Дар ноҳияи Рӯдакӣ ғолибону иштирокчиёни озмунҳои ҷумҳуриявиро қадрдонӣ намуданд
РӮДАКӢ, 31.10.2023 /АМИТ «Ховар»/. Дар Қасри фарҳанги ноҳияи Рӯдакӣ маросими қадрдонии 29 нафар ғолибону иштирокчиёни даври ноҳиявӣ ва ҷумҳуриявии озмунҳои «Фурӯғи субҳи доноӣ китоб аст», «Илм — фурӯғи маърифат», «Тоҷикистон — Ватани азизи ман» ва «Тоҷикон — оинаи таърихи миллат» баргузор гардид. Дар ин хусус ба хабарнигори минтақавии АМИТ «Ховар» Субҳониддини Маҳмуд дар Мақомоти иҷроияи ҳокимияти давлатии ноҳияи Рӯдакӣ иттилоъ доданд.
Ба ғолибон ва иштирокчиёни даври ниҳоии озмунҳои ҷумҳуриявӣ ҷиҳати иштироки фаъолона изҳори сипос карда шуда, таъкид гардид , ки бо ташаббус ва иқдоми Пешвои миллат муҳтарам Эмомалӣ Раҳмон дар мамлакат озмунҳои ҷумҳуриявии «Фурӯғи субҳи доноӣ китоб аст», «Илм фурӯғи маърифат», «Тоҷикистон-Ватани азизи ман», «Тоҷикон — оинаи таърихи миллат» гузаронида мешаванд, ки дар баланд бардоштани сатҳи маърифати шаҳрвандон, хосса наврасону ҷавонон аҳамияти муҳим доранд. Дастгириву ҳавасмандгардонии наврасону ҷавонон ва ба ин восита баланд бардоштани завқу салиқаи онҳо нисбат ба омӯзиш, аз бар намудани донишҳои муосир ва ташаккули ҷаҳонбинии илмӣ яке аз ҳадафҳои асосии сиёсати маорифпарваронаи Президенти Ҷумҳурии Тоҷикистон муҳтарам Эмомалӣ Раҳмон ба шумор меравад.
Мояи қаноатмандӣ аст, ки сокинони ноҳияи Рӯдакӣ низ дар ин озмунҳо фаъолона иштирок намуда, сазовори ҷойҳои ифтихорӣ мегарданд.
Дар анҷоми ҳамоиш ҳунармандону санъаткорони бахши фарҳанги ноҳия барномаи рангини консертӣ манзур намуданд.
АКС: Мақомоти иҷроияи ҳокимияти давлатии ноҳияи Рӯдакӣ








Озмуни «Фурӯғи субҳи доноӣ китоб аст» мактаби дониш, ҷаҳонбинӣ ва худшиносӣ мебошад
Ҳаками озмуни «Фурӯғи субҳи доноӣ китоб аст» Шодӣ Раҷабзод: «Сатҳи омодагӣ, донишу маърифат ва ҷаҳонбинии довталабон сол то сол беҳтар мегардад»
«ИЛМ — ФУРӮҒИ МАЪРИФАТ». 59 иштирокчии даври ниҳоии озмун қадрдонӣ карда шуданд
«ФУРӮҒИ СУБҲИ ДОНОӢ КИТОБ АСТ». Бо иштироки 562 довталаб даври ниҳоии озмун ифтитоҳ ёфт
Ҷаласаи ситоди даври чоруми Озмуни ҷумҳуриявии «Фурӯғи субҳи доноӣ китоб аст» баргузор гардид
Дар Донишгоҳи давлатии Кӯлоб ғолибони озмунҳои ҷумҳуриявӣ қадршиносӣ шуданд
«ТОҶИКИСТОН-ВАТАНИ АЗИЗИ МАН». Дар ҳашт сол шумораи иштирокчиёни озмун ба беш аз 33 ҳазор нафар расидааст
Дар Ёвон ғолибони озмунҳои ҷумҳуриявӣ қадрдонӣ гардиданд
Шаҳри Душанбе бо ба даст овардани 65 ҷой ғолиби Озмуни ҷумҳуриявии «Илм – фурӯғи маърифат» гардид
Ғолибони Озмуни ҷумҳуриявии «Илм-фурӯғи маърифат» дар соли 2026 муайян гардиданд
Маросими ҷоизасупории даври ниҳоии Озмуни ҷумҳуриявии «Илм — фурӯғи маърифат» оғоз гардид






