Дар Осорхонаи миллӣ толори «Ташаббусҳои ҷаҳонии Ҷумҳурии Тоҷикистон дар соҳаи об ва ҳифзи пиряхҳо» ифтитоҳ шуд
ДУШАНБЕ, 29.09.2023/АМИТ «Ховар»/. Дар Осорхонаи миллии Тоҷикистон бахшида ба ташаббусҳои байналмилалии Пешвои миллат муҳтарам Эмомалӣ Раҳмон таҳти унвони «Ташаббусҳои ҷаҳонии Ҷумҳурии Тоҷикистон дар соҳаи об ва ҳифзи пиряхҳо» толори доимамалкунанда ифтитоҳ гардид. Дар ин хусус ба АМИТ «Ховар» сардори шуъбаи экскурсионӣ ва оммавии Осорхонаи миллии Тоҷикистон Фаридун Кенҷаев иттилоъ дод.
Дар ифтитоҳи толор намояндагони масъули Дастгоҳи иҷроияи Президенти Ҷумҳурии Тоҷикистон, вазорату идораҳои марбута, муассисаҳои фарҳангӣ ва корпуси дипломатии муқими Тоҷикистон иштирок намуданд.
Директори Муассисаи давлатии «Осорхонаи миллӣ» Зафаршо Иброҳимзода иброз намуд, ки Осорхонаи миллии Тоҷикистон на танҳо дар муаррифии осори таърихиву фарҳангии ниёгони тоҷикон, балки дар тарғибу ташвиқи дастовардҳои даврони Истиқлолияти давлатӣ ва ташаббусҳои байналмилалии Ҷумҳурии Тоҷикистон низ саҳми назаррас дорад.
Мушовири бахши ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Масрур Абдуллозода иброз дошт, ки Асосгузори сулҳу ваҳдати миллӣ–Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон яке аз аввалин роҳбароне мебошанд, ки на танҳо ба баррасӣ ва ҳалли мушкилоти давлати худ, балки ба иктишофи роҳи дурусти ташаккул барои ояндаи башарият таваҷҷуҳи махсус зоҳир намудаанд. Ин аст, ки дар арсаи ҷаҳонӣ роҳбарони давлатҳои пешрафта ва намояндагони созмонҳои байналмилалӣ ташаббусҳои ҷониби Тоҷикистонро хеле хуб истиқбол ва пуштибонӣ менамоянд.
Шуруъ аз соли 2000 инҷониб бо ташаббусҳои Президенти Ҷумҳурии Тоҷикистон муҳтарам Эмомалӣ Раҳмон вобаста ба ҳалли масъалаҳои об аз ҷониби Асамблеяи генералии Созмони Милали Муттаҳид бо ҷонибдории аксарияти давлатҳои ҷаҳон 5 қарордоди муҳим: Соли 2003 – Соли байналмилалии оби тоза, Солҳои 2005-2015 – Даҳсолаи байналмилалии амал «Об барои ҳаёт», Соли 2013 – Соли байналмилалии ҳамкорӣ дар соҳаи об, Солҳои 2018-2028 – Даҳсолаи байналмилалии амал «Об барои рушди устувор», Соли 2025 –Соли байналмилалии ҳифзи пиряхҳо қабул гардидаанд.
Мояи ифтихор аст, ки дар натиҷаи талошҳои Ҳукумати Ҷумҳурии Тоҷикистон дар даврони соҳибистиқлолӣ масъалаҳои марбут ба об дар сиёсати ҷаҳонӣ ҷойгоҳи муҳимро ишғол намуда, ташаббусҳои байналмилалӣ оид ба ҳалли масъалаҳои об ва ҳифзи пирях аз ҷониби ҷомеаи ҷаҳонӣ дастгирӣ гардиданд, ки нуфузу эътибори ҷаҳонии Тоҷикистонро нишон медиҳанд.
АКС: Осорхонаи миллии Тоҷикистон
Сайёҳон ба воситаи аудиошунавоӣ бо мавзеъҳои таърихиву фарҳангии шаҳри Хуҷанд шинос мешаванд
«ТОҶИКИСТОН-ВАТАНИ АЗИЗИ МАН». Ба даври сеюми ин озмуни ҷумҳуриявӣ 525 довталаб роҳхат гирифт
Бахшида ба 100-солагии адабиётшиноси маъруфи тоҷик Соҳиб Табаров ҳамоишу маҳфилҳои илмӣ-адабӣ доир мешаванд
Донишкадаи умумирусиягии кинематографияи ба номи Сергей Герасимови шаҳри Москва қабули довталабонро эълон намуд
«Нурворизм» ва «Танворизм» -«Ду равияи як рассом». Дар Осорхонаи миллӣ намоиши асарҳои рассом Зокир Собиров ифтитоҳ гардид
Коллеҷи хореографӣ ба номи Малика Собирова дар соли нави хониш ба истифода дода мешавад
«ТОҶИКОНА МЕПӮШЕМ». Ҳадафи ин иқдом тарғиби либоси миллӣ ва ҷалби тарроҳон ба муосиргардонии он мебошад
«САҲМИ ИБНИ СИНО ДАР ТАШАККУЛИ ТИББИ ҚАДИМ ВА МУОСИР: ОСОРИ ИЛМӢ, ТАҶРИБА ВА НАЗАРИЯ». Таҳти ин унвон дар Русия озмуни мақолаи беҳтарин эълон гардид
Филми «Дар талоши ҳақиқат» аввалин маротиба дар синамоҷашнвораи «Дебют»-и Амрико иштирок мекунад
Агентии миллии иттилоотии Тоҷикистон «Ховар» ҳамкориро бо рӯзномаи «Жэнмин Жибао»-и Чин тақвият мебахшад
Байни Агентии миллии иттилоотии Тоҷикистон «Ховар» ва Медиакорпоратсияи «CMG»-и Чин Ёддошти тафоҳуми ҳамкорӣ ба имзо расид
«ҲУНАР ОМӮЗ…». Дар ин озмун беҳтарин даврии чакан ба намоиш гузошта шуд
