«НЕРУИ СУХАН». Озмуни беҳтарин маводи журналистӣ барои дарёфти Ҷоизаи Раиси вилояти Хатлон доир мегардад

Декабрь 28, 2023 17:11

ДУШАНБЕ, 28.12.2023. /АМИТ «Ховар»/. Дар вилояти Хатлон Озмуни беҳтарин маводи журналистӣ барои дарёфти Ҷоизаи Раиси вилояти Хатлон таҳти унвони «Неруи сухан» доир мегардад. Дар озмун рӯзноманигорон ва кормандони воситаҳои ахбори оммаи вилояти Хатлон,  намояндагони расонаҳои ҷумҳуриявӣ ва байналмилалие, ки дар ҳудуди вилояти Хатлон фаъолият доранд, иштирок намуда метавонанд, иттилоъ медиҳад АМИТ «Ховар» бо истинод ба  шуъбаи иттилоотию таҳлилии дастгоҳи Раиси вилояти Хатлон.

Озмуни «Неруи сухан» аз рӯйи номинатсияҳои зерин доир мешавад:

— «Беҳтарин мақолаи таҳлилӣ»
— «Беҳтарин барномаи телевизионӣ»
— «Беҳтарин барномаи радиоӣ, маводи чандрасонаӣ ва интернетӣ»
— «Беҳтарин рӯзномаи шаҳрӣ (ноҳиявӣ)»
— «Беҳтарин маҷалла ва нашрияи соҳавӣ»
— «Беҳтарин лавҳаи телевизионӣ ва фоторепортаж дар бораи мавзеъҳои сайёҳӣ ва ҳунару анъанаҳои мардумӣ»
— «Беҳтарин сомонаи интернетии мақомоти иҷроияи маҳаллии ҳокимияти давлатӣ»
— «Беҳтарин наворбардор /саҳифабанди нашрия»
— «Беҳтарин котиби матбуотӣ»
— «Рӯзноманигори соҳибмактаб».
оғоз гардидааст.

Муҳлати пешниҳоди ариза барои иштирок дар озмун аз 1 то 31 январ муқаррар шудааст.

Маводи журналистии ба озмуни вилоятии «Неруи сухан» пешниҳодшуда бояд тавассути радио ва телевизион, рӯзномаю маҷаллаҳо ва шабакаи интернет дар марҳилаи аз 1 январ то 30 декабри соли 2023 пахш ва ё нашр гардида бошад.
Маводи чопӣ ва интернетӣ дар шакли нусхаи саҳифаи рӯзнома ва сомона бо ишора ба манбаъ ва санаи нашри мавод қабул мешавад. Маводи аудиоӣ ва телевизионӣ бо пешниҳоди афзори CD/ DVD ё FSV, ҳамзамон бо нусхаи сенарияи мавод бо забон ва замони пахши барнома бояд пешкаш гардад.

Дар озмун онҳое, ки давоми сол дар як мавзӯъ силсилаи матлабҳо омода намудаанд, бартарӣ хоҳанд дошт. Ҳар як рӯзноманигор ва гурӯҳи эҷодӣ танҳо аз рӯйи як номинатсия ба мукофот довталабӣ карда метавонад.
Ҳар як иштирокчии озмун (ё гурӯҳи эҷодӣ) бояд на кам аз 5 мавод пешниҳод намояд.

Ҳайати ҳакамон ҳуқуқ дорад, ки дар ҳолати  ба талаботи номинатсия ва шартҳои озмун ҷавобгӯ набудани маводҳои пешниҳодкардаи довталабон, Ҷоизаи “Неруи сухан”-ро ба ҳеҷ кадоме аз довталабон мансуб надонад.

Маводи журналистии ба озмуни вилоятии «Неруи сухан» пешниҳодшуда бояд тавассути радио ва телевизион, рӯзномаю маҷаллаҳо ва шабакаи интернет дар марҳилаи аз 1 январ то 30 декабри ҳамон сол пахш ва ё нашр гардида бошад.
Тибқи низомнома, озмуни мазкур дар Рӯзи матбуоти тоҷик – 11 март ҷамъбаст гардида, ба ғолибон ҷиҳати ҳавасмандгардонӣ аз рӯйи 10 номинатсия Сипоснома ва мукофотпулӣ тақдим  мешавад.

АКС: Шуъбаи иттилоотию таҳлилии дастгоҳи Раиси вилояти Хатлон

Декабрь 28, 2023 17:11

Хабарҳои дигари ин бахш

Дар Тоҷикистон Ҳафтаи аврупоии иммунизатсия оғоз ёфт
Ҷаласаи вазирони тандурустии давлатҳои аъзои Созмони ҳамкории Шанхай доир гардид
5 ҳазор истироҳатгоҳи Тоҷикистон барои фароғати тобистонаи кӯдакон ва наврасон омода карда мешаванд
ИСТИФОДАИ САМАРАНОКИ ЗАМИН. Нурулло Саидбеков аз замини наздиҳавлигияш ду ҳосил мегирад
«ОИЛАИ БЕҲТАРИН». Ин озмун дар ноҳияи Ҷалолиддини Балхӣ баргузор гардид
Табибони тоҷик тариқи стентгузорӣ бемориҳои гуногунро табобат менамоянд
Ғолибони даври ҷумҳуриявии озмуни «Сайри гули лола» муайян карда шуданд
Кумакҳои навбатии Пешвои миллат муҳтарам Эмомалӣ Раҳмон ба зарардидагони офати табиии дар ноҳияҳои Рашт ва Тоҷикобод фиристода шуд
Байни Ҷумҳурии Тоҷикистон ва Подшоҳии Арабистони Саудӣ Ёддошти тафоҳум ба имзо расид
Ҳамкории Агентии хизмати давлатии Тоҷикистон бо мақомоти ваколатдори соҳаи хизмати давлатии Чин баррасӣ шуд
Ба зарардидагони ноҳияи Рашт масолеҳи сохтмонӣ, маводи озуқаворӣ ва маблағҳои пулӣ кумак расонида шуданд
Дар Душанбе вобаста ба инкишофи барвақтии кӯдак ҳамоиш доир шуд