Дар фермаи инноватсионии «Ҷаҳида»-и ноҳияи Зафаробод маҳсулоти тозаи табиӣ истеҳсол мешавад
СУҒД, 17.10.2023 /АМИТ «Ховар»/. 13 октябр Раиси вилояти Суғд Раҷаббой Аҳмадзода дар ноҳияи Зафаробод бо фаъолияти ҶДММ «Ҷаҳида» шинос гардид. Дар ин хусус мухбири минтақавии АМИТ «Ховар» Саъдулло Маҳкам бо истинод ба Хадамоти матбуоти Раиси вилояти Суғд хабар медиҳад.
Иттилоъ дода шуд, ки самти асосии фаъолияти фермаи инноватсионӣ- ин парвариши чорвои хурди шохдор ва истеҳсоли маҳсулоти ширӣ, аз қабили панир, шир ва ҷурғот ба ҳисоб меравад. Дар айни замон дар ин ферма 147 сар буз парвариш мешавад, ки 90 сари он ширдеҳ мебошад. Дар як шабонарӯз то 70-80 литр шир гирифта шуда, давоми як моҳ то 150-200 кг панир ва 800 литр ширу ҷурғот истеҳсол мешавад. Барои ин тамоми имконот ва дастгоҳи мавҷуда муҳайё гардидааст. Ферма бо навтарин таҷҳизот муҷаҳҳаз буда, масъулин азм доранд дар оянда саршумори чорворо зиёд гардонанд.
Маҳсулоти истеҳсолгардида дар бозорҳои вилоят ва ҷумҳурӣ ба фурӯш бароварда мешавад. Он аз лиҳози табиӣ тоза буда, ба саломатии инсон манфиати бештар дорад. Дар умум, дар хоҷагиҳои минтақа бо дастгирии ин фермаи инноватсионӣ саршумори чорвои хурди шохдор, яъне бузҳои зотӣ то ба 300 сар расонида шудааст.
Баробари бузҳои зоти ширдеҳ дар ин ферма чорвои калони хушзот, паранда ва занбӯри асал парвариш карда мешавад.
АКС: Хадамоти матбуоти Раиси вилояти Суғд
Маконҳои таърихӣ, фарҳангӣ ва сайёҳии Тоҷикистонро беш аз 760 ҳазор сайёҳи хориҷӣ тамошо намуданд
Логистика ба бахши ҷудонопазир ва муҳаррики муҳими иқтисод табдил меёбад
Ҷаласаи Кумитаи тадорукот оид ба омодагӣ ва баргузории Форуми байналмилалии сармоягузории «Душанбе Инвест-2025» доир шуд
Дар Форуми иқтисодӣ, сармоягузорӣ ва сайёҳӣ зиёда аз 100 ширкати Тоҷикистон ва Амороти Муттаҳидаи Араб иштирок намуданд
Байни Ҳукумати Ҷумҳурии Тоҷикистон ва Ҳукумати Амороти Муттаҳидаи Араб Созишномаи ҳамкорӣ оид ба алоқаи ҳавоӣ ба имзо расид
Форуми иқтисодӣ, сармоягузорӣ ва сайёҳии Ҷумҳурии Тоҷикистон ва Амороти Муттаҳидаи Араб доир гардид
Ҳаҷми истеҳсоли маҳсулоти саноатӣ дар вилояти Суғд ба 18,1 миллиард сомонӣ расид
Вохӯрии маҷозии Шурои тиҷоратии Тоҷикистону Амрико дар мавзуи технологияҳои рақамӣ баргузор гардид
Тоҷикистон ва Амороти Муттаҳидаи Араб ҳамкориро дар бахшҳои саноат ва иқтисод баррасӣ намуданд
Иншооти аср — Неругоҳи барқи обии «Роғун» таҳти роҳнамоии Президенти Тоҷикистон бунёд мегардад
Чаро дар Тоҷикистон нархи картошка гарон аст? Маҳдуд кардани дахолати миёнаравҳо имкон медиҳад, ки кишоварзон маҳсулоти худро бевосита ба бозор бароранд
Тавсеаи ҳамкории иқтисодӣ, молиявӣ ва сармоягузории Тоҷикистон бо Амороти Муттаҳидаи Араб баррасӣ гардид
