Дар Суғд масъалаи таҳкими ҳамкории Тоҷикистон ва Олмон баррасӣ гардид
ДУШАНБЕ, 09.10.2023 /АМИТ «Ховар»/. Дар Суғд масъалаи таҳкими ҳамкории дуҷонибаи Тоҷикистон ва Олмон баррасӣ гардида, оид ба густариши равобити дӯстона байни роҳбарияти вилояти Суғд ва Сафири Фавқулода ва Мухтори Ҷумҳурии Федеративии Олмон дар Ҷумҳурии Тоҷикистон мубодилаи афкор доир шуд. Дар ин хусус АМИТ «Ховар» бо истинод ба Хадамоти матбуоти Раиси вилояти Суғд хабар медиҳад.
Раиси вилоят иброз намуд, ки Тоҷикистон ва Олмон дар соҳаҳои гуногун ҳамкорӣ дошта, саҳми Олмон дар татбиқи лоиҳаҳои гуногун ва барои ҷомеа муфид назаррас аст. Аз ҷумла, нақши Ҷамъияти Олмон оид ба ҳамкории байналмилалӣ (GIZ) дар амалишавии тарҳҳо ва гузаронидани чорабиниҳои сатҳи баланд шоистаи ёдоварӣ аст.
Дар вилояти Суғд соҳаҳои саноату кишоварзӣ рушд намуда, имконият барои амалисозии лоиҳаҳои нав фаровон аст. Вилоят метавонад барои ҷалби сармоя ва ташкили корхонаҳои нав, коркарди маҳсулоти кишоварзӣ бо минтақаҳои гуногуни Олмон робита барқарор намояд.
Ҳамзамон ҳамасола садҳо ҳазор сайёҳони хориҷӣ ба Тоҷикистон сафар менамоянд. Дар ин бахш низ метавон робитаҳоро мустаҳкам намуда, барои ҷалби сайёҳон аз Олмон корҳои муҳимро амалӣ сохт.
Сафири Фавқулода ва Мухтори Ҷумҳурии Федеративии Олмон дар Ҷумҳурии Тоҷикистон аз истиқболи самимӣ изҳори хушҳолӣ намуда, омодагии худро барои боз ҳам беҳтар намудани робитаҳои дӯстона баён дошт.
Дипломати олмонӣ зимни сафар бо якчанд минтақаҳои сайёҳиву фарҳангӣ ва корхонаҳои саноатии вилоят шинос шуд.
АКС: Хадамоти матбуоти Раиси вилояти Суғд
«IMPERIУA TECHSTREAM — 2025». Дар Душанбе барои наврасон нахустин озмуни технологияҳои иттилоотӣ баргузор гардид
РӮЗИ БАЙНАЛМИЛАЛИИ МУҲИТИ ЗИСТ. Баҳодур Шерализода: «Ҷомеаи ҷаҳон Тоҷикистонро ҳамчун давлати ташаббускор дар соҳаи обу иқлим ва ҳифзи пиряхҳо эътироф намудааст»
Бонки рушди Созмони ҳамкории Шанхай таъсис дода мешавад
Байни Тоҷикистон ва Қирғизистон Протокол оид ба мубодилаи маълумоти пешакии гумрукӣ дар бораи интиқоли молу воситаҳои нақлиёт ба имзо расид
Ҷаласаи 80-уми Шурои роҳбарони хадамотҳои гумруки давлатҳои иштирокдори Иттиҳоди Давлатҳои Мустақил баргузор гардид
Тоҷикистон ҷонибдори тақвияти ҳамкорӣ дар соҳаи саноат дар Иттиҳоди Давлатҳои Мустақил мебошад
Байни минтақаҳои озоди иқтисодии «Суғд»-и Тоҷикистон ва «Воронеж»-и Русия созишномаи ҳамкорӣ ба имзо расид
Дар Душанбе ҷаласаи мутахассисони мақомоти омори давлатҳои аъзои Иттиҳоди Давлатҳои Мустақил доир гардид
Дар Душанбе татбиқи лоиҳаҳои муштараки иқтисодии Тоҷикистон бо Бонки Олмонии рушд баррасӣ шуд
Ҷаласаи Шурои ҷамъиятӣ-машваратӣ доир ба фаъолияти гумрукӣ баргузор гардид
Хабарнигорони АМИТ «Ховар» бо фаъолияти Минтақаи озоди иқтисодии «Панҷ» шинос шуданд
Раванди татбиқи лоиҳаҳои сармоягузорӣ бо дастгирии молиявии Бонки Олмонии рушд баррасӣ гардид
