ҶОМИ РАИСИ ШАҲРИ ДУШАНБЕ. Дар пойтахт Мусобиқаи якуми байналмилалӣ оид ба таэквондо WT баргузор гардид

ДУШАНБЕ, 07.11.2023. /АМИТ «Ховар»/. Дар шаҳри Душанбе Мусобиқаи якуми байналмилалӣ оид ба таэквондо WT барои дарёфти Ҷоми Раиси шаҳри Душанбе баргузор гардид, ки дар рақобатҳои даставии он Тоҷикистон мақоми аввалро соҳиб шуд. Дар ин хусус ба АМИТ «Ховар» дар Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.

Дар маросими ифтитоҳи мусобиқа муовини Раиси шаҳри Душанбе, Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Раиси Федератсияи таэквондо WT-и Тоҷикистон ва Сафири Ҷумҳурии Корея иштирок ва суханронӣ намуданд.

Ёдовар мешавем, ки дар мусобиқаи байналмилалӣ зиёда аз 300 варзишгариштирок намуданд, ки аз ин шумора 120 нафар аз Федератсияи Русия, Ҷумҳурии Узбекистон ва Муғулистон буданд.

Тоҷикистон байни онҳо рақобат намуда, дар рақобатҳои даставӣ мақоми аввалро соҳиб шуд.

АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон