35-СОЛАГИИ ИСТИҚЛОЛИЯТИ ДАВЛАТӢ. Дар Варзоб пули мошингузар бо иқтидори 60 тонна ба истифода дода мешавад
ВАРЗОБ, 08.011.2023. /АМИТ «Ховар»/. Ба истиқболи ҷашни 35-солагии Истиқлолияти давлатӣ дар ноҳияи Варзоб пули мошингузари маркази ноҳия мавриди баҳрабардорӣ қарор дода мешавад. Дар ин хусус ба мухбири минтақавии АМИТ «Ховар» Субҳониддини Маҳмуд дар Мақомоти иҷроияи ҳокимияти давлатии ноҳияи Варзоб иттилоъ доданд.
Пули мошингузар дар замони то соҳибистиқлолии мамлакат сохта шуда, бинобар зиёд гузаштани мошинҳои гаронвазн пурра корношоям гардид. Хушбахтона, бо дастгирии роҳбарияти Мақомоти иҷроияи ҳокимияти давлатии ноҳияи Варзоб ин пул дар муддати кӯтоҳ ва бо сифати баланду иқтидори 60 тонна сохта ва дар доираи иншооти ба шарафи ҷашни 35-солагии Истиқлолияти давлатӣ бунёдшаванда ба истифода дода мешавад.
Дар ноҳияи Варзоб ҷиҳати дар сатҳи баланд пешвоз гирифтани ҷашни 35-солагии Истиқлолияти давлатии Ҷумҳурии Тоҷикистон сохтмони 158 иншоот ба нақша гирифта шудааст. Дар маҷмуъ солҳои 2022-2023 иҷрои корҳои сохтмонии иншооти тасдиқгардида 71 фоизро ташкил медиҳад.
Тибқи иттилои мудири бахши меъморӣ ва шаҳрсозии ноҳияи Варзоб Фируз Баротзода, бо ҷалби соҳибкорон ва шахсони саховатпеша дар се мавзеи Ҷамоати деҳоти Лучоб бо масоҳати 3000 метр ва дар се мавзеи Ҷамоати деҳоти Садриддин Айнӣ бо масоҳати 3600 метр хати оби нӯшокӣ сохта шуд, ки ҳазорон нафар сокинони ин мавзеъҳо бо оби тозаи нӯшокии таъмин гардиданд. Ҳамчунин ҳамвор ва мумфаршкунии роҳҳои маҳаллии деҳаҳои Дашти мирон, Яккачашма ва Чанории Ҷамоати деҳоти Садриддин Айнӣ ба масоҳати 4 километр, роҳи маҳали деҳаи Чорбоғи Ҷамоати деҳоти Чорбоғ ба масоҳати 1,6 километр ба анҷом расонида шуд. Дар ноҳия ҳамчунин як пули чорвогузар ба чарогоҳи тобистона бо дарозии 60 метр ба истифода дода шуд.
Ҳоло корҳои сохтмонӣ дар биноҳои маъмурии Кумитаи иҷроияи Ҳизби Халқии Демократии Тоҷикистон дар ноҳияи Варзоб, Кумитаи идораи замини ноҳия ва Корхонаи фаръии “Бақайдгирии молу мулки ғайри манқул”, Маркази таълимии Бонки миллии Ҷумҳурии Тоҷикистон дар мавзеи Пуғус ва ҳаммоми замонавӣ дар мавзеи Зоғар муташаккилона идома доранд, ки иҷрои корҳо дар ин иншоот аз 90 фоиз зиёд мебошад.
АКС: АМИТ «Ховар»
Президенти Ҷумҳурии Тоҷикистон Эмомалӣ Раҳмон дар шаҳри Бохтар бинои нави маъмурӣ ва хобгоҳро дар қисми ҳарбии 3503-и Қӯшунҳои дохилии Вазорати корҳои дохилӣ ифтитоҳ намуданд
Сарвари давлат Эмомалӣ Раҳмон дар шаҳри Бохтар бинои иловагии таълимии Коллеҷи тиббии инноватсиониро мавриди истифода қарор доданд
Пешвои миллат Эмомалӣ Раҳмон дар шаҳри Бохтар бинои хобгоҳи донишҷӯёни Донишгоҳи давлатии Бохтар ба номи Носири Хусравро ифтитоҳ намуданд
Президенти Ҷумҳурии Тоҷикистон Эмомалӣ Раҳмон ба таври фосилавӣ як иншооти соҳаи маориф ва як корхонаи саноатиро дар минтақаи саноатии шаҳри Левакант ифтитоҳ намуданд
Сарвари давлат Эмомалӣ Раҳмон дар шаҳри Бохтар Муассисаи таҳсилоти миёнаи умумии №17-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Бохтар бинои баландошёнаи истиқоматии хайриявии Эҳсонро бо маркази савдо ва хизматрасонӣ ба истифода доданд
Сарвари давлат Эмомалӣ Раҳмон дар шаҳри Бохтар ҶДММ «Шифобахши Аср»-ро ба истифода доданд
Президенти Ҷумҳурии Тоҷикистон Эмомалӣ Раҳмон 7 муассисаи соҳаи маорифро ба таври фосилавӣ ифтитоҳ намуда, бо лоиҳаҳои бунёди 4 муассисаи соҳаи маориф ва 1 иншооти соҳаи варзиш шинос шуданд
Пешвои миллат Эмомалӣ Раҳмон дар шаҳри Бохтар бинои Муассисаи таҳсилоти томактабии хусусӣ ва маркази инкишофи кӯдакро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Ҷалолидини Балхӣ ба фаъолияти Корхонаи макарони «Руми Паста» оғоз бахшиданд
Сарвари давлат Эмомалӣ Раҳмон дар ноҳияи Ҷалолиддини Балхӣ корхонаи орди ба номи Маҷид Ҳафизовро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Ҷайҳун Муассисаи таҳсилоти миёнаи умумии рақами 53-ро ба истифода доданд
