Ваколатдор оид ба ҳуқуқи инсон дар Тоҷикистон дар ҷаласаи VIII сатҳи баланди Алянси авруосиёии омбудсменҳо дар Русия иштирок намуд

Ноябрь 22, 2023 15:05

ДУШАНБЕ, 22.11.2023 /АМИТ «Ховар»/. 17-18 ноябр Ваколатдор оид ба ҳуқуқи инсон дар Ҷумҳурии Тоҷикистон Умед Бобозода дар шаҳри Москваи Федератсияи Русия дар ҷаласаи VIII сатҳи баланди Алянси авруосиёии омбудсменҳо дар мавзуи «Ҳифзи ҳуқуқи инсон дар самти саломатӣ ва ёрии тиббӣ», ҳамзамон Конфронси VII байналмилалии илмӣ-амалӣ дар мавзуи «Масоили ҳимояи ҳуқуқи инсон: мубодилаи таҷрибаҳои беҳтарин байни омбудсменҳо» иштирок намуд. Дар ин хусус ба АМИТ «Ховар» дар мақомоти Ваколатдор хабар доданд.

Дар ин ҳамоишҳо имсол ба ғайр аз аъзои доимӣ- Арманистон, Тоҷикистон, Эрон, Муғулистон, Қазоқистон, Қирғизистон, Узбекистон, Русия ва Сербия омбудсменҳои Озарбойҷон, Туркманистон, Туркия, Мали, Малави, Баҳрайн, Никарагуа, Ҳабашистон, Абхазия, Беларус, дар маҷмуъ 37 намояндаи омбудсменҳои давлатҳои хориҷӣ иштирок намуданд.

Зимни ҷаласаи сатҳи баланд Ваколатдор оид ба ҳуқуқи инсон дар Ҷумҳурии Тоҷикистон дар мавзуи «Ҳифзи ҳуқуқи инсон дар самти саломатӣ ва ёрии тиббӣ дар Ҷумҳурии Тоҷикистон» маъруза намуда, доир ба масъалаҳои мубрами таъмини ҳуқуқ ба саломатӣ ва расонидани кумаки тиббӣ, инчунин татбиқи чораҳо дар сатҳи давлатӣ оид ба таъмини ҳифзи саломатии аҳолӣ аз ҷониби Ҳукумати Ҷумҳурии Тоҷикистон сухан гуфт.

Таъкид гардид, ки дар Ҷумҳурии Тоҷикистон дар соҳаи таъмини ҳифзи саломатӣ ва расонидани ёрии тиббӣ заминаи мукаммали қонунгузорӣ ташаккул ёфтааст. Якчанд барномаҳои давлатӣ ва стандартҳои ҳуқуқӣ барои таъмин ва ҳифзи ҳуқуқ ба саломатӣ дар сатҳи давлатӣ ва минтақавӣ аллакай таҳия шудаанд.

Зимни баргузории ҷаласаи сатҳи баланди Алянси авруосиёии омбудсменҳо ва конфронси байналмилалӣ Ваколатдор оид ба ҳуқуқи инсон дар Ҷумҳурии Тоҷикистон бо омбудсменҳои Арманистон, Муғулистон, Қирғизистон, Узбекистон, Русия, Сербия, Озарбойҷон, Туркманистон, Туркия, Мали, Малави, Баҳрайн, Никарагуа, Эфиопия, Абхазия, Тотористон ва дигарон вохӯриҳои дуҷонибаи судманд анҷом дод, ки зимни он масъалаҳои вазъи ҳуқуқии инсон дар шароити имрӯза, хусусан муҳоҷирони меҳнатӣ матраҳ гардиданд. Инчунин дар доираи ин вохӯриҳо  масъалаҳои асосии ҳолати кунунӣ ва дурнамои ҳамкории дуҷонибаи мақомоти Ваколатдор оид ба ҳуқуқи инсон дар Ҷумҳурии Тоҷикистон бо Омбудсмени ин давлатҳо мавриди баррасӣ қарор гирифтанд.

АКС: Хадамоти матбуоти Ваколатдор оид ба ҳуқуқи инсон дар Ҷумҳурии Тоҷикистон

 

Ноябрь 22, 2023 15:05

Хабарҳои дигари ин бахш

Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд