«ЭҲЁИ СИНАМО». Таҳти ин унвон дар Осорхонаи миллӣ бахшида ба 120-солагии асосгузори кинои тоҷик Комил Ёрматов форуми байналмилалӣ доир шуд
ДУШАНБЕ, 16.10.2023 /АМИТ «Ховар»/. Имрӯз дар доираи Синамоҷашнвораи якуми байналмилалии Душанбе «Тоҷи Сомон» таҳти шиори «Таърихи рушди тоҷикон» дар Осорхонаи миллии Тоҷикистон Форуми байналмилалӣ таҳти унвони «Эҳёи синамо» бахшида ба 120-солагии коргардон, ҳунарпеша ва асосгузори кинои тоҷик Комил Ёрматов доир гардид. Дар ин хусус АМИТ «Ховар» хабар медиҳад.
Дар форум киношинос Саноат Азизова аз фаъолияти Комил Ёрматов дар «Тоҷикфилм» ёдовар шуда, меҳмонон ва насли ҷавонро бо фаъолияти ин ҳунарманд шинос намуд. Ҳамзамон синамогарон, киношиносон ва мутахассисони соҳа дар бораи ҳунари ин эҷодкори асил суҳбат намуданд. Дар форум китоби «Возвращение» — и Комил Ёрматов рӯнамоӣ гардид.
Дар ин китоб хотираҳои Комил Ёрматов аз беҳтарин лаҳзаҳои ҷавонӣ, таҳсил дар Москва, фаъолияти нахустини кориаш дар «Тоҷикфилм» ва фаъолияти минбаъдааш дар «Узбекфилм» муфассал тасвир шудаанд.
Ёдовар мешавем, ки Синамоҷашнвораи якуми байналмилалии Душанбе «Тоҷи Сомон» таҳти шиори «Таърихи рушди тоҷикон» аз 15 то 19 октябри соли 2023 дар пойтахти мамлакат баргузор гардида, ба Рӯзи кинои тоҷик бахшида мешавад.
АКС: АМИТ «Ховар»
Рӯзҳои фарҳанги Ҷумҳурии Тоҷикистон дар Ҷумҳурии Исломии Покистон баргузор мегарданд
Паёми Президенти Тоҷикистон ба Маҷлиси Олӣ ба аҳли илм руҳияи тоза бахшид
«Куллиёт»-и осори Мирзо Турсунзода рӯнамоӣ гардид
Ба шаҳри Панҷакент Шаҳодатномаи Шаҳри байналмилалии ҳунармандӣ дода шуд
«ТУ ҚАЛБИ ТОҶИКИСТОНӢ, ДУШАНБЕ!» Дар пойтахт озмуни шаҳрӣ идома дорад
«ФАРҲАНГИ СУМАНАКПАЗӢ». Ин таоми миллӣ хусусияти табобатӣ низ дорад
Сокинони ноҳияи Ҷаббор Расулов соҳиби туҳфаи Пешвои миллат — «Шоҳнома»-и Абулқосим Фирдавсӣ мегарданд
«ДАР ҲУНАР КӮШ, КИ ЗАР ЧИЗЕ НЕСТ…». Фаъолияти Аспармо Мавлоназарова барои рушди ҳунарҳои миллӣ намунаи ибрати ҷавонон аст
Дар Душанбе дар мавзуи Куруши Кабир ва Эъломияи умумии ҳуқуқи башар ҳамоиш доир гардид
Туҳфаи Президенти Тоҷикистон — «Шоҳнома»-и Абулқосим Фирдавсӣ ба ноҳияи Мастчоҳ расид
ҲИФЗИ МЕРОСИ МИЛЛӢ ДАР ТОҶИКИСТОН. Тавассути сиёсати хирадмандона имрӯз ҷаҳониён бо таъриху фарҳанги миллати мо шинос мешаванд
Донишкадаи давлатии санъати тасвирӣ ва дизайни Тоҷикистон бо «Россотрудничество» ҳамкориро густариш медиҳад
