Дар шаҳри Ваҳдат ва ноҳияи Рӯдакӣ тақсими тухмии зироат бо иловаи нуриҳои минералӣ оғоз гардид
ДУШАНБЕ, 09.10.2023. /АМИТ «Ховар»/. Бо мақсади мусоидат ба таъмини амнияти озуқаворӣ ва ғизои хушсифат дар шаҳру ноҳияи мамлакат хоҷагиҳои деҳқонии осебпазир, ки аз 1 то 5 гектар замин доранд, хусусан хоҷагиҳое, ки таҳти роҳбарии занон қарор доранд, барои кишти солҳои 2023-2024 аз ҷониби Вазорати кишоварзии Ҷумҳурии Тоҷикистон ва Муассисаи давлатии «Рушди соҳибкорӣ дар соҳаи кишоварзӣ» ба воситаҳои истеҳсолӣ, аз ҷумла тухмии зироати кишоварзӣ ва нуриҳои минералӣ таъмин карда мешавад. Дар ин хусус ба АМИТ «Ховар» дар Вазорати кишоварзии ҷумҳурӣ хабар доданд.
Тибқи нақша, 6 октябр дар хоҷагиҳои деҳқонии шаҳри Ваҳдат ва ноҳияи Рӯдакӣ бо иштироки намояндагони Вазорати кишоварзии мамлакат, Муассисаи давлатии «Рушди соҳибкорӣ дар соҳаи кишоварзӣ», Мақомоти иҷроияи ҳокимияти давлати шаҳри Ваҳдат ва ноҳияи Рӯдакӣ тақсими тухмии зироат бо иловаи нуриҳои минералӣ оғоз гардид.
Мавриди тазаккур аст, ки дар доираи лоиҳаи мазкур зиёда аз 11 ҳазор хоҷагии деҳқонии осебпазир, ки аз 1 то 5 гектар замин доранд, бахусус заминҳое, ки таҳти роҳбарии занон қарор доранд, барои кишти солҳои 2023-2024 дар тамоми шаҳру ноҳияҳои ҷумҳурӣ бо тухмиҳои хушсифати гандум, картошка, ҷуворимакка, зағир, пиёз, бодиринг, помидор ва нахуд бо иловаи нуриҳои минералӣ бархурдор мегарданд.
Бояд гуфт, ки соҳаи кишоварзии мамлакат зери таваҷҷуҳу ғамхории пайвастаи Пешвои миллат муҳтарам Эмомалӣ Раҳмон қарор дошта, бо ҳидоятҳои Сарвари мамлакат кишоварзон истифодаи оқилонаву самараноки замин, баланд бардоштани ҳосилнокӣ, рӯёнидани ду-се ҳосилро хуб дарк намуда, дар фаровонии бозорҳо ва таъмини амнияти озуқаворӣ саҳм мегузоранд.
АКС: Маркази матбуот ва иттилооти Вазорати кишоварзии Ҷумҳурии Тоҷикистон
Дар «Тоҷикаэронавигатсия» масъалаи муқовимат ба коррупсия баррасӣ карда шуд
Барои татбиқи лоиҳа оид ба ҷорӣ намудани нақлиёти ҷамъиятии барқӣ дар Хатлон созишномаҳои қарзӣ ва грантӣ ба имзо расиданд
Дурнамои ҳамкории иқтисодӣ ва афзоиши гардиши савдои Тоҷикистон ва Британияи Кабир баррасӣ гардид
Дар Минтақаи озоди иқтисодии «Данғара» татбиқи лоиҳаҳои нави сармоягузорӣ бо сармоягузорони Чин баррасӣ гардид
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
Ҳамкории Тоҷикистон ва Покистон дар соҳаҳои иқтисоду тиҷорат густариш меёбад
Данғара – Гулистон — аввалин роҳи мошингарди Тоҷикистон, ки бо тарҳи «роҳҳои сабз» навсозӣ мешавад
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
«ТОҶИКИСТОН-2026». Дар Душанбе Намоишгоҳи байналмилалии универсалӣ доир мегардад
Ҳамкории Тоҷикистон бо Иттиҳоди Аврупо дар соҳаи энергетика ва захираҳои об густариш меёбад
