Масъалаи дар асоси шартнома бо кор таъмин намудани шаҳрвандони Тоҷикистон дар Ҷумҳурии Корея баррасӣ гардид

Декабрь 8, 2023 12:04

ДУШАНБЕ, 08.12.2023 /АМИТ «Ховар»/.  Ҳайати намояндагони вазоратҳои шуғл ва меҳнат, адлия, корҳои хориҷии Ҷумҳурии Корея, Хадамоти рушди захираҳои инсонии Корея ва Хадамоти иттилоотии шуғли Корея аз 5 то 8 декабр дар Ҷумҳурии Тоҷикистон сафари корӣ анҷом медиҳад. Дар ин хусус ба АМИТ «Ховар» дар хадамоти матбуоти Вазорати меҳнат, муҳоҷират ва шуғли аҳолии Ҷумҳурии Тоҷикистон хабар доданд.

Вазири меҳнат, муҳоҷират ва шуғли аҳолии Ҷумҳурии Тоҷикистон Гулнора Ҳасанзода бо ҳайати Корея мулоқот намуда изҳор дошт, ки масъалаи диверсификатсияи муҳоҷирати меҳнатӣ зери таваҷҷуҳи хоси Ҳукумати Ҷумҳурии Тоҷикистон ва роҳбарияти вазорат қарор дошта, дар ин самт фаъолият ба таври густурда амалӣ шудааст.

Аз ҷумла, корбарӣ ҷиҳати ворид шудани Ҷумҳурии Тоҷикистон ба низоми иҷозати кор (EPS) дар Ҷумҳурии Корея, ки имкон медиҳад шаҳрвандони Тоҷикистон дар асоси шартнома дар Ҷумҳурии Корея бо кор таъмин шаванд, идома дорад.

Зимни мулоқот ҷонибҳо имконияти омода намудани мутахассисонро барои кор дар Ҷумҳурии Кория мавриди баррасӣ қарор доданд.

Аз ҷумла, мулоқоти роҳбарони сохторҳои вазорат бо ҳайати меҳмонон доир шуда, аз фаъолияти сохторҳои вазорат рӯнамоҳо пешниҳод шуданд.

Ҷиҳати шиносоии бештар бо фаъолияти муассисаҳо оид ба омода намудани қувваи корӣ дар хориҷи мамлакат ҳайати Ҷумҳурии Корея бо МД «Маркази таълими калонсолони Тоҷикистон», «Агентии бокортаъминкунӣ дар хориҷа», «Маркази машваратӣ ва омодагии пеш аз сафари муҳоҷирони меҳнатӣ» ва «Коллеҷи муҳандисию омӯзгорию шаҳри Душанбе» шинос гардид.

АКС: Вазорати меҳнат, муҳоҷират ва шуғли аҳолӣ

Декабрь 8, 2023 12:04

Хабарҳои дигари ин бахш

Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд