҳи 2,3 фоиз муътадил нигоҳ дошта шуд. Ин аз ҳисоби 3 фоиз болоравии нархҳои маҳсулоти озуқа ва 2,9 фоиз молҳои ғайриозуқаворӣ ташаккул ёфтааст.

Дар ин давра дар ҷумҳурӣ нархи гӯшти гов 4,3 фоиз, картошка 28,6 фоиз, биринҷ 43 фоиз ва шакар 23,5 фоиз баланд шуд. Дар баробари ин нархи орди навъи 1-ум 17 фоиз, равғани растанӣ 22,9 фоиз, помидор 71,6 фоиз, бодиринг 57,4 фоиз, тухм 21,2 фоиз ва шир 1,9 фоиз коҳиш ёфт.

Баландшавии нархи маҳсулоти ғайриозуқаворӣ бештар аз ҳисоби болоравии нархи бензин 16,4 фоиз, доруворӣ 8,4 фоиз, масолеҳи сохтмонӣ 4,5 фоиз ва маводи шустушӯйӣ 3,2 фоиз ба амал омадааст. Инчунин дар ин давра нархи гази моеъ 26,3 фоиз ва сӯзишвории дизелӣ 12,9 фоиз коҳиш ёфтааст.

Марзия САИДЗОДА,
АМИТ «Ховар»

АКС: АМИТ «Ховар»

Август 10, 2023 13:42

Хабарҳои дигари ин бахш

Масъалаҳои баргузории Форуми B5+1 дар Душанбе баррасӣ шуданд
Тоҷикистон ба Конвенсияи СММ оид ба мубориза бо биёбоншавӣ пешниҳод намуд, ки соли 2027 миссияи техникӣ ташкил карда шавад
Бо сабаби фаъолият накардани корхонаи «Хишти Тоҷикобод» сокинон ин масолеҳи сохтмониро аз Душанбе ва Ваҳдат бо роҳкирои гарон ворид менамоянд
Дар Минтақаи озоди иқтисодии «Ишкошим» ба маблағи беш аз 1 миллион сомонӣ кору хизматрасонӣ анҷом дода шуд
Дар доираи ҷаласаи 45-уми пленарии ГАО ҳамоиш баргузор гардид
Тоҷикистон барои мубориза бо тағйирёбии иқлим ва ҳифзи пиряхҳо иқдомҳои мушаххасро тақвият мебахшад
Душанбе мизбони конференсияи миллӣ ва Намоишгоҳи технологияҳои рақамӣ дар соҳаи кишоварзӣ мегардад
Тоҷикистон ва Озарбойҷон ҳамкориро дар соҳаи ҳифзи муҳити зист тақвият медиҳанд
Дар Душанбе ҷаласаи 45-уми пленарии ГАО оғоз шуд
Раванди татбиқи низоми электронии сертификатсияи фитосанитарӣ дар Тоҷикистон баррасӣ гардид
Ҳамкории Палатаи ҳисоби Тоҷикистон ва Додгоҳи ҳисоби Туркия густариш меёбад
«ПАРДОХТИ ЯГОНАИ КОММУНАЛӢ». Низоми нав пардохтро барои сокинон осонтар, равшантар ва шаффофтар мегардонад