ТОҶИКИСТОН ВА ЮНЕСКО: 30 СОЛИ ҲАМКОРИИ СУДМАНД. Дар Осорхонаи миллии Тоҷикистон ба ин муносибат ҳамоиши ҷашнӣ доир гардид
ДУШАНБЕ, 11.08.2023. /АМИТ «Ховар»/. Имрӯз, 11 август бо ташаббуси Вазорати корҳои хориҷии Ҷумҳурии Тоҷикистон ва Муассисаи давлатии «Осорхонаи миллӣ»-и Дастгоҳи иҷроияи Президенти Ҷумҳурии Тоҷикистон баҳри сазовор таҷлил намудани 30-солагии ҳамкории Ҷумҳурии Тоҷикистон ва Созмони Милали Муттаҳид оид ба масоили маориф, илм ва фарҳанг ЮНЕСКО дар Осорхонаи миллӣ ҳамоиши ҷашнӣ баргузор гардид, хабар медиҳад АМИТ «Ховар».
Дар кори ҳамоиш намояндагони Дастгоҳи иҷроияи Президенти Ҷумҳурии Тоҷикистон, Вазорати корҳои хориҷӣ, Вазорати фарҳанг, Академияи миллии илмҳои Тоҷикистон, намояндагони корпусҳои дипломатии муқими Тоҷикистон ва дигар ниҳодҳои марбута иштирок намуданд.
Дар ҳамоиш дастовардҳои замони Истиқлолияти давлатӣ дар самти ҳамкории Тоҷикистон бо ЮНЕСКО- ҳунари чакандӯзӣ, адрасбофӣ, дастархони ҳафтсин ва ҳафтшин ҳамчун рамзи Наврӯз, шамшмақомхонӣ, фалаксароӣ, оши палав ва абрешимбофӣ муаррифӣ шуданд.
Ҳамзамон бо иштироки ҳунармандони касбии театрҳои мамлакат саҳначаҳои театрӣ оид ба Абурайҳони Берунӣ, Ҷалолиддини Балхӣ ва латифаҳои Хоҷа Насриддин пешниҳоди иштирокчиён гардида, асарҳои миниатюрӣ, мусаввараҳои кӯдакони шаҳри Ваҳдат ва осори марбут ба ҳунари кулолгарӣ низ ба маърази тамошо бароварда шуд.
Дар бахши фарҳангӣ аз ҷониби ҳунармандони шаҳри Ҳисор намоиш-суруди «Биё равем чойхона» ва аз ҷониби ҳунармандони шаҳри Душанбе навозиши ғижак садо дод.
Зимнан меҳмонони намоиш бо гӯшаи Саразм ва имитатсияи ёдгории шаҳраки «Тахти сангин», ки ба муносибати 2500-солагии ин ёдгории таърихӣ дар Осорхонаи миллӣ ифтитоҳ гардидааст, шинос шуданд.
Бояд гуфт, ки аз давраи ба ЮНЕСКО шомил шудани Ҷумҳурии Точикистон 30 сол сипарӣ гардида, дар ин муддат Комиссияи миллииҶумҳурии Тоҷикистон оид ба корҳои ЮНЕСКО таъсис дода шуд.
Ин тадбир замина гузошт, ки то имрӯз якчанд осори таърихӣ, фарҳангӣ ва табиии Ҷумҳурии Тоҷикистон ба феҳристҳои ин ниҳоди ҷаҳонӣ ворид шаванд.
Зимни ҳамоиш тамоми сертификатҳое, ки Ҷумҳурии Тоҷикистон давоми 30 сол аз ЮНЕСКО ба даст овардааст, пешниҳоди ҳозирин ва тамошобинони Осорхонаи миллӣ гардонида шуд.
АКС: АМИТ «Ховар»
Дар Академияи миллии илмҳои Тоҷикистон Озмоишгоҳи нави харитасозии радиатсионӣ ифтитоҳ гардид
Маърузаи олими тоҷик доир ба ҳифз ва рушди анъанаҳои миллии фарҳанг ва санъат дар ҷаҳон соҳиби ҷоизаи махсус гардид
Ҳайати мақомоти зиддикоррупсионии Узбекистон бо таъриху фарҳанги миллати тоҷик шинос шуд
Китоби академик Фарҳод Раҳимӣ доир ба ташаббусҳои Президенти Тоҷикистон, пиряхҳо ва иқлим ба нашр расид
Дар Маркази рушди инноватсионии илм ва технологияҳои нав системаи гармидиҳӣ насб мегардад
Ҷаласаи Кумитаи тадорукоти Синамоҷашнвораи дуюми байналмилалии Душанбе «Тоҷи Сомон» баргузор гардид
НИШАСТИ МАТБУОТӢ. Имсол Донишкадаи давлатии санъати тасвирӣ ва дизайни Тоҷикистонро 332 донишҷӯ хатм намуд
Банаворгирии филми муштараки Тоҷикистону Узбекистон бо номи «Дурахши ахтарон: Ҷомӣ ва Навоӣ» оғоз ёфт
«ПЕШВО, ҲИЗБ, МИЛЛАТ». Бахшида ба 30-солагии таъсиси ҲХДТ андешаҳои шахсиятҳои шинохтаи дунё ба нашр расид
НИШАСТИ МАТБУОТӢ. Донишҷӯёни Консерваторияи миллӣ дар озмунҳои байналмилалӣ ҷойҳои намоёнро гирифтанд
Дар муассисаҳои илмию таҳқиқотии Академияи миллии илмҳои Тоҷикистон 8 озмоишгоҳи нав ба истифода дода шуд
НИШАСТИ МАТБУОТӢ. Донишкадаи давлатии фарҳанг ва санъати Тоҷикистон ихтисоси «Омӯзгорони томактабӣ» таъсис медиҳад
