ТАҚВИМИ АМИТ «ХОВАР»: имрӯз 26 сентябр, сешанбе, 269-умин рӯзи соли 2023 аст

Дар ин рӯзи соли 1786 Англия ва Фаронса созишномаи тиҷоратӣ ба имзо расониданд.

***

26 сентябри соли 1994 дар Швейтсария тарғиби нажодпарастӣ манъ шуд.

***

26 сентябри соли 1999 дар Ҷумҳурии Тоҷикистон барои ворид намудани тағйиру иловаҳо ба Конститутсия раъйпурсии умумихалқӣ баргузор гардид.

***

15 сол пеш, 26 сентябри соли 2008 дар Иёлоти Муттаҳидаи Амрико Президенти Ҷумҳурии Тоҷикистон муҳтарам Эмомалӣ Раҳмон дар мубоҳисаи умумии Иҷлосияи 63-юми Маҷмаи Умумии Созмони Милали Муттаҳид суханронӣ намуданд.

***

26 сентябри соли 2011 дар шаҳри Алмаатои Ҷумҳурии Қазоқистон Ҷоми ҷаҳон оид ба дзюдо баргузор гардид, ки варзишгари тоҷик Расул Боқиев дар вазни 73 кг барандаи ин ҷом шуд.

***

26 сентябри соли 2011 вакилони Парлумони Британияи Кабир ва ҷамъияти соҳибкорони Тоҷикистон масоили ҳамкориро баррасӣ намуданд.

***

10 сол пеш, 26 сентябри соли 2013 дар «Наврӯзгоҳ»- и пойтахт барои дарёфти Ҷоми Президенти Ҷумҳурии Тоҷикистон  Мусобиқаи байналмилалии ҷудо баргузор шуд.

***

Соли 2013 АМИТ «Ховар» хабар дод, ки варзишгардухтари тоҷик аз шаҳри Истиқлоли вилояти Суғд Муниса Адилматова дар вазни 68 кг дар мусобиқаи варзишии байналмилалӣ байни иштирокдорони аз 18-сола боло медали тилло ва Ҷоми ҷаҳон оид ба карате-доро соҳиб шуд.

26 СЕНТЯБР ТАҶЛИЛ МЕШАВАД:

Рӯзи байналмилалии мубориза барои пурра нобуд намудани яроқи ядроӣ.

***

Рӯзи забонҳои аврупоӣ.

***

Дар Эквадор – Рӯзи парчами миллӣ.