Тоҷикистон ва Чин омодаи таъсиси корхонаҳои муштараки саноатӣ оид ба истихроҷи маъдан мебошанд
ДУШАНБЕ, 16.11.2023 /АМИТ «Ховар»/. 15 ноябр дар шаҳри Сиани вилояти Шэнсии Ҷумҳурии Мардумии Чин вохӯрии муовини Вазири рушди иқтисод ва савдои Ҷумҳурии Тоҷикистон Фарҳод Восидиён бо Раиси вилояти Шэнси Чжао Ган баргузор гардид, ки зимни он ҷонибҳо масъалаи таъсиси корхонаҳои муштараки саноатӣ оид ба истихроҷи маъдан ва коркарди металлҳо то маҳсулоти ниҳоиро баррасӣ намуданд. Дар ин хусус ба АМИТ «Ховар» дар Вазорати рушди иқтисод ва савдои мамлакат хабар доданд.
Муовини Вазири рушди иқтисод ва савдои Тоҷикистон иброз намуд, ки бо шарофати сиёсати хирадмандона ва дурандешонаи роҳбарони ҳарду давлат: Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси Ҷумҳурии Мардумии Чин муҳтарам Си Ҷинпин муносибатҳои мамлакатҳо пайваста инкишоф ёфта, ба сатҳи баланд баромадаанд.
Дар робита ба ин иттилоъ дода шуд, ки дар 9 моҳи соли равон гардиши савдои хориҷии Тоҷикистон бо Чин 10 фоиз ва дар панҷ соли охир ин нишондиҳанда тақрибан ду баробар афзоиш ёфта, Чин дар сохтори савдои хориҷии Тоҷикистон дар ҷойи 2-юм қарор дорад.
Вохӯрӣ дар фазои дӯстӣ доир шуда, дар ҷараёни он ҷонибҳо самтҳои ояндадори ҳамкорӣ, аз ҷумла содироти маҳсулоти кишоварзӣ аз Тоҷикистон ба бозори Чинро баррасӣ намуданд.
Дар анҷоми вохӯрӣ ҷонибҳо омодагии худро ҷиҳати густариши минбаъдаи ҳамкории мутақобилан судманд ва амалӣ намудани нақшаҳо иброз доштанд.
АКС: Вазорати рушди иқтисод ва савдои Ҷумҳурии Тоҷикистон
Дар Душанбе татбиқи лоиҳаҳои муҳими стратегӣ дар соҳаи нақлиёт байни Тоҷикистон ва Чин баррасӣ гардид
«Саноатсодиротбонк» барои дастгирии соҳибкорӣ ва иқтисоди «сабз» «Иқдоми нав дар Соли нав»-ро роҳандозӣ менамояд
«Саҳифаи интернетии мутамарказ барои муқоисаи нархҳо/пешниҳодҳо»-и хизматрасониҳои молиявӣ таҳия карда мешавад
Байни Тоҷикистону Ҷопон Барномаи ҳамкории тиҷоративу иқтисодӣ барои солҳои 2026-2028 қабул карда мешавад
Доир ба имконоти рушди устувор ва сайёҳии экологии Резервати биосферии «Ромит» конфронси илмӣ баргузор гардид
Иҷрои «Стратегияи миллии мутобиқшавӣ ба тағйирёбии иқлими Ҷумҳурии Тоҷикистон барои давраи то соли 2030» натиҷагирӣ гардид
Дар вилояти Суғд ба маблағи беш аз 836 миллион доллар сармоягузории ватанию хориҷӣ ҷалб гардидааст
Воридоти панелҳои офтобӣ ба Тоҷикистон аз пардохти андоз аз арзиши иловашуда озод карда мешавад
Ғолибони озмуни «Ҷоизаи Ҳукумати Ҷумҳурии Тоҷикистон дар соҳаи сайёҳӣ» қадрдонӣ шуданд
Ҷаласаи муштараки кумитаи ҳамоҳангсози Амалиёт оид ба ислоҳоти андоз ва Шурои машваратии андозсупорандагон баргузор шуд
Дар Хадамоти гумруки Тоҷикистон иҷрои низоми иттилоотии АСИКУДА баррасӣ гардид
Дар Бадахшон маросими ҷоизасупорӣ ба фаъолони соҳаҳои саноат, ҳунармандӣ, сайёҳӣ ва занбӯриасалпарварӣ доир шуд
