Дар шаҳри Кӯлоб Форуми «Саводнокии молиявӣ» баргузор гардид

Декабрь 25, 2023 17:33

ДУШАНБЕ, 25.12.2023 /АМИТ «Ховар»/. Бо иштироки намояндагони ташкилоти қарзии молиявӣ, суғуртавӣ ва шарикони рушди маҳаллӣ ва хориҷӣ дар Донишгоҳи давлатии Кӯлоб ба номи Абӯабдуллоҳи Рӯдакӣ Фестивал ва Форуми «Саводнокии молиявӣ» баргузор  гардид. Дар ин хусус АМИТ «Ховар» бо истинод ба Бонки миллии Тоҷикистон иттилоъ медиҳад.

Дар он роҳбарияти Бонки миллии Тоҷикистон ва Донишгоҳи давлатии Кӯлоб оид ба нақш, моҳият ва зарурати баланд бардоштани сатҳи саводнокии молиявии аҳолӣ, иҷрои корҳо дар самти татбиқи ҳадафҳои пешбининамудаи «Стратегияи миллии фарогирии молиявии Ҷумҳурии Тоҷикистон барои солҳои 2022-2026» ва нақши саводнокии молиявӣ дар рушди низоми бонкии  мамлакат сухан намуданд.

Дар доираи баргузории фестивал «Форуми саводнокии молиявӣ» доир гардида, дар он мутахассисони соҳаи низоми бонкӣ, соҳибкорони муваффақ ва намояндагони ширкатҳои хориҷӣ дар мавзуъҳои гуногуни бахши саводнокии молиявӣ, аз ҷумла,  «Пешгирии амалҳои қаллобӣ дар низоми молиявӣ», «Рақамикунонии пардохтҳо ва тавсеаи инфрасохтори пардохтӣ», «Таъсири меъёрҳои иҷтимоӣ ба рафтори молиявӣ», «Саводнокии молиявӣ – заминаи асосӣ барои тиҷорати муваффақ», «Низоми суғурта дар Ҷумҳурии Тоҷикистон» бо истифода аз рӯнамоҳои муфассал сухан намуданд.


Барои ҷолибу шавқовар гузаштани «Форуми саводнокии молиявӣ» ҳаҷвнигорони шинохтаи маҳаллӣ барномаҳои ҳаҷвӣ ва саҳнаҳои ҳаётӣ оид ба мавзуи молия манзур намуданд.

Дар «Форуми саводнокии молиявӣ» беш аз 300 хонанда ва омӯзгорони муассисаҳои таҳсилоти миёнаи умумӣ, касбӣ, устодон ва донишҷӯёни макотиби олӣ, кормандони ташкилоти қарзии молиявӣ иштирок намуданд.

Аз ҷониби намояндагони ташкилоти қарзӣ ва суғуртавӣ барои иштирокдорони форум бозиҳои шавқовари зеҳнӣ ташкил намуда, фаъолон бо туҳфаҳо қадрдонӣ гардиданд.

АКС: Бонки миллии Тоҷикистон

Декабрь 25, 2023 17:33

Хабарҳои дигари ин бахш

Бо мақсади таъмин намудани рушди минбаъдаи муассисаҳои таҳсилоти ибтидоӣ ва миёнаи касбӣ 300 миллион сомонӣ ҷудо карда мешавад
Академияи сайёҳии Донишгоҳи байналмилалии сайёҳӣ ва соҳибкории Тоҷикистон таъсис дода мешавад
Дастаи Донишгоҳи техникии Тоҷикистон дар Чемпионати ҷаҳонии касбӣ сазовори ҷойи якум гардид
Зиёда аз 36 ҳазор хонандагони синфҳои ибтидоии Тоҷикистон бо хӯроки гарм таъмин мегарданд
Дар Тоҷикистон Барномаи давлатии омода намудани кадрҳои омӯзгорӣ таҳия карда мешавад
Омӯзгорону хонандагони шаҳри Роғун суханронии Президенти Тоҷикистонро ба муносибати Рӯзи дониш якҷоя тамошо намуданд
Эмомалӣ Раҳмон: «Дар 34 соли соҳибистиқлолӣ ба соҳаи маориф 73,6 миллиард сомонӣ маблағгузорӣ гардидааст»
ДОНИШ — ПОЯИ МУҲИМТАРИНИ РУШДИ ДАВЛАТ ВА МИЛЛАТ. Эҳдо ба Рӯзи дониш
ҚУРБИ АСЪОР: дар Тоҷикистон 1 евро аз 11.1532 то 11.2000 сомонӣ муқаррар шудааст
Дар назди 20 муассисаи таълимӣ биноҳои иловагӣ бо озмоишгоҳҳои замонавӣ сохта мешаванд
Доир ба амалисозии барномаҳои давлатии марбут ба таҳсилоти томактабӣ ҷаласаи корӣ баргузор гардид
Дар Донишгоҳи техникии Тоҷикистон Чемпионати ҷаҳонии касбӣ баргузор гардид