БАХШИДА БА 32-СОЛАГИИ ИСТИҚЛОЛИЯТИ ДАВЛАТӢ. Дар панҷ ҷамоату деҳоти ноҳияи Восеъ биноҳои иловагии муассисаҳои таълимӣ ба истифода дода шуданд
ДУШАНБЕ, 06.09.2023 /АМИТ «Ховар»/. Ба муносибати 32-солагии Истиқлолияти давлатии Ҷумҳурии Тоҷикистон дар деҳаи Кафтархонаи Ҷамоати Худоёр Раҷабови ноҳияи Восеъ бинои иловагии муассисаи таълимии №16 мавриди истифода қарор дода шуд. Дар ин хусус директори муассисаи таҳсилоти миёнаи умумии №16 Зиёвуддин Шукуров ба АМИТ «Ховар» иттилоъ дод.
Бинои иловагӣ аз ҷониби соҳибкори маҳаллӣ Анвар Камолзода сохта шуда, аз 6 синфхонаи таълимӣ иборат аст ва дар як баст 150 нафар хонанда ба таълим фаро гирифта мешаванд.
Муассисаи таҳсилоти миёнаи умумии №16 аз соли 1965 то инҷониб фаъолият менамояд. Норасоии ҷойи нишаст ва набудани мизу курсиҳои замонавӣ яке аз мушкилоти асосии хонандагони ин даргоҳи таълимӣ буд. Хушбахтона, бо сохтани бинои иловагӣ иборат аз 6 синфхона барои 300 нафар дар ду баст мушкили асосии муассиса бартараф гардид.
Соҳибкори маҳаллӣ Анвар Камолзода ҳамчунин мақсад гузоштааст, ки солҳои оянда дар назди муассиса майдончаи варзишӣ бо тамоми шароити замонавӣ бунёд намояд. Алҳол дар муассисаи таълимӣ 600 нафар хонандагон ба таълиму тарбия фаро гирифта шудаанд, ки ба онҳо 47 нафар омўзгорони соҳибтахассус таълим медиҳанд.
Дар ифтитоҳи мактаби №16 роҳбарияти вилояти Хатлон, ноҳияи Восеъ, Раёсати маорифи вилояти Хатлон, шуъбаи маорифи ноҳияи Восеъ ва дигарон иштирок намуданд.
Мудири шуъбаи маорифи ноҳияи Восеъ Рустам Солеҳзода иттилоъ дод, ки дар баробари ин дар деҳаи Каримбердии Ҷамоати Худоёр Раҷабов мактаби таълимии №32 бо 240 ҷойи нишаст аз ҷониби соҳибкори маҳаллӣ Қурбонов, муассисаи таълимии №23 дар деҳаи Осмонбикаи ҷамоати Худоёр Раҷабов барои 240 ҷойи нишаст дар як баст аз ҷониби соҳибкори маҳаллӣ Аъзам Қодирзода, Муассисаи таълимии №70 бо 320 ҷойи нишаст дар ҷамоати Миралӣ Маҳмадалӣ аз ҷониби соҳибкори маҳаллӣ Қурбон Мирзоалиев ва 4 синфхонаи иловагӣ дар назди муассисаи таълимии №24 – и деҳаи Қаратоғи ҷамоати Тугарак мавриди истифода қарор дода шуданд.
Дар айни замон дар ноҳияи Восеъ 73 муассисаи таълимӣ бо фарогирии 55 ҳазору 158 нафар хонанда фаъолият менамоянд.
АКС: АМИТ «Ховар»
Сарвазири мамлакат Қоҳир Расулзода бо раванди корҳои созандагӣ ва ҷамъоварии ҳосили пахта дар вилояти Хатлон шинос шуд
Доир ба нақши Иҷлосияи XVI Шурои Олӣ дар инкишофи давлатдории навини тоҷикон конференсия баргузор шуд
Дар Душанбе масъалаи таҳсилоти босифат баррасӣ гардид
Донишгоҳи миллии Тоҷикистон ҳамкориро бо Донишгоҳи омӯзгории Синзян тақвият мебахшад
Вобаста ба саҳми Пешвои миллат дар рушди фарҳанги миллӣ конференсия баргузор гардид
Таҳти унвони «Эмомалӣ Раҳмон-кафили сулҳу субот ва ояндаи дурахшони Тоҷикистон» ҳамоиш баргузор гардид
Ҳайати Донишкадаи кӯҳию металлургии Тоҷикистон дар конференсияи байналмилалӣ дар Чин иштирок намуд
Донишгоҳи миллии Тоҷикистон ба қатори беҳтарин донишгоҳҳои «QS» Осиё–2026 ворид гардид
БИСТСОЛАИ ОМӮЗИШ ВА РУШДИ ИЛМҲОИ ТАБИАТШИНОСӢ, ДАҚИҚ ВА РИЁЗӢ. Хонандагони тоҷик дар Олимпиадаи байналмилалӣ соҳиби Шоҳҷоиза шуданд
Пешвои миллат Эмомалӣ Раҳмон ба таври фосилавӣ биноҳои истиқоматӣ барои кормандони мақомоти корҳои дохилӣ дар шаҳрҳои Душанбе ва Хуҷандро ифтитоҳ намуданд
Сарвари давлат Эмомалӣ Раҳмон Маркази инноватсионии Вазорати корҳои дохилии Ҷумҳурии Тоҷикистонро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Душанбе бинои нави шуъбаи Вазорати корҳои дохилӣ 1 дар ноҳияи Синоро ба истифода доданд
