«ПЕШГИРИИ ПАНДЕМИЯ, ҲИФЗИ СИСТЕМАҲОИ ОЗУҚАВОРӢ ВА МУҲИТИ ЗИСТ». Ҳайати Тоҷикистон дар Алмато дар ин ҷаласаи минтақавии сатҳи баланд иштирок намуд
ДУШАНБЕ, 02.12.2023. /АМИТ «Ховар»/. 28-29 ноябр дар шаҳри Алматои Ҷумҳурии Қазоқистон ҷаласаи минтақавии сатҳи баланд аз ҷониби Бонки ҷаҳонӣ доир ба «Пешгирии пандемия, ҳифзи системаҳои озуқаворӣ ва муҳити зист» доир гардид, ки дар он ҳайати Тоҷикистон иштирок намуд, хабар медиҳад АМИТ «Ховар» бо истинод ба Кумитаи ҳифзи муҳити зисти ҷумҳурӣ.
Дар ҷаласа зиёда аз 50 намоянда аз ташкилоти дахлдори тандурустӣ, кишоварзӣ, озуқаворӣ ва муҳити зисти Қазоқистон, Қирғизистон, Узбекистон, Тоҷикистон ва Туркманистон, ҳамчунин коршиносон ва намояндагони ташкилоти хориҷӣ иштирок намуданд.
Аз Ҷумҳурии Тоҷикистон дар он ҳайати корӣ иборат аз 8 нафар- аз Вазорати кишоварзии Ҷумҳурии Тоҷикистон, Вазорати тандурустии Ҷумҳурии Тоҷикистон, Кумитаи озуқавории назди Ҳукумати Ҷумҳурии Тоҷикистон ва Кумитаи ҳифзи муҳити зисти назди Ҳукумати Ҷумҳурии Тоҷикистон иштирок намуд.
Дар ҷаласа нақшаи амалҳо дар доираи Барномаи «Солимии ягона дар Осиёи Миёна» дар самти пешгирии бемориҳои зоонозӣ, ҳифзи системаҳои озуқаворӣ ва муҳити зист баррасӣ гардид.
Дар сессияҳои пленарӣ муовини раиси Кумитаи муҳити зисти назди Ҳукумати Ҷумҳурии Тоҷикистон Абдулқодир Мавлодод доир ба масъалаҳои пешгирии пандемия, омӯзиши бемориҳои зоонозӣ ва таъсири он ба ҳайвоноти хонагӣ ва ҳайвоноти ваҳшӣ, парандагони кӯчкунандаи фаромарзӣ ва самтҳои ҳамкорӣ бо вазорату идораҳои дахлдори давлатӣ сухан гуфт.
Дар фарҷоми ҷаласа дар доираи Барномаи «Солимии ягона дар Осиёи Миёна» бо иштироки муовинони раисони мақомоти давлатҳои Осиёи Миёна маросими баимзорасонии Созишномаи ҳамкорӣ доир гардид.
АКС: Кумитаи муҳити зисти назди Ҳукумати Ҷумҳурии Тоҷикистон
Душанбе бо баргузории Конфронси байналмилалии сатҳи баланд оид ба ҳифзи пиряхҳо дар харитаи иқлими ҷаҳонӣ ҷой гирифт
Академик Фарҳод Раҳимӣ: «Дидгоҳи Президенти Тоҷикистон ба криосфера ҳамчун замина барои амнияти глобалӣ»
Дар Донишгоҳи байналмилалии сайёҳӣ ва соҳибкории Тоҷикистон бахшида ба оғози Даҳсолаи байналмилалии амал оид ба илмҳои яхшиносӣ мизи мудаввар баргузор шуд
Кирти Вардхан Сингҳ: «Ҳифзи пиряхҳо ҳамбастагӣ, ҳамкории байналмилалӣ ва фаҳмиши муштараки илмиро талаб мекунад»
Сарвари давлат Эмомалӣ Раҳмон бо иштирокдорони Конфронси Созмони Милали Муттаҳид оид ба уқёнус суҳбатҳо анҷом доданд
Президенти Ҷумҳурии Тоҷикистон Эмомалӣ Раҳмон дар Конфронси СММ оид ба уқёнус иштирок намуданд
Президенти Ҷумҳурии Тоҷикистон Эмомалӣ Раҳмон дар чорабинии сатҳи баланди оғози Даҳсолаи байналмилалии амал оид ба илмҳои яхшиносӣ (криосферӣ), солҳои 2025-2034 иштирок ва суханронӣ намуданд
Илҳомҷон Оймуҳаммадзода: «Пиряхҳо на танҳо массаҳои ях, балки бойгонии зиндаи геологӣ мебошанд»
Инна Блюшенко аз Швейтсария: «Мақсад дорам забони ширину шевои тоҷикиро омӯзам»
Элиза Фернандес: «Маротибаи сеюм аст ба Тоҷикистон меоям, ҳар дафъа бештар ошиқи ин сарзамини кӯҳҳои баланд мешавам»
РӮЗИ БАЙНАЛМИЛАЛИИ МУҲИТИ ЗИСТ. Баҳодур Шерализода: «Ҷомеаи ҷаҳон Тоҷикистонро ҳамчун давлати ташаббускор дар соҳаи обу иқлим ва ҳифзи пиряхҳо эътироф намудааст»
