Дар шаҳри Хоруғ бахшида ба Рӯзи Президент мусобиқаи волейбол барои дарёфти Ҷоми раиси вилоят оғоз шуд

Ноябрь 5, 2023 11:00

ХОРУҒ, 05.11.2023 /АМИТ «Ховар»/. Дар Маҷмааи варзишии шаҳри Хоруғ бахшида ба Рӯзи Президенти Ҷумҳурии Тоҷикистон маросими кушодашавии мусобиқаи варзишӣ аз намуди волейбол барои дарёфти «Ҷоми Раиси Вилояти Мухтори Кӯҳистони Бадахшон» байни ҷавонон, занон ва мардони синни аз 40 боло оғоз ёфт, хабар медиҳад мухбири минтақавии АМИТ «Ховар» Файз Мирасан.

Дар мусобиқа 30 даста аз муассисаҳои таълимию фарҳангӣ, тандурустӣ, ниҳодҳои интизомию қудратӣ иштирок ва давоми як ҳафта барои соҳиб шудан ба ҷоизаи асосӣ рақобат менамоянд.

Сардори Раёсати кор бо ҷавонон ва варзиши вилоят Солеҳҷон Амирҷонзода гуфт, ки «мақсади асосии чунин мусобиқаҳо оммавигардонии соҳаи варзиш, тарғиби тарзи ҳаёти солим байни наврасону ҷавонон аст. Дар мусобиқа  30 даста иштирок менамояд, ки 12 даста занона, 18 даста мардона ва 10 дастаи калонсолон мебошанд».

Дар маросими ифтитоҳи мусобиқа муовини раиси вилоят Умедҷон Носирзода  иштирок намуда, варзишгаронро бо Рӯзи Конститутсияи Ҷумҳурии Тоҷикистон ва Рӯзи Президент табрик намуда, изҳор дошт, ки «дар давраи соҳибистиқлолӣ соҳаи варзиш дар Вилояти Мухтори Кӯҳистони Бадахшон ба таври бесобиқа рушд намуда, барои таҳсилу тамрини варзишгарон шароити мусоид фароҳам оварда шуд. Имрӯз дар вилоят деҳае нест, ки майдончаи муосири варзишӣ надошта бошад. Дар маркази вилоят- шаҳри Хоруғ дар даҳ соли охир 13 майдон ва 2 толори калони варзишӣ бунёд гардида, бо тамоми лавозимоти варзишӣ таъмин шуданд. Кормандони соҳаи варзиш ҳамасола барои такмили касб ба даврҳои омӯзишӣ ҷалб мешаванд. Зеро пешрафти ин ё он соҳаи варзиш маҳз ба дониш,  ҳунару маҳорати мураббиён вобастагӣ дорад».

Мусобиқа то 15 ноябр идома меёбад. Ғолибон дар Рӯзи Президент бо ҷоизаи асосӣ- Ҷоми раиси вилоят, мукофоти пулӣ ва дигар туҳфаҳои хотиравӣ қадрдонӣ мешаванд.

АКС: АМИТ «Ховар» 

Ноябрь 5, 2023 11:00

Хабарҳои дигари ин бахш

Таҳкими ҳамкорӣ байни Тоҷикистон ва вилояти Форси Эрон дар бахши ҷавонон ва варзиш баррасӣ гардид
Дар Ҳисор мусобиқаи «CAFA Nations Сup 2025» дар гурӯҳи «В» оғоз мешавад
Ҳайати Кумитаи кор бо ҷавонон ва варзиши Тоҷикистон бо Академияи Кумитаи миллии олимпии Эрон шинос шуд
Барномаи иҷроии ҳамкорӣ байни Тоҷикистон ва Эрон дар соҳаи варзиш ва ҷавонон ба имзо расид
Бо иштироки ҷавонони Тоҷикистон ва Эрон ҳамоиш доир гардид
Дар Теҳрон густариши ҳамкории Тоҷикистон ва Эрон дар самти ҷавонон ва варзиш баррасӣ гардид
Ғолиби «Ҷоми Раиси ВМКБ» аз намуди волейбол муайян карда шуд
«Tojiktelecom» сарпарасти расмии мусобиқаи бонуфузи байналмилалии Осиёи Марказӣ ва Ҷанубӣ — CAFA Nations Cup 2025 гардид
ФУТБОЛ. Бозии ниҳоии Ҷоми Тоҷикистон-2025 байни «Регар-ТадАЗ» ва «Эсхата» дар Хуҷанд доир мегардад
Дар Тоҷикистон лоиҳаи «Football For Schools»-и ФИФА амалӣ карда мешавад
ҶОМИ ТОҶИКИСТОН. Дастаҳои футболи «Регар-ТадАЗ» ва «Эсхата» ба финали ин мусобиқа роҳ ёфтанд
Дар вохӯрии дастаҳои Тоҷикистон ва Ҳиндустон автомобили BYD ба бозӣ гузошта мешавад