Дар Донишгоҳи аграрии Тоҷикистон оид ба иқтисодиёти кишоварзӣ дар шароити ҷаҳонишавӣ конференсияи ҷумҳуриявӣ гузаронида шуд
ДУШАНБЕ, 19.12.2023 /АМИТ «Ховар»/. Дар Донишгоҳи аграрии Тоҷикистон ба номи Шириншоҳ Шоҳтемур дар мавзуи «Иқтисодиёти кишоварзӣ дар шароити ҷаҳонишавӣ ва ҳамгироӣ» конференсияи илмӣ-амалии ҷумҳуриявӣ баргузор шуд. Дар ин хусус ба АМИТ «Ховар» дар ин донишгоҳ хабар доданд.
Дар конференсия натиҷаҳои таҳқиқоти олимон оид ба баланд бардоштани самаранокии иқтисодиёти кишоварзӣ, сиёсати аграрӣ дар самти ислоҳоти соҳаи кишоварзӣ, ташкили баҳисобгирии бухгалтерӣ дар соҳаи кишоварзӣ, масъалаҳои муҳими таъмини рушди устувори соҳаи кишоварзӣ, самтҳо ва механизмҳои дастурии таъмини рушди устувори соҳаи кишоварзии ҷумҳурӣ, диверсификатсияи соҳа ҳамчун самти асосии ислоҳоти кишоварзии Ҷумҳурии Тоҷикистон, таъмини молиявию қарзӣ ва сармоягузории истеҳсолоти кишоварзӣ, самаранокии истифодаи технологияи муосир баррасӣ гардиданд.
Иброз гардид, ки дар ҷаҳони муосир омили асосии рушди устувори иқтисодиёт ва ноил гардидан ба сатҳи баланди зиндагии аҳолӣ бо роҳи ба иҷтимоиёт нигаронидани рушди инноватсионӣ ба амал меояд.
Тадбирҳои Ҳукумати Ҷумҳурии Тоҷикистон ба рушду суботи ҷомеа, баланд бардоштани иқтисодиёти мамлакат ва дараҷаи некуаҳволии халқ нигаронида шудаанд. Дар натиҷаи тадбирҳои оқилона андешида нишондиҳандаҳои асосии иҷтимоӣ-иқтисодии ҷумҳурӣ ба дараҷаи кофӣ рушд ёфтанд.
Ҳукумати Ҷумҳурии Тоҷикистон ҳамаи захираву имкониятро ба таҷдиду бунёди инфрасохтори иқтисодиву иҷтимоӣ, ворид намудани технологияҳои ҳозиразамон, ҳалли масъалаҳои вобаста ба соҳаи кишоварзӣ, татбиқи иқтисодиёти «сабз», фароҳам овардани фазои мусоид барои рушди иқтисодиёти рақамӣ, сармоягузориву соҳибкорӣ ва рушди бахши хусусӣ равона намудааст.
Дар марҳилаи кунунии рушди Ҷумҳурии Тоҷикистон таъмини аҳолӣ бо маҳсулоти хушсифати кишоварзӣ яке аз самтҳои афзалиятноку стратегии мамлакат ба ҳисоб меравад. Дар ин раванд Президенти Ҷумҳурии Тоҷикистон муҳтарам Эмомалӣ Раҳмон иброз доштаанд, ки «ба мо зарур аст, ки барои таъмини амнияти озуқаворӣ ба ояндаи соҳаи кишоварзии Тоҷикистон дурбинона ва бисёр ҷиддӣ муносибат намоем. Мо бояд фаъолияти соҳаро бо татбиқи дастовардҳои илму техникаи муосир ва технологияи навтарин тақвият бахшем».
АКС: Донишгоҳи аграрии Тоҷикистон ба номи Шириншоҳ Шоҳтемур
Тоҷикистон ва Малайзия ҳамкории байнибонкиро таҳким мебахшанд
ДАР ТОҶИКИСТОН БО КАДОМ РОҲ ЗАМИНҲОИ КОРАМРО ЗИЁД МЕГАРДОНАНД? Мутахассисони соҳа ин мавзуъро шарҳ медиҳанд
ЛОИҲАИ ҲАРАКАТИ OVOP. Он метавонад дар Тоҷикистон ба таъсиси ҷойи кор дар деҳоти дурдаст мусоидат намояд
Дар Тоҷикистон 61 фоизи заминҳо ба системаи биллингӣ ворид карда шудаанд
Тақвияти муносибатҳои тиҷоратии Тоҷикистон ва Покистон баррасӣ гардид
Дар Тоҷикистон ҳаҷми маблағи хизматрасонӣ барои нафақагирон сол то сол меафзояд
Дар Панҷакент вобаста ба истифодаи босамари замин ҷаласа баргузор шуд
Дар Душанбе ҳамкории Тоҷикистон ва Шоҳигарии Арабистони Саудӣ дар самти содирот баррасӣ шуд
Имконоти сайёҳии Тоҷикистон дар ҳамоиши байналмилалӣ дар Эрон муаррифӣ шуданд
Дар Душанбе масъалаи густариши ҳамкории иқтисодӣ ва тиҷоратӣ байни Тоҷикистон ва Эфиопия баррасӣ шуд
Гурӯҳи кории Ҳукумати Тоҷикистон бо вазъи соҳаи кишоварзӣ дар ноҳияи Деваштич шинос гардид
«КИШВАРИ САБЗ». Дар ин парваришгоҳ зиёда аз 100 намуди гулу буттаҳои нодир ва 40 намуди ниҳоли дарахтони ороишӣ парвариш мешавад
