Дар Тоҷикистон лоиҳаи нави давлатии сармоягузорӣ таҳти унвони «Дастгирии кишоварзӣ дар заминаи ҷомеа плюс» (CASP+) оғоз гардид

Ноябрь 30, 2023 17:22

ДУШАНБЕ, 30.11.2023 /АМИТ «Ховар»/. 27 ноябр вохӯрии Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо ҳайати миссияи Фонди байналмилалии рушди кишоварзӣ таҳти роҳбарии Роберто Лонго, директори барномаҳои фонд барои Тоҷикистон баргузор гардид, ки зимни он масъалаҳои вобаста ба оғози лоиҳаи нави давлатии сармоягузорӣ таҳти унвони «Дастгирии кишоварзӣ дар заминаи ҷомеа плюс» (CASP+) мавриди муҳокима қарор гирифтанд. Дар ин хусус ба АМИТ «Ховар» дар Кумитаи ҳифзи муҳити зист хабар доданд.

Мақсади амалишавии лоиҳа мусоидат намудан ба баланд бардоштани сатҳи зиндагии аҳолии манфиатгирандагон аз 21 ноҳияи зерҳадафи вилояти Хатлон, Суғд ва ноҳияҳои тобеи ҷумҳурӣ тавассути амалӣ намудани чорабиниҳо бо назардошти мутобиқгардонӣ ба тағйирёбии иқлим, барқарорсозии ландшафтҳо ва беҳтар намудани ҳолати чарогоҳҳо мебошад.

Маблағгузории ин лоиҳа бо ҷалби маблағҳои Фонди байналмилалии рушди кишоварзӣ, Фонди иқлими сабз ва Фонди глобалии экологӣ пешбинӣ шудааст. Дар айни замон дар асоси Созишномаи молиявии баимзорасида байни Ҷумҳурии Тоҷикистон ва Фонди байналмилалии рушди кишоварзӣ танҳо маблағгузорӣ аз ҷониби фонд оғоз гардидааст.

Бо назардошти муҳимияти ин лоиҳа аз Кумита хоҳиш шуд, ки ҷиҳати ба анҷом расонидани расмиёти зарурии вобаста ба ҷалби маблағҳои Фонди иқлими сабз ва Фонди глобалии экологӣ тадбирҳои мушаххас андешанд.

Дар анҷоми вохӯрӣ ҷонибҳо ҷиҳати идома додани ҳамкорӣ дар самтҳои дигари вобаста ба муваффақона амалӣ намудани ин лоиҳа ба мувофиқа расиданд.

АКС: Кумитаи ҳифзи муҳити зисти назди Ҳукумати Ҷумҳурии Тоҷикистон

Ноябрь 30, 2023 17:22

Хабарҳои дигари ин бахш

Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст