ПАРЧАМИ СУРХУ САФЕДУ САБЗ ДАР АЙВОНИ МО! Дар Хатлон ба ифтихори Рӯзи Парчами давлатӣ ҷамъомади тантанавӣ доир гардид
ДУШАНБЕ, 24.11.2023 /АМИТ «Ховар»/. Имрӯз дар шаҳри Бохтар бахшида ба Рӯзи Парчами давлатии Ҷумҳурии Тоҷикистон ҷамъомади бошукуҳи идона доир гардид, хабар медиҳад АМИТ «Ховар» бо истинод ба Мақомоти иҷроияи ҳокимияти давлатии вилояти Хатлон.
Дар ҳамоиш Раиси вилояти Хатлон Давлаталӣ Саид, роҳбарони ташкилоту идораҳои давлатӣ, кормандони касбу кори гуногун, омӯзгорон ва донишҷӯён иштирок намуданд.
Қисмати аввали ҳамоиш бо роҳпаймоии иштирокчиён оғоз шуд. Ҳозирин аз терминали мусофиркашонии шаҳри Бохтар то майдони Исмоили Сомонӣ бо шиору овезаҳо, руҳияи худогоҳиву худшиносӣ ва ифтихори ватандорӣ роҳпаймоӣ намуданд.
Қисмати дигари ҷамъомад дар майдони Исмоили Сомонӣ доир шуд. Раиси вилоят изҳор дошт, ки имрӯз сокинони шарафманди Тоҷикистон бо ифтихору шукргузорӣ аз давлату давлатдории миллӣ ва дар фазои орому осудаи мамлакат 31-солагии қабули Парчами давлатиро таҷлил менамоянд.
«Парчам дар ҳама давру замон рамзи давлати миллӣ дониста шудааст. Чунонки Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон гуфтаанд, «Парчами миллӣ яке аз рамзҳои муҳими Истиқлоли миллӣ ва давлатдории муосири мо, таҷассумгари асосҳои таърихӣ ва рамзҳои давлатдории гузаштаи тоҷикон, инчунин ифодакунандаи мақсаду маром ва орзуву ормонҳои тамоми мардуми Тоҷикистон мебошад».
Мо шоҳиди он будем, ки дар Иҷлосияи сарнавиштсози XVI Шурои Олии Ҷумҳурии Тоҷикистон лаҳзаҳои арҷгузорӣ ба Парчами миллӣ бо эҳсосоти фарогир доир шуданд. Сарвари ҷавони мамлакат ҳамчун давомдиҳандаи мероси ҳазорсолаи тоҷикон ба хотири садоқату вафодорӣ парчами давлати навини тоҷиконро бӯсиданд».
Парчами давлатии Ҷумҳурии Тоҷикистон 24 ноябри соли 1992 қабул шудааст. Он аз се ранг — сурх, сафед ва сабз иборат буда, ҳар кадом ифодакунандаи мафҳумҳои хоси худ мебошанд.
АКС: Мақомоти иҷроияи ҳокимияти давлатии вилояти Хатлон
Наваскарони қисмҳои ҳарбии Вазорати мудофиаи Тоҷикистон савганди садоқат ёд намуданд
Дар Муассисаи давлатии «Боғи Ирам» даври сеюми Фестивал-озмуни «Беҳтарин армуғон» баргузор мешавад
Дар Хатлон ба иштирокчии Ҷанги дуюми ҷаҳонӣ туҳфаҳои моддию молиявӣ тақдим карда шуд
Зулфиқор Гулаҳмадзода: «Ба тарбияи ватандӯстии шаҳрвандон бояд ба тарзи бефосила, бетанаффус ва доимӣ машғул шавем»
ҲИФЗИ ВАТАН ВА ҲИМОЯИ ҲАЁТИ ОСОИШТАИ МАРДУМ. Ин амал барои ҳар шаҳрванди огоҳу соҳибватан вазифаи муқаддас аст
Дар Душанбе чорабинии сиёсӣ – фарҳангӣ таҳти унвони «Фарзанди Тоҷикистонам!» доир карда шуд
ГУЛЕ, КИ ТАРБИЯТ АЗ ДАСТИ БОҒБОН НАГИРИФТ. Чаро баъзе аз падару модарон ба таълиму тарбияи фарзандон беаҳамиятӣ зоҳир мекунанд?
Президенти Тоҷикистон: «50 фоизи аҳолии қобили меҳнати Тоҷикистон ба Ҷанги дуюми ҷаҳон ҷалб шуда буд»
Дар Душанбе пайвастшавии 3300 иншоот ба шабакаҳои гармдиҳӣ ба нақша гирифта шудааст
Дар Хатлон бо иштироки 25 оилаи намунавӣ даври вилоятии озмуни «Оилаи беҳтарин» ҷамъбаст гардид
Эмомалӣ Раҳмон: «Дар Ҷанги дуюми ҷаҳонӣ 55 нафар афсарону сарбозони тоҷик ба унвони баланди «Қаҳрамони Иттиҳоди Шуравӣ» мушарраф гардиданд»
Туҳфаи Президенти Тоҷикистон ба ду иштирокчии Ҷанги дуюми ҷаҳонӣ дар Ҳисор расонида шуд
