Барандаи ҷоизаи Нобел-2023 оид ба иқтисод муайян гардид

ДУШАНБЕ, 10.10.2023 /АМИТ «Ховар»/. Барандаи ҷоизаи Нобел дар соли 2023 дар соҳаи иқтисод «Барои беҳтар гардонидани фаҳмиши мо доир ба натиҷаҳои бозори меҳнати занон» Клаудия Голдини амрикоӣ гардид. Тавре АМИТ «Ховар» иттилоъ медиҳад, дар ин хусус агентии иттилоотии БелТА хабар додааст.

Барандаи имсола бойгониро пурра омӯхта, давоми зиёда аз 200 сол маълумот ҷамъ овардааст, ки ин ба ӯ имкон дод сабабҳои тағйирёбии фарқияти гендерӣ дар даромад ва сатҳи шуғлро ошкор намояд. Ғайр аз он, ӯ омилҳои асосии ба ҳифзи монеаҳои гендерӣ таъсиррасонро низ ошкор намуд.

Ҳафтаи Нобел 2 октябр бо эълони номҳои барандагон дар соҳаи физиология ва тиб оғоз гардид. 3 октябр барандагони ҷоиза аз  физика, 4 октябр – химия ва 5 октябр – оид ба адабиёт муайян  шуданд.

Тақдими ҷоиза одатан дар рӯзи вафоти Нобел — 10 декабр баргузор мешавад. Андозаи ҷузъи пулӣ дар ҳар номинатсия 11 миллион крон (тақрибан 1 миллион доллар) — ро ташкил медиҳад.

Азиза ИКРОМ,
АМИТ «Ховар»

АКС аз манбаъҳои боз