Ҳайати Тоҷикистон дар Форуми вазирони корҳои хориҷии давлатҳои Осиёи Марказӣ ва Дабири кулли САҲА иштирок намуд

Ноябрь 1, 2023 09:26

ДУШАНБЕ, 01.11.2023. /АМИТ «Ховар»/. 31 октябр дар шаҳри Ашқобод Вазири корҳои хориҷии Ҷумҳурии Тоҷикистон Сироҷиддин Муҳриддин дар Форуми вазирони корҳои хориҷии давлатҳои Осиёи Марказӣ ва Дабири кулли Созмони амният ва ҳамкорӣ дар Аврупо иштирок ва суханронӣ намуд. Дар ин хусус ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.

Зимни суханронӣ Сироҷиддин Муҳриддин мавқеи Ҳуқумати Ҷумҳурии Тоҷикистонро нисбат ба масъалаҳои муҳими ҳамкорӣ дар чаҳорчӯби се ченаки фаъолияти Созмони амният ва ҳамкорӣ дар Аврупо – низомӣ-сиёсӣ, иқтисодӣ-муҳитизистӣ ва инсонӣ ироа намуда, зарурати андешидани тадбирҳои муштарак ҷиҳати таҳкими амният дар паҳнои Созмонро таъкид намуд.

Ҳамчунин дар доираи форум Вазири корҳои хориҷии Ҷумҳурии Тоҷикистон бо Дабири кулли Созмони амният ва ҳамкорӣ дар Аврупо Ҳелга Шмид мулоқот намуд.

Зимни мулоқот ҷонибҳо масъалаҳои муҳими ҳамкорӣ байни Тоҷикистон ва Созмони амният ва ҳамкорӣ, аз ҷумла вазъ дар минтақа ва Афғонистон, мубориза бо терроризм ва ҳамкорӣ дар масъалаҳои обу иқлимро мавриди баррасӣ қарор доданд.

АКС: Вазорати корҳои хориҷии Ҷумҳурии Тоҷикистон

Ноябрь 1, 2023 09:26

Хабарҳои дигари ин бахш

Дар Душанбе дурнамои ҳамкории Тоҷикистон ва Қазоқистон баррасӣ карда шуд
Санадҳои ниҳоии Конфронси байналмилалии сатҳи баланд оид ба ҳифзи пиряхҳо интишор гардиданд
Дар Москва Парчами давлатии Тоҷикистон ба ифтихори 34-солагии Истиқлолият намоиш дода мешавад
Бо ташаббуси Тоҷикистон Қатъномаи нави СММ оид ба ҳамкорӣ бо ИДМ қабул гардид
Тоҷикистон ва Эрон ҳамкориро дар соҳаи китобдорӣ ва фарҳанг густариш медиҳанд
Тоҷикистон ва Ҷопон масъалаҳои муҳими ҳамкориро баррасӣ намуданд
Дар Душанбе дурнамои равобити Тоҷикистон ва Иттиҳоди Аврупо баррасӣ гардид
9 сентябр шаршараи Ниагара бо рангҳои Парчами давлатии Ҷумҳурии Тоҷикистон фурӯзон хоҳад шуд
Ҳамкории судманди Тоҷикистон ва сохторҳои Созмони Милали Муттаҳид баррасӣ карда шуд
Дар Женева самтҳои муҳими ҳамкории Тоҷикистон бо UNHCR баррасӣ карда шуданд
Байни ҳукуматҳои Тоҷикистон ва Ҷопон доир ба лоиҳаи «JDS» Ёддоштҳои табодулӣ ба имзо расиданд
Дурнамои рушди муносибатҳои минтақаҳои Тоҷикистон ва минтақаи Приморски Русия дар бахшҳои гуногун баррасӣ шуд