Занони ҳунарманди Тоҷикистон дар нашрияи USAID Tajikistan муаррифӣ шуданд
ДУШАНБЕ, 20.12.2023 /АМИТ «Ховар»/. Занони ҳунарманди Ҷумҳурии Тоҷикистон, ки ба оғози фаъолияти ҳунармандияшон гранти Президенти Ҷумҳурии Тоҷикистон заминаи воқеӣ гузоштааст, дар нашрияи Агентии Иёлоти Муттаҳидаи Амрико оид ба рушди байналмилалӣ (USAID) USAID Tajikistan таҳти унвони «Занони ҳунарманди Осиёи Марказӣ» муаррифӣ шудаанд. Дар ин хусус АМИТ «Ховар» бо истинод ба Кумитаи кор бо занон ва оилаи назди Ҳукумати Ҷумҳурии Тоҷикистон хабар медиҳад.
Агентии Иёлоти Муттаҳидаи Амрико оид ба рушди байналмилалӣ (USAID) ба таври расмӣ нашрияи рақамӣ ва чопиро таҳти унвони «Занони ҳунарманди Осиёи Марказӣ: Саёҳат дар байни маҷмуи тасвири ҳунарҳо» оғоз намуд. Дар ин маҷмуа ашёи аҷибе оварда шудаанд, ки аз ҷониби 50 зани ҳунарманди Осиёи Марказӣ аз Тоҷикистон, Қазоқистон, Қирғизистон, Туркманистон ва Узбекистон истеҳсол шудаанд. Ин иқдом ҳунари барҷастаи онҳоро ба ҷаҳониён нишон медиҳад ва ба онҳо имконияти нави тиҷоратиро мекушояд.
Бояд гуфт, ки бо ташаббус ва дастгириҳои Пешвои миллат муҳтарам Эмомалӣ Раҳмон ҳунарҳои мардумӣ дар Тоҷикистон рушд намуда, эълон гардидани соли 2018 Соли рушди сайёҳӣ ва ҳунарҳои мардумӣ, солҳои 2019-2021- Солҳои рушди деҳот, сайёҳӣ ва ҳунарҳои мардумӣ ва солҳои 2022-2026 -Солҳои рушди саноат, қабул гардидани Барномаи рушди ҳунармандӣ дар Ҷумҳурии Тоҷикистон барои солҳои 2021-2025, инчунин аз пардохти андоз аз маҳсулоти дар хона истеҳсолшуда озод намудани ҳунармандон натиҷаҳои сиёсати хирадмандонаи Сарвари давлат мебошанд.
Ҳунармандони моҳири тоҷик дар ҳама давру замон усулҳои бадеиву техникӣ, наққошӣ, бофандагиву дӯзандагӣ, анъанаҳои касбӣ ва нозукиҳои ҳунарро ба вуҷуд оварда, онҳоро ҳифз намуда, ба шогирдон ва наслҳои оянда интиқол медоданд, ки ин ба пешрафти зиндагиашон мусоидат менамуд.
Инчунин ҳунарҳои қадимии ниёгонамон тавассути сулолаҳои ҳунармандон аз насл ба насл гузашта, то замони мо расидаанд. Ҳунарҳои мардумӣ барои наслҳо сарчашмаи зебоӣ, рамзи таърихӣ, ифтихор ва ҳувият буда, мероси ғанӣ ва анъанаҳои ҷомеаро ташаккул медиҳанд. Онҳо ҳомии анъанаҳои қадимӣ, аз ҷумла ҳунари мураккаби қолинбофӣ ва нассоҷӣ, гулдӯзӣ, абрешимбофӣ, кандакорӣ дар чӯб, коркарди филизот, сафолӣ, заргарӣ ва дигар ҳунарҳои мардумӣ мебошанд.
София ШОИК,
АМИТ «Ховар»
АКС: Агентии Иёлоти Муттаҳидаи Амрико оид ба рушди байналмилалӣ (USAID)
Даври дуюми Фестивал-озмуни «Андалеб-2025» дар ноҳияи Рӯдакӣ аз рӯйи 12 номинатсия доир шуд
Дар ноҳияи Ёвон хонандагону омӯзгорон суханронии Сарвари давлатро ба муносибати Рӯзи дониш ва Дарси сулҳ тамошо карданд
Дар муассисаҳои таълимии вилояти Суғд соли нави таҳсил бо тамошои суханронии Пешвои миллат ба муносибати Рӯзи дониш оғоз гардид
Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд
Омодагӣ ба ҷаласаи Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Озарбойҷон баррасӣ гардид
Имрӯз дар шаҳри Душанбе ҳаво то 38 дараҷа гарм мешавад
Дар Конибодом ба хонандагон либосҳои мактабӣ ва ашёи хониш тақдим гардид
Дар Душанбе дар мавзуи «Навсозии Чин» конференсия баргузор гардид
Истиқлоли давлатӣ омили калидии сиёсати муваффақи Тоҷикистон дар арсаи байналмилалӣ аст
