Дар Лахш иди Меҳргон бо баргузории намоиши маҳсулоти кишоварзӣ ва барномаи фарҳангӣ таҷлил гардид
ЛАХШ, 17.10.2023 /АМИТ «Ховар»/. Дар маркази ноҳияи Лахш бо баргузории намоиши маҳсулоти кишоварзӣ ва барномаи консертии санъаткорони шуъбаи фарҳанги ноҳия иди Меҳргон бо шаҳомати хосса баргузор гардид. Дар ин хусус ба хабарнигори минтақавии АМИТ «Ховар» Субҳониддини Маҳмуд дар Мақомоти иҷроияи ҳокимияти давлатии ноҳияи Лахш иттилоъ доданд.
Зимни баргузории ин ҷашни миллӣ Раиси ноҳияи Лахш Каромиддин Холзода мардуми ноҳияро бо Меҳргони тоҷикон табрик намуда, иброз дошт, ки “бо шарофати Истиқлолияти давлатӣ ва саҳми беназири Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон на танҳо иду ҷашнҳои миллӣ, балки маросими мухталифи мардумӣ низ аз нав эҳё гардида, барои дар сатҳи баланд гузаронидани онҳо шароит фароҳам омадааст. Доир ба ҷашни Меҳргон Сарвари давлат назари некбинона дошта, онро куҳантарин ҷашни миллии мо медонанд ва ба арзишҳои он эҳтироми хосса зоҳир менамоянд. Дар ҳамин асос ҷашни Меҳргон аз нав эҳё шуда, баргузории он ҳамасола ба ҳукми анъана даромадааст. Яке аз унсурҳои ин ҷашн аз он иборат буд, ки мардум аз баракати ҳосили ҷамъовардаашон шукрона ва шодию хурсандӣ намуда, баракати солро дар баргузории ҷашни Меҳргон ифода менамуданд, то соли оянда ҳосил боз ҳам фаровон шавад ва дастархони мардум аз маҳсулоти кишоварзӣ фаровон гардад”.
Дар ҳамоиши тантанавӣ масъулини соҳаи кишоварзии ноҳияи Лахш доир ба ҷамъоварии ҳосили имсола изҳор намуданд, ки баҳри амалӣ намудани дастурҳои Пешвои миллат бо заҳмати дучанди кишоварзон соли равон майдони кишти аксари зироати кишоварзӣ, аз ҷумла картошка ба маротиб афзун шуда, ҳосили фаровон ҷамъоварӣ гардид.
Дар анҷоми ҷамъомад як зумра кормандони соҳаи кишоварзӣ, сарварони хоҷагиҳои деҳқонӣ, механизаторон ва дигар шахсоне, ки дар истеҳсол ва ҷамъоварии маҳсулоти кишоварзӣ саҳми арзанда доштанд, аз ҷониби роҳбарияти Мақомоти иҷроияи ҳокимияти давлатии ноҳияи Лахш бо ифтихорнома ва туҳфаҳо қадрдонӣ гардиданд.
АКС: Мақомоти иҷроияи ҳокимияти давлатии ноҳияи Лахш
Ду озмоишгоҳи Институти химияи Академияи миллии илмҳои Тоҷикистон бо технологияи муосир муҷаҳҳаз карда шуд
Рӯзҳои фарҳанги Ҷумҳурии Тоҷикистон дар Федератсияи Русия идома доранд
Ёдгориҳои ёфтшуда аз шаҳристони Ҳулбук арзиши баланди илмӣ дошта, дар байни таҳқиқоти солҳои охир беназир маҳсуб мешаванд
«Шоҳнома»-и Фирдавсӣ бояд машъалафрӯзи ҳар хонадони тоҷик бошад ва анъанаи неки шоҳномасароӣ барқарор шавад
Вобаста ба таъсири зеҳни сунъӣ ба ҳастии инсоният конференсияи ҷумҳуриявӣ баргузор шуд
«ШОҲНОМА — ОРМОНИ МИЛЛӢ». Он мактаби худшиносӣ ва парчами ифтихори миллии мо аст
Ҳамкории Академияи миллии илмҳои Тоҷикистон бо Маркази пажӯҳишӣ ва машваратии TRENDS густариш меёбад
Иштирокдорони Конфронси байналмилалии сатҳи баланд оид ба ҳифзи пиряхҳо аз Чин бо яке аз маконҳои таърихии Тоҷикистон шинос шуданд
Қобилҷон Хушвахтзода: «Ташаббусҳои Пешвои миллат оид ба масоили об дар ҳалли масъалаҳои истифодаи оқилонаи захираҳои обии сайёра нақши муҳим доранд»
Намоиши ёдгориҳои таърихии Ҷумҳурии Тоҷикистон дар Ҷумҳурии Мардумии Чин баргузор мегардад
Муовини Сарвазири Тоҷикистон Дилрабо Мансурӣ бо ёрдамчии Дабири кулли ЮНЕСКО Лидия Артур Брито мулоқот намуд
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Обшавии босуръати пиряхҳо дар Арктика ва Антарктида боиси ноустувории қабатҳои ях мегардад
