Имрӯз иштирокдорони Синамоҷашнвораи якуми байналмилалии Душанбе «Тоҷи Сомон» ба тамошои неругоҳи «Норак» мераванд
ДУШАНБЕ, 18.10.2023 /АМИТ «Ховар»/. Имрӯз сафари меҳмонони Синамоҷашнвораи якуми байналмилалии Душанбе «Тоҷи Сомон» таҳти шиори «Таърихи рушди тоҷикон» — намояндагони синамои давлатҳои Осиё, Аврупо ва Иттиҳоди Давлатҳои Мустақил ба шаҳри Норак дар назар буда, онҳо бо фаъолияти Неругоҳи барқи обии «Норак» шинос мешаванд. Дар ин хусус АМИТ «Ховар» бо истинод ба Муассисаи давлатии «Тоҷикфилм» хабар медиҳад.
Ҳамзамон имрӯз дар Кинотеатри «Кайҳон»-и Маркази савдои «Ашан» дар барномаи озмунӣ, соати 10:00 то 11:45 филми коргардон аз Ҷумҳурии Исломии Эрон Маҳдӣ Фард Қодирӣ бо номи «Озурдагон» («Раздраженный», «TheAnnoyed»), соати 13:00 то 15:15 филми коргардон аз Ҷумҳурии Тоҷикистон Муҳиддин Музаффар бо номи «Дов» («Фортуна», «Fortune»), соати 15: 40 то 18:20 филми коргадон Мукеш Кумар Синх аз Ҷумҳурии Ҳиндустон бо номи «Кулбаи дилкаш» («Sweethomesweet»), филми коргардони тоҷик Манзарали Шералӣ бо номи «Сарбор» («Обуза»), филми коргардон Гаруш Казарян аз Арманистон бо номи «Дили сиёҳи ман» («MyBlackHeart») ва филми коргардони тоҷик Зайнулобиддини Мусо бо номи «Бебозгашт», инчунин соати 18:40 то 20:30 филми коргардон аз Тотористон Валерий Байкеева бо номи «Километри 823» ( «823-й километр» манзури тамошобинон гардонида мешаванд.
Ёдовар мешавем, ки аз 15 то 19 октябри соли равон дар пойтахти мамлакат Синамоҷашнвораи якуми байналмилалии Душанбе — «Тоҷи Сомон» таҳти шиори «Таърихи рушди тоҷикон» баргузор мешавад. Дар он меҳмонони зиёде аз давлатҳои Русия, Узбекистон, Озарбойҷон, Чин, Фаронса, Ҳиндустон, Покистон, Қазоқистон ва ғайра иштирок доранд.
АКС аз манбаъҳои боз
Беш аз 23 ҳазор нусха китобҳои Китобхонаи миллии Тоҷикистон ба шаҳру ноҳияҳои ҷумҳурӣ фиристода шуд
«ДӮСТИИ АБАДӢ». Таҳту чунин унвон барномаи фарҳангии Тоҷикистон ва Қирғизистон доир мегардад
Собиқ Вазири фарҳанги Ҷумҳурии Тоҷикистон Тамара Абдушукурова аз олам даргузашт
Ҷаласаи вазирони фарҳанги давлатҳои аъзои Созмони ҳамкории Шанхай доир гардид
Имсол дар Академияи миллии илмҳои Тоҷикистон 8 озмоишгоҳи замонавӣ ба истифода дода шуд
ҲАРГИЗ НАМИРАД ОН КИ ДИЛАШ ЗИНДА ШУД БА ИШҚ. Девони Ҳофиз дар Тоҷикистон беш аз сад маротиба ба нашр расидааст
КУЛОЛГАРӢ. Саразми бостон яке аз нахустин марказҳои кулолгарии Осиёи Марказӣ будааст
Барномаи консертии арбобони санъати Тоҷикистон ва Қирғизистон таҳти унвони «Дӯстии абадӣ» доир мегардад
«ҚАЛАМДОРӢ-МАСЪУЛИЯТИ ВАТАНДОРИСТ». Таҳти ин унвон маҳфили адабии нависанда Садриддин Ҳасанзода доир шуд
Дар Душанбе бахшида ба Рӯзи маъюбон ҳамоиши фарҳангӣ доир шуд
Дар Душанбе намоиши дастнависҳо, нусхаҳои чопи сангӣ ва хушнависиҳои ашъори Ҳофизи Шерозӣ баргузор шуд
Мехоҳед таътили тобистонаи фарзандатон босамар гузарад? Пас ба Китобхонаи миллии Тоҷикистон биёяд
