Ҳайати Тоҷикистон дар иҷлосияи 20-уми Конфронси кулли UNIDO дар Вена иштирок дорад

Ноябрь 30, 2023 14:48

ДУШАНБЕ, 30.11.2023 /АМИТ «Ховар»/. Ҳайати Ҷумҳурии Тоҷикистон таҳти роҳбарии муовини Вазири саноат ва технологияҳои нави Ҷумҳурии Тоҷикистон Азиз Назар дар иҷлосияи 20-уми Конфронси кулли Созмони рушди саноати Созмони Милали Муттаҳид (UNIDO) ки 27 ноябр дар шаҳри Вена шуруъ шуд, иштирок дорад. Дар ин хусус АМИТ «Ховар» бо истинод ба Вазорати саноат ва технологияи нав хабар медиҳад.

Роҳбари ҳайати Тоҷикистон дар бораи сатҳи ҳамкории дуҷониба ва бисёрҷониба бо ин ниҳод дар соҳаҳои мухталиф, аз ҷумла саноати сабук ва рушди содироти маҳсулоти истеҳсоли ватанӣ ибрози ақида намуда, аз зарфияти саноатии Тоҷикистон ёдовар шуд.

28 ноябр дар ҳошияи иҷлосияи 20-ум муовини Вазири саноат ва технологияҳои нав Азиз Назар дар мубоҳисаҳои Панели сатҳи баланд таҳти унвони «Суръатбахшӣ ҷиҳати гузариш ба иқтисоди «сабз»: маъданҳои фоиданок, истеҳсоли металлҳо ва ояндаи боадолат барои ҳама» иштирок намуд.

Ӯ зимни суханронӣ ба ҳозирин роҷеъ ба иқтидору зарфияти энергетикии мамлакат, махсусан энергияи «сабз» иттилоъ дода, иброз дошт, ки Тоҷикистон дорои захираҳои ғании маъданҳои фоиданок ва дигар захираҳои табиӣ буда, дар дунё яке аз ҷойҳои намоёнро ишғол менамояд.

Дар нишасти мубоҳисавӣ мудири кулли Созмони рушди саноати Созмони Милали Муттаҳид Герд Мюллер, вазири саноат ва сарватҳои маъдании Арабистони Саудӣ Бандар ибни Иброҳим ал-Хурейф, вазири нақшакашӣ ва ҳамкории байналмилалии Ҷумҳурии Гвинея Роза Пола Присмоу ва роҳбари ширкати «KVI Holdings» профессор Рашид Язамӣ низ сухан гуфтанд.

Ёдовар мешавем, ки иҷлосияи 20-уми Конфронси кулли Созмони рушди саноати Созмони Милали Муттаҳид (UNIDO  то 1 декабри соли  2023 идома меёбад.

АКС: Вазорати саноат ва технологияҳои нави Ҷумҳурии Тоҷикистон

Ноябрь 30, 2023 14:48

Хабарҳои дигари ин бахш

«TASHKENT GRAND SLAM». Варзишгари Тоҷикистон Эмомалӣ Нуралӣ медали тилло ба даст овард
«ОИЛАИ НАМУНАВӢ». Таҳти ин унвон дар Тоҷикистон озмуни ҷумҳуриявӣ баргузор мегардад
Дар Душанбе масъалаи ҷалби сармояи ширкатҳои Қазоқистон ба иқтисоди Тоҷикистон баррасӣ шуд
«TASHKENT GRAND SLAM». Ҷудочии тоҷик Эмомалӣ Нуралӣ ба даври финалӣ баромад
Тавсеаи ҳамкории Тоҷикистон ва Созмони Милали Муттаҳид дар самти ҳифзи муҳити зист муҳокима шуд
Дар моҳи март сокинони Тоҷикистонро чӣ гуна ҳаво интизор аст?
Саҳифаҳои расмии АМИТ «Ховар» дар шабакаҳои иҷтимоӣ: facebook.com/niatkhovar, t.me/niatkhovar, youtube.com/@niat_Khovar_tj, instagram.com/niat_khovar/, twitter.com/niatkhovar, Радиои Ховар 101.5 fm, facebook.com/khovarfm/
Ҳангоми истифодаи хабару маводи сомона истинод ба www.khovar.tj ҳатмӣ аст!
Дурнамои густариши ҳамкории Тоҷикистон ва Корпоратсияи байналмилалии молиявӣ баррасӣ гардид
Дар Анталия раванди густариши муносибатҳои дуҷонибаи Тоҷикистон ва Туркия мавриди баррасӣ қарор гирифт
Имрӯз даври якуми бақайдгирии довталабон барои иштирок дар имтиҳонҳои марказонидаи дохилшавӣ оғоз шуд
Президенти Ҷумҳурии Тоҷикистон Эмомалӣ Раҳмон ба якчанд қонун имзо гузоштанд