«ТОҶИКИСТОН — ВАТАНИ АЗИЗИ МАН». Аз Хуҷанд 33 довталаб ба даври ниҳоии ин озмуни ҷумҳуриявӣ роҳхат гирифт

Август 21, 2023 14:55

ДУШАНБЕ, 21.08.2023. /АМИТ «Ховар»/.  Дар Кохи фарҳанги «Суғдиён»-и шаҳри Хуҷанд даври дуюми Озмуни ҷумҳуриявии «Тоҷикистон — Ватани азизи ман» баргузор шуд. Дар ин хусус АМИТ «Ховар» бо истинод ба котиби матбуоти Раиси шаҳри Хуҷанд хабар медиҳад.

Дар ин давр 60 нафар намояндагони шаҳри Хуҷанд аз рӯи номинатсияҳои  композиторӣ, навозандагӣ, сарояндагӣ, санъати тасвирӣ ва дизайн байни довталабони аз 12 то 17-сола ва 18-40-сола фаъолона иштирок намуданд. 33 нафар намояндагони шаҳри Хуҷанд, аз ҷумла 7 нафар- ҷойи якум, 19 нафар- ҷойи дуюм ва 7 нафар ҷойи сеюмро ба даст оварда, ба даври ниҳоии Озмуни ҷумҳуриявии «Тоҷикистон-Ватани азизи ман» роҳхат гирифтанд.

Ёдовар мешавем, ки соли равон Озмуни ҷумҳуриявии «Тоҷикистон – Ватани азизи ман» аз рӯйи 5 номинатсия — композиторӣ, сарояндагӣ, навозандагӣ, санъати тасвирӣ ва дизайн гузаронида мешавад.

Номинатсияҳои санъати тасвирӣ ва дизайн бори аввал баргузор гардида, дар онҳо довталабон аз рӯйи жанрҳои санъати тасвирӣ (рассомӣ, ҳайкалтарошӣ, графика, миниатюра), ороиши амалӣ (кулолгарӣ, заргарӣ, наққошӣ, коркарди бадеии чӯб), дизайни графика, реклама, дизайни дохили бино, дизайни мӯд ва бофандагии бадеӣ маҳорат месанҷанд.

Тазаккур бояд дод, ки Озмуни ҷумҳуриявии «Тоҷикистон – Ватани азизи ман» таҳти cарпарастии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон гузаронида мешавад.

Ҳадафи он дарёфти истеъдодҳои нав дар соҳаи санъати мусиқӣ ва сарояндагӣ, рассомӣ ва дизайн, баланд бардоштани маҳорати касбӣ ва эҳсоси зебоишиносӣ, тақвияти ҳунари баланди иҷрокунандагӣ, таблиғ ва эҳёи ҳунарҳои мардумӣ, муаррифии фарҳанги волои миллати тоҷик, эҳтиром ва арҷгузорӣ ба суннатҳои неки аҷдодӣ, боло бурдани сатҳи касбии асарҳои нави мусиқӣ, офарандагӣ, интихоби намунаҳои беҳтарини оҳангу суруд, коллексияҳо ва асарҳои рассомӣ  мебошад.

АКС: маркази матбуоти Раиси шаҳри Хуҷанд

Август 21, 2023 14:55

Хабарҳои дигари ин бахш

Намоишномаи «Робиаи Балхӣ» дар Фестивали байналмилалии театрӣ дар Москва ба саҳна гузошта шуд
Дар Душанбе даври ҷумҳуриявии озмуни «Библиомарафон» баргузор гардид
Дар Бохтар даври вилоятии Озмуни ҷумҳуриявии «Ҳунарманди сол» баргузор шуд
Ҳунармандони тоҷик дар Фестивали сеюми ҷаҳонии фарҳангии Карочӣ иштирок намуданд
Китоби «Забони миллат — ҳастии миллат»-и Президенти Тоҷикистон бо нуҳ забони хориҷӣ тарҷума ва нашр карда шуд
Ҳамкории Осорхонаи миллӣ бо муассисаҳои соҳавии Ҷумҳурии Корея густариш меёбад
Дар шаҳри Хуҷанд Фестивали оши палав ҷамъбаст шуд
Озмуни «Фурӯғи субҳи доноӣ китоб аст» мактаби дониш, ҷаҳонбинӣ ва худшиносӣ мебошад
Беҳтарин китобҳои тозанашри Тоҷикистон дар намоишгоҳи байналмилалӣ пешниҳод гардид
Дар Қазон масъалаи баргузории Рӯзҳои фарҳанги Тоҷикистон дар Тотористон баррасӣ гардид
Доир ба саҳми таърихии Борбади Марвазӣ конфронси байналмилалӣ баргузор мешавад
«ДОИРАБАЗМ». Дар Душанбе даври ниҳоии Озмуни ҷумҳуриявии созҳои зарбӣ баргузор мешавад