КОНСТИТУТСИЯ-ШАҲКИТОБИ БАХТУ САОДАТ ВА РОҲНАМОИ ИҚБОЛУ МУВАФФАҚИЯТ. Дар ноҳияи Мастчоҳ ҳамоиши тантанавӣ баргузор шуд
ДУШАНБЕ, 04.11.2023 /АМИТ «Ховар»/. 3 ноябр дар хонаи фарҳанги Ҷамоати деҳоти Оббурдони ноҳияи Мастчоҳ ба ифтихори 29-солагии Рӯзи қабули Конститутсияи Ҷумҳурии Тоҷикистон ҳамоиши тантанавӣ баргузор гардид. Дар ин хусус АМИТ «Ховар» бо истинод ба дафтари матбуоти Раиси ноҳияи Мастчоҳ хабар медиҳад.
Муовини Раиси вилояти Суғд Зайнура Азимӣ иброз дошт, ки ин санади роҳнамо, ки дар шароити ниҳоят душвори вазъи сиёсии Тоҷикистони соҳибистиқлол бо иродаи халқи шарафманди ҷумҳурӣ тариқи раъйпурсии умумихалқӣ қабул гардид, барои истиқрори сулҳу субот, низоми ҳаёти ҷомеа, барқарор гардидани қонунияту тартибот ва дар маҷмуъ, рушду инкишофи соҳаҳои гуногуни иҷтимоию иқтисодӣ шароити мусоид фароҳам овард.
Таъкид шуд, ки арзиши олӣ эътироф гардидани инсон, ҳуқуқ ва озодиҳои ӯ, кафолати иштироки васеи шаҳрвандони ҷумҳурӣ дар идораи корҳои давлативу ҷамъиятӣ аз муҳимтарин меъёрҳои Конститутсияи мамлакат мебошанд, ки мазмуну моҳияти демократӣ доштани онро ифода менамоянд.
«Бо назардошти чунин меъёрҳои инсондӯстона ва фарогирии манфиатҳои олии миллату давлат Конститутсияи Ҷумҳурии Тоҷикистон дар радифи беҳтарин конститутсияҳои ҷаҳон қарор дошта, ҳамчун дастоварди бузурги мардуми Тоҷикистон барои ҳар шаҳрванд азизу муқаддас ба ҳисоб меравад»,- гуфт Зайнура Азимӣ.
Раиси ноҳияи Мастчоҳ Аъзам Ализода иброз намуд, ки мардуми шарифи Тоҷикистон таҳти сарварии Пешвои миллат муҳтарам Эмомалӣ Раҳмон дар партави татбиқи аслҳои Конститутсияи мамлакат ба дастовардҳои шоиставу беназир ноил гардид. Маҳз бо шарофати қабули Конститутсия ва амалӣ намудани муқаррароти он Ҷумҳурии Тоҷикистон ҳамчун давлати соҳибихтиёру демократӣ, ҳуқуқбунёду дунявӣ ва ягонаву иҷтимоӣ, сулҳпарвар ва пешоҳанги ташаббусҳои созанда муаррифӣ гардида, ба комёбиҳои барҷастаи иқтисодию иҷтимоӣ ва фарҳангию маънавӣ ноил шуд ва раванди бузурги ободонию бунёдкорӣ ва саозандагиро ҳамаҷониба вусъат бахшид.
Барномаи рангини консертии санъаткорони бахши фарҳанги ноҳия ба ҷамъомад шаҳомати хосса бахшид.
АКС: Дафтари матбуоти Раиси ноҳияи Мастчоҳ
МАСЛИҲАТИ МУТАХАССИС. Истеъмоли хӯроки вазнин боиси авҷи бемории гастрит мегардад
«ПУЛИ ҲУШМАНД». Бо амалӣ гардидани ин барнома қонуншиканӣ ё истифодаи нафақаи шахси фавтида аз байн рафт
Дар шаҳри Бохтар бо иштироки собиқадорони соҳаи тандурустӣ ҳамоиш доир шуд
Дар Тоҷикистон беш аз 200 нафақагири аз садсола боло зиндагӣ мекунад
Дар ноҳияи Шоҳмансур Шурои намояндагии Ташкилоти ҷамъиятии ҷавонон «Созандагони Ватан» таъсис дода шуд
НИШАСТИ МАТБУОТӢ. Соли 2025 хароҷоти суғуртаи иҷтимоӣ ва нафақа беш аз 5 миллиард сомониро ташкил дод
НИШАСТИ МАТБУОТӢ. Шумораи сабти асноди ҳолати шаҳрвандӣ зиёд гардида, бекоршавии ақди никоҳ коҳиш ёфтааст
«Барномаи рушд ва рақамикунонӣ дар мақомоти иҷрои Ҷумҳурии Тоҷикистон барои солҳои 2026-2030» қабул гардид
НИШАСТИ МАТБУОТӢ. Барои риоя накардани танзими ҷашну маросим 1268 нафар беш аз 10 миллион сомонӣ ҷарима супориданд
ИМРӮЗ — РӮЗИ БАЙНАЛМИЛАЛИИ ПЕШГИРИИ ЭКСТРЕМИЗМИ ХУШУТАНОМЕЗ. Пешгирии ин зуҳурот омили муҳими таъмини амнияти ҷомеа аст
Дар Душанбе оид ба моддаҳои психотропӣ ва таъсири онҳо ҷаласаи корӣ баргузор гардид
Намояндагони Тоҷикистон дар Конгресси байналмилалии Москва оид ба рушди хизмати давлатӣ иштирок намуданд
