Дар Донишгоҳи байналмилалии забонҳои хориҷии Тоҷикистон доир ба филологияи Шарқ конференсия баргузор гардид
ДУШАНБЕ, 09.12.2023 /АМИТ «Ховар»/. Дар Донишгоҳи байналмилалии забонҳои хориҷии Тоҷикистон ба номи Сотим Улуғзода дар мавзуи «Филологияи Шарқ: пажуҳиши забоншиносӣ, равобити адабӣ ва тарҷумашиносӣ» бо иштироки мутахассисони соҳа, забоншиносону адабиётшиносони ватанӣ ва хориҷӣ бо забонҳои тоҷикӣ, русӣ, англисӣ ва чинӣ дар сатҳи баланд конференсияи байналмилалии илмӣ — амалӣ баргузор гардид. Дар ин хусус АМИТ «Ховар» бо истинод ба ин донишгоҳ хабар медиҳад.
Ректори донишгоҳ дар бораи нақши Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар рушди илми забоншиносӣ ва арҷ гузоштан ба таъриху адабиёти тоҷик сухан гуфта, аз ҷумла изҳор дошт, ки забоншиносӣ ва адабиётшиносӣ дар масири муколамаи тамаддунҳои гуногун ҷойгоҳи хосаро ишғол намуда, дар раванди муносибатҳои байни халқу миллатҳо ва давлатҳои олам беш аз пеш нақши барҷаста пайдо менамояд.
Гуфта шуд, ки равобити адабӣ ва таълифи асарҳои мухталифи забонӣ роҳи нави пайванди Тоҷикистони соҳибистиқлол ба давлатҳои дунё буда, адабиёт ҳамчун ҷузъи асосии фарҳанги халқу миллатҳо онҳоро беш аз пеш муаррифӣ менамояд.
Ҳукумати Ҷумҳурии Тоҷикистон дар баробари эҳтиром ва арҷгузорӣ ба адабиёт, санъат ва фарҳанги миллӣ инчунин ба масъалаи дар сатҳи баланд мавриди таҳқиқ қарор додани масоили забонӣ таваҷҷуҳи хосса зоҳир менамояд.
Дар конференсия масъалаҳои мубрами забоншиносӣ дар замони муосир, мукаммал намудани фарҳангҳои дузабона, таълифи луғатномаҳои илмӣ — истилоҳӣ, тарҷума ва тарҷумашиносӣ, вазъи имрӯзаи тарҷумаю тарҷумашиносӣ дар замони муосир, роҳу усулҳои ҳифзи асолати забон, масоили марбут ба типологияи забонӣ, робитаи мутақобилаи забону адабиёт ва амсоли инҳо мавриди таҳлилу баррасӣ қарор гирифтанд.
АКС: Донишгоҳи байналмилалии забонҳои хориҷии Тоҷикистон
Ҷаласаи кории ҳайати комиссияи ҷумҳуриявии озмуни «Шоҳномахонӣ» баргузор шуд
Зиракии сиёсӣ ва худшиносии миллӣ-омили муқовимат ба таҳдидҳои замони муосир
«КИТОБ — БЕҲТАРИН АРМУҒОН». Ба китобхонаи Донишгоҳи давлатии ҳуқуқ, бизнес ва сиёсати Тоҷикистон беш аз 200 китоб тақдим гардид
Дар Донишгоҳи давлатии ҳуқуқ, бизнес ва сиёсати Тоҷикистон оид ба рушди илму маориф ҳамоиш баргузор шуд
Дар назди Донишгоҳи байналмилалии забонҳои хориҷии Тоҷикистон ду шурои нави диссертатсионӣ таъсис ёфт
Дар Донишгоҳи давлатии Бохтар даври муассисавии Озмуни ҷумҳуриявии «Фурӯғи субҳи доноӣ китоб аст» баргузор гардид
ИЛМУ МАОРИФ БА ОЯНДАИ БОСАОДАТИ ДАВЛАТУ МИЛЛАТ ТАВЪАМ АСТ. Андешаҳо дар ҳошияи Паёми Президенти Тоҷикистон ба Маҷлиси Олӣ
Ҷаласаи гурӯҳи кории Озмуни ҷумҳуриявии «Илм – фурӯғи маърифат» баргузор шуд
Дар Душанбе дар нуҳ сол беш аз 54 мактаб ва 42 муассисаи томактабӣ сохта шудааст
Оид ба тамоюлҳои рушди психологияи муосир ва татбиқи он дар низоми таҳсилоти рақамӣ конференсияи байналмилалӣ доир шуд
«ИЛМ – ФУРӮҒИ МАЪРИФАТ». Барои баргузории ин озмуни ҷумҳуриявӣ зиёда аз 9 миллион сомонӣ ҷудо гардид
Дар Донишгоҳи давлатии молия ва иқтисоди Тоҷикистон бахшида ба Рӯзи байналмилалии ҳадяи китоб ҳамоиш доир гардид
