Созмони умумиҷаҳонии тандурустӣ аз 7% афзудани бемории COVID-19 дар ҷаҳон дар 28 рӯз хабар дод

Август 4, 2023 16:29

ДУШАНБЕ, 04.08.2023 /АМИТ «Ховар»/. Аз давраи 13 то 30 июл дар ҷаҳон беш аз 1 миллион нафар ба сирояти коронавирус мубтало шуда, зиёда аз 3 ҳазор нафар фавтиданд. Шумораи сироятшудагон нисбат ба 28 рӯзи қаблӣ 7 фоиз афзуда, шумораи фавтидагон 53 фоиз кам шудааст. Тавре  АМИТ «Ховар» бо истинод ба ТАСС иитилоъ медиҳад, дар ин хусус Созмони умумиҷаҳонии тандурустӣ (СУТ) хабар додааст.

Созмони умумиҷаҳонии тандурустӣ таъкид доштааст, ки бемории COVID-19 чун пештара хатари ҷиддӣ дорад ва кишварҳоро даъват намудааст, ки инфрасохтори мубориза бар зидди бемориро нигоҳ доранд.

Тибқи маълумоти Созмони умумиҷаҳонии тандурустӣ, давоми чор ҳафта дар ҷаҳон 1 008 194 ҳолати сироятёбӣ ва 3 132 фавт ба қайд гирифта шудааст.

Дар созмон муқаррар намуданд, ки сарфи назар аз анҷом ёфтани  ҳолати фавқулода, ки СУТ 5 май эълон намуда буд, бемории COVID-19  ҳамчун таҳдиди бузург боқӣ хоҳад монд.

Аз давраи 13 то 30 июл дар минтақаи ғарбии Уқёнуси Ором 38% афзоиши беморӣ сабт шудааст, ҳол он ки дар панҷ минтақаи дигари созмон он коҳиш ёфтааст. Сатҳи фавт дар ҳамаи шаш минтақа, бахусус аз ҳама бештар дар Аврупо  75% коҳиш ёфтааст.

Азиза ИКРОМ,
АМИТ «Ховар»

АКС аз манбаъҳои боз

Август 4, 2023 16:29

Хабарҳои дигари ин бахш

Ҳамоиши Воситаҳои ахбори омма ва марказҳои таҳлилии СҲШ дар Чжэнчжоу баргузор мешавад
Дар натиҷаи суқути ҳавопаймои Ан-24 дар вилояти Амури Русия ҳамаи мусофирон ҳалок шуданд
Бемориҳои музмини ғайрисироятӣ ҳамасола сабаби 1,8 миллион марги пешгиришаванда мегарданд
Пешгӯиҳои ҳарорат барои соли 2050 аз соли 2025 оғоз мегарданд
Коршиносони ИДМ лоиҳаи Нақшаи чорабиниҳо бахшида ба 35-солагии Иттиҳодро мувофиқа намуданд
Бинобар гармии рекордӣ дар Чин талабот ба неруи барқ ба нуқтаи баландтарин расид
Хисороти аз офатҳои табиӣ расида дар Чин аз 7,5 миллиард доллар зиёд шуд
Гармои шадид дар Испания дар ду моҳи охир сабаби марги 1180 нафар гардид
Бар асари боронҳои мавсимӣ ва обхезии шадид дар Покистон 104 нафар ҳалок гардид
Бархе аз минтақаҳои Аврупоро гармои шадид фаро гирифт
Бар асари фаромадани ярч ва обхезӣ дар шимоли Ҳиндустон 51 нафар ҳалок гардид
Созмони ҷаҳонии тандурустӣ чораҳои муҳофизат аз гармии тобистонро пешниҳод менамояд