Донишгоҳи миллии Тоҷикистон бо Вазорати илм ва таҳсилоти олии Русия ҳамкориро тақвият медиҳад

ДУШАНБЕ, 19.09.2023. /АМИТ «Ховар»/. Ректори Донишгоҳи миллии Тоҷикистон, профессор Қобилҷон Хушвақтзода дар доираи ҳамкории дуҷониба бо намояндаи Вазорати илм ва таҳсилоти олии Федератсияи Русия дар сафорати Русия дар Душанбе Игор Бурулко ва мушовири сафорати мазкур Михаил Уколов ҷиҳати таҳкими ҳамкории илмию тадқиқотӣ вохӯрӣ намуд. Дар ин хусус ба АМИТ «Ховар» дар Донишгоҳи миллии Тоҷикистон хабар доданд.

Зимни мулоқот ҷонибҳо дар робита ба масъалаҳои гуногуни илмии дипломатӣ, тадқиқоти муштарак, нашри мақолаҳои илмӣ-байналмилалӣ, табодули илмӣ-академӣ ва омӯзишӣ мубодилаи афкор намуданд.

Таъкид шуд, ки донишгоҳ омода аст ҷиҳати рушди муносибатҳои илмию таълимӣ ва анҷом додани пажуҳишҳои муштарак ҳамкориро бештар намояд.

АКС: Донишгоҳи миллии Тоҷикистон