Дар ноҳияи Варзоб ба ифтихори Рӯзи Конститутсия чорабинии идона доир шуд

Ноябрь 5, 2023 13:43

ДУШАНБЕ, 05.11.2023. /АМИТ «Ховар»/. 3 ноябр дар Қасри фарҳанги ноҳияи Варзоб бахшида ба 29-солагии Рӯзи Конститутсияи Ҷумҳурии Тоҷикистон тантанаи идона баргузор гардид. Дар ин хусус ба АМИТ «Ховар» дар Мақомоти иҷроияи ҳокимияти давлатии ноҳияи Варзоб хабар доданд.

Дар он роҳбарияти Мақомоти иҷроияи ҳокимияти давлатии ноҳияи Варзоб, кормнадони мақомоти ҳифзи ҳуқуқ ва сокинон иштирок намуданд.

Таъкид гардид, ки Конститутсия — давлати  Тоҷикистонро чун давлати иҷтимоӣ эълон намудааст, ки дар он барои ҳар як инсон шароити зиндагии арзанда ва инкишофи озодона таъмин карда мешавад.

Дар идома гуфта шуд, ки бо азму иродаи халқ Конститутсияи давлати мустақили озоду адолатпарвари Тоҷикистон қабул гардида, Истиқлолияти давлатии моро аз лиҳози ҳуқуқӣ расмӣ гардонид ва чун шиносномаи миллату давлати Тоҷикистон онро бо номи давлати соҳибихтиёр, демократӣ, ҳуқуқбунёд, дунявӣ ва ягона расман ба ҷаҳониён муаррифӣ намуд.

Дар чорабинӣ ба як қатор кормандони касбу кори гуногуни ноҳия барои хизматҳои содиқона дар рушди соҳа, ба омӯзгороне, ки шогирдонашон дар озмунҳои ҷумҳуриявӣ ҷойҳои намоёнро сазовор гардиданд ва ба ғолибони озмунҳои ҷумҳуриявии «Тоҷикистон – Ватани азизи ман», «Илм — фурӯғи маърифат» аз ҷониби Мақомоти иҷроияи ҳокимияти давлатии ноҳияи Варзоб бо Ифтихорнома, Сипоснома ва мукофотпулӣ қадрдонӣ карда шуданд.

Дар хотима аз ҷониби ҳунармандони бахши фарҳанги ноҳия ва ғолибони озмуни ҷумҳуриявии «Тоҷикистон – Ватани азизи ман» барномаи театрикунонидашуда пешкаш гардониад шуд.

АКС: Мақомоти иҷроияи ҳокимияти давлатии ноҳияи Варзоб

Ноябрь 5, 2023 13:43

Хабарҳои дигари ин бахш

Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд