БАХШИДА БА РӮЗИ КОНСТИТУТСИЯ. Дар Душанбе Форуми нуҳуми миллӣ оид ба волоияти қонун баргузор гардид
ДУШАНБЕ, 03.11.2023 /АМИТ «Ховар»/. Имрӯз дар арафаи Рӯзи Конститутсияи Ҷумҳурии Тоҷикистон бо ташаббуси Вазорати адлияи мамлакат Форуми нуҳуми миллӣ оид ба волоияти қонун баргузор гардид, — хабар медиҳад хабарнигори АМИТ «Ховар» аз Китобхонаи миллӣ — макони баргузории ҳамоиш.
Дар форум намояндагони Дастгоҳи иҷроияи Президенти Ҷумҳурии Тоҷикистон, Маҷлиси миллӣ ва Маҷлиси намояндагони Маҷлиси Олӣ, роҳбарон ва намояндагони вазорату идораҳо, созмонҳои байналмилалии муқими Тоҷикистон, коршиносони мустақил, ҷомеаи шаҳрвандӣ, шарикони рушд ва ҳамчунин меҳмонон аз Русия таҳти роҳбарии вазири адлияи Федератсияи Русия Константин Чуйченко иштирок доштанд.
Форуми миллӣ оид ба волоияти қонун шуруъ аз соли 2015 ҳамасола баргузор мегардад. Бояд гуфт, ки он майдони муколама байни ҳуқуқшиносон, олимони соҳаи ҳуқуқ, кормандони мақомоти ҳифзи ҳуқуқ, намояндагони ҷомеаи шаҳрвандӣ ва қишрҳои гуногуни ҷомеа барои муайян намудани афзалият ва таҳияи пешниҳодот барои мусоидат намудан ба волоияти қонун ва дастрасӣ пайдо намудан ба адолати судӣ дар ҷумҳурӣ дониста мешавад.
Ҳамчунин ҳадафи баргузории Форуми миллӣ муайян намудани мушкилот ва душвориҳое, ки барои таҳкими волоияти қонун дар Тоҷикистон монеа эҷод менамоянд, ҷустуҷӯи муштараки роҳҳо тавассути табодули таҷриба, муҳокимаи озод, таҳияи тавсияҳои мушаххас бо мақсади таҳкими волоияти қонун ва баробарии шаҳрвандон дар назди қонун тавзеҳ дода шуд.
Дар форуми имрӯза масъалаҳои рушди қонунгузории маданӣ дар мамлакат (мушкилот ва дурнамо), ислоҳоти судию ҳуқуқӣ ва ҳадафи 16-ми Ҳадафҳои рушди устувори Созмони Милали Муттаҳид ва Стратегияи миллии Ҷумҳурии Тоҷикистон дар соҳаи ҳифзи ҳуқуқи инсон ва амалисозии уҳдадориҳои байналмилалӣ дар ин самт мавриди баррасӣ қарор гирифтанд.
Дар натиҷаи мубоҳиса ва муҳокимарониҳо дар фарҷоми ҳамоиш тавияҳо қабул гардиданд, ки ба мақомоти дахлдор барои баррасӣ ва корбарӣ ирсол мешаванд.
А. САНГЗОДА,
АМИТ «Ховар»
АКС: АМИТ «Ховар»
Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд
