Бахшида ба Рӯзи соҳибкорон дар Душанбе ҳамоиши тантанавӣ доир гардид

Октябрь 14, 2023 10:38

ДУШАНБЕ, 14.10.2023. /АМИТ «Ховар»/. «Соҳибкорӣ ҳамчун соҳаи пешбарандаи иқтисодиёти ҷумҳурӣ тавонист ҳиссаи худро дар афзоиши маҷмуи маҳсулоти дохилии ҷумҳурӣ  афзун намуда, аҳолии аз лиҳози иқтисодӣ фаъолро фаро гирад ва ба ин васила ҷиҳати некӯаҳволии сокинони мамлакат саҳми муассир гузорад. Имрӯз дар Ҷумҳурии Тоҷикистон 350 ҳазор субъектҳои соҳибкорӣ фаъолият дошта, соҳибкорон тоҷик бо 70 давлати ҷаҳон ҳамкориро ба роҳ мондаанд». Дар ин хусус имрӯз Раиси Кумитаи сармоягузорӣ ва идораи амволи давлатӣ Саъдӣ Қодирзода зимни ҷамъомади тантанавӣ бахшида ба Рӯзи соҳибкорон изҳор намуд.

Тавре хабарнигори АМИТ «Ховар» иттилоъ  медиҳад,  дар чорабинии мазкур беш аз 100 иштирокчӣ, аз ҷумла роҳбарон ва масъулони вазорату идораҳо, соҳибкорон ва ассотсиатсияҳои соҳибкорӣ иштирок намуданд.

Раиси Кумитаи сармоягузорӣ илова кард, ки бо ибтикори Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  дар мамлакат Барномаи рушди соҳибкорӣ қабул гардидааст, ки ба  рушду пешрафти соҳа такони ҷиддӣ бахшид.

Номбурда иброз дошт, ки дар ҷумҳурӣ марказҳои рушди ин соҳа, аз ҷумла дар шаҳри Душанбе Маркази рушди соҳибкорӣ фаъолият доранд.

Дар ҳамоиш таъкид гардид, ки бо ташаббуси Пешвои миллат   муҳтарам Эмомалӣ Раҳмон ислоҳоти ҳамаи соҳаҳои ҳаёти ҷумҳурӣ  гузаронида шуда, ташаккули муносибатҳои нави иқтисодӣ, таъмини рушди босуботи иқтисодиёт, беҳтар сохтани фазои сармоягузорӣ, дастгирии соҳибкорӣ ва ба ин васила баланд бардоштани сатҳу сифати зиндагии аҳолии  мамлакат аз оғози даврони Истиқлолият то ба имрӯз ҳадафи стратегии давлат ва ҳукумат қарор гирифт.

Дар фарҷоми ҳамоиш як қатор соҳибкорон дар намояндагӣ аз шаҳру ноҳияҳои ҷумҳурӣ ва соҳаҳои гуногуни фаъолият  барои саҳми арзандаашон дар корҳои ободонӣ, таъсиси ҷойҳои корӣ ва баланд бардоштани сатҳи некуаҳволии мардум бо «Ифтихорнома»-и Кумитаи давлатии сармоягузорӣ ва идораи амволи давлатӣ ва Палатаи савдо ва саноати ҷумҳурӣ қадрдонӣ карда шуданд.

Марзияи САИД,
АМИТ «Ховар»,

АКС: АМИТ «Ховар»

Октябрь 14, 2023 10:38

Хабарҳои дигари ин бахш

Байни Тоҷикистон ва Қирғизистон Протокол оид ба мубодилаи маълумоти пешакии гумрукӣ дар бораи интиқоли молу воситаҳои нақлиёт ба имзо расид
Ҷаласаи 80-уми Шурои роҳбарони хадамотҳои гумруки давлатҳои иштирокдори Иттиҳоди Давлатҳои Мустақил баргузор гардид
Тоҷикистон ҷонибдори тақвияти ҳамкорӣ дар соҳаи саноат дар Иттиҳоди Давлатҳои Мустақил мебошад
Байни минтақаҳои озоди иқтисодии «Суғд»-и Тоҷикистон ва «Воронеж»-и Русия созишномаи ҳамкорӣ ба имзо расид
Дар Душанбе ҷаласаи мутахассисони мақомоти омори давлатҳои аъзои Иттиҳоди Давлатҳои Мустақил доир гардид
Дар Душанбе татбиқи лоиҳаҳои муштараки иқтисодии Тоҷикистон бо Бонки Олмонии рушд баррасӣ шуд
Ҷаласаи Шурои ҷамъиятӣ-машваратӣ доир ба фаъолияти гумрукӣ баргузор гардид
Хабарнигорони АМИТ «Ховар» бо фаъолияти Минтақаи озоди иқтисодии «Панҷ» шинос шуданд
Раванди татбиқи лоиҳаҳои сармоягузорӣ бо дастгирии молиявии Бонки Олмонии рушд баррасӣ гардид
Ҷаласаи 11-уми Шуро оид ба сиёсати саноатии кишварҳои аъзои Иттиҳоди Давлатҳои Мустақил ба кори худ оғоз намуд
Дар Душанбе масъалаи таъмини бехатарии авиатсионии авиатсияи гражданӣ дар фурудгоҳҳои Тоҷикистон баррасӣ гардид
Дар Намоишгоҳи байналмилалии «KIWIE – 2025» занони тоҷик сазовори 10 медал гардиданд