Дар ноҳияи Зафаробод 11 ҳазор тонна пахта ҷамъоварӣ шудааст

Октябрь 16, 2023 19:39

СУҒД, 16.10.2023 /АМИТ «Ховар»/. Соли равон дар ноҳияи Зафаробод дар 11 ҳазору 172 гектар кишти пахта гузаронида шуд. Дар ин хусус ба мухбири минтақавии АМИТ «Ховар» Саъдулло Маҳкам дар Хадамоти матбуоти Раиси вилояти Суғд хабар доданд.

12 октябр Раиси вилояти Суғд Раҷаббой Аҳмадзода дар ноҳияи Зафаробод бо ҷараёни ҷамъоварии пахта шинос гардида, бо кишоварзон суҳбат намуд. Дар хоҷагиҳои пахтакори «Муҳаммадҷон 2016» ва​ «Муқим» бо чинакчиёну саҳмдорон ва ҳашарчиён аз шаҳри Истаравшан суҳбат намуда, барои пурраву беталаф ғунучин намудани пахта дастуру тавсияҳо дод.

Иттилоъ дода шуд, ки ҳамарӯза то 400 нафар сокинони касбу кори гуногун аз Истаравшан ва 100 нафар аз шаҳри Хуҷанд ба кумаки пахтакорони Зафаробод омада, саҳми худро дар ҷамъоварии «тиллои сафед» мегузоранд.​

Роҳбари вилоят таъкид дошт, ки дар асоси дастуру супориш ва ҳидоятҳои Пешвои миллат муҳтарам Эмомалӣ Раҳмон​ дар вилояти Суғд ба рушди соҳаи кишоварзӣ, алалхусус пахтакорӣ таваҷҷуҳи хосса дода мешавад. Сари​ вақт ва беталаф ҷамъ овардани​ пахта сабаби рушди соҳа, таъмини коргоҳҳои нассоҷӣ бо маҳсулоти хом ва ба кори доимӣ ҷалб намудани сокинон мегардад.

Дар хоҷагиҳои деҳқонии Ҷамоати деҳоти Равшани ноҳия Раиси вилоят бо деҳқонон ва ҳашарчиён аз ноҳияҳои Деваштич ва Шаҳристон мулоқоти гарму самимӣ анҷом дода, саҳми онҳоро дар ҷамъоварии ҳосили пухтарасида назаррас ҳисобид.

Таъкид гардид, ки соли равон заркорони ноҳия бояд зиёда аз 33 ҳазор тонна пахта истеҳсол​ намоянд. Барои ин дар ноҳия имконият ва захира мавҷуд буда, дар сурати дуруст ба роҳ мондани корҳо ва расонидани кумак аз тарафи ҳашарчиён аз дигар шаҳру навоҳӣ ба натиҷаҳои назаррас ноил шуда метавонанд.

Заркорони ноҳия азм доранд, ки беш аз 33 ҳазор тонна пахта ҷамъ оваранд. То имрӯз зиёда аз 11 ҳазор тонна пахта​ истеҳсол​ гардидааст.

Раиси вилоят ба масъулин ҷиҳати фароҳам овардани шароити муосид барои ҳашарчиён дастуру супоришҳои мушаххас дод.

АКС: Хадамоти матбуоти Раиси вилояти Суғд

Октябрь 16, 2023 19:39

Хабарҳои дигари ин бахш

Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст