Дар Хуҷанд Маркази тиббии байналмилалии «Мармед» ба истифода дода мешавад
СУҒД, 09.10.2023 /АМИТ «Ховар»/. Дар шаҳри Хуҷанд Маркази тиббии байналмилалии «Мармед» ба истифода дода мешавад, хабар доданд ба АМИТ «Ховар» дар Хадамоти матбуоти Раиси вилояти Суғд.
Маркази тиббии байналмилалии «Мармед» аз 6 ошёна ва таҳхона иборат буда, дорои 36 кат аст. Бино бо тарзу усули хоси меъморӣ ва ҷавобгӯ ба стандартҳои байналмилалӣ бунёд ёфта, дорои утоқҳои алоҳидаи ташхису табобат, машваратӣ, маъмурӣ, бақайдгирӣ ва ду ҳуҷраи алоҳидаи ҷарроҳӣ мебошад. То имрӯз қисмати асосии корҳои сохтмонӣ ба итмом расида, воридсозии дастгоҳҳо аз тарафи муассисон ба роҳ монда шудааст.
Таҷҳизоти муосир асосан аз Кореяи Ҷанубӣ, Аврупо, Туркия ва Чин ворид гардида, аз тарафи мутахассисони соҳа васлу насб мешаванд. Дар ин марказ хизматрасонии тиббӣ дар самти ташхису табобат бо навтарин дастгоҳҳо, намудҳои зиёди ҷарроҳӣ, аз қабили ҷоғу рӯй, чашм, узвҳои дарунӣ ба роҳ монда мешавад. Бо ин мақсад мутахассисони варзидаи ватанӣ ва инчунин пизишкони номӣ аз Русия, Узбекистон, Туркия ва Беларус ҷалб хоҳанд шуд.
Масъулин азм доранд, ки марказро соли равон мавриди баҳрабардорӣ қарор диҳанд. Баробари ба истифода додани иншооти наву муосир то 30 нафар бо ҷойи кор таъмин мешаванд.
Ҳоло дар шаҳри Хуҷанд бо мақсади сазовор истиқбол гирифтани санаҳои фархундаву миллӣ бунёди иншооти ҷашнӣ бомаром идома дорад.
АКС: Хадамоти матбуоти Раиси вилояти Суғд
Дар Деҳлии Нав Саммити дуюми глобалии Созмони ҷаҳонии тандурустӣ идома дорад
СОЛҲОИ РУШДИ САНОАТ. Дар шаҳри Турсунзода зиёда аз 100 корхонаи хурду бузурги саноатӣ фаъолият менамояд
Фаъолияти мақомоти Ваколатдор оид ба ҳуқуқи инсон дар партави Паёми Президенти Тоҷикистон ба Маҷлиси Олӣ густариш меёбад
Фарҳод Раҳимӣ: «Паёми Президенти Тоҷикистон заминаи стратегии рушди иқтисодӣ ва худшиносии миллӣ аст»
Ҳар сол дар соҳаҳои гуногуни иқтисоди Тоҷикистон беш аз 200 ҳазор ҷойи нави кор таъсис дода мешавад
Дар Тоҷикистон Фонди кафолати қарзҳо таъсис дода мешавад
Ба ифтихори ҷашни 35-солагии Истиқлоли давлатӣ дар Тоҷикистон 26 ҳазор иншооту биноҳо ба истифода дода шудааст
Соли 2026 «Соли вусъат додани корҳои ободонию созандагӣ ва тақвияту таҳкими худшиносию худогоҳии миллӣ» эълон гардид
Президенти Тоҷикистон соли 2025-ро соли дастовардҳои назаррас ва рӯйдодҳои муҳими таърихӣ номиданд
Аз 1 сентябри соли 2026 маоши вазифавии кормандони соҳаҳои маориф, илм, фарҳанг, варзиш, тандурустӣ ва муассисаҳои соҳаи ҳифзи иҷтимоӣ зиёд карда мешавад
Таҷрибаи ислоҳоти ҳуқуқии Тоҷикистон дар Форуми байналмилалӣ муаррифӣ карда шуд
Озмуни ҷумҳуриявии «Беҳтарин хизматчии давлатӣ аз ҳисоби занон» ҷамъбаст гардид
