Ба Маркази саломатии ноҳияи Ховалинг 2 мошини ёрии таъҷилии тиббӣ тақдим гардид
ДУШАНБЕ, 20.01.2024 /АМИТ «Ховар»/. Ҷиҳати беҳтар намудани сатҳу сифати хизматрасонии тиббӣ дар ноҳияҳои дурдаст соли 2023 аз тарафи Бонки Исломии Рушд дар доираи лоиҳаи «Беҳтар намудани хизматрасонии тиббӣ барои модар ва кӯдак дар чор ноҳияи вилояти Хатлон» ба Маркази саломатии ноҳияи Ховалинг, ки дар он шуъбаи ёрии таъҷилии тиббӣ амал менамояд, 2 мошини ёрии таъҷилии тиббӣ тақдим гардид.
Дар ин хусус муовини сардухтури Маркази саломатии (КАТС) – и ноҳияи Ховалинг Камол Хайруллозода ба АМИТ «Ховар» иттилоъ дод.
Номбурда, аз ҷумла гуфт, ки мошинҳои ёрии таъҷилии тиббӣ замонавӣ буда, дохилашон бо тамоми таҷҳизоти тиббӣ муҷаҳҳаз мебошад. Ҳоло дар Маркази саломатии ноҳияи Ховалинг 4 мошини ёрии таъҷилӣ дар ҳолати хуби техникӣ қарор дошта, дар хизмати мардум мебошанд. Алҳол дар тобеъияти Маркази саломатии ноҳия 34 маркази саломатӣ ва бунгоҳҳои тиббӣ қарор доранд.
Соли 2023 бо дастгирии Вазорати тандурустӣ ва ҳифзи иҷтимоии аҳолӣ ва соҳибкорони маҳаллӣ бунгоҳҳои тиббӣ бо таҷҳизот ва мизу курсиҳои замонавӣ таъмин гардиданд.
Инчунин бо дастгирии соҳибкорони маҳаллӣ ва шахсони саховатпешаи ноҳия дар ду деҳаи Ҷамоати деҳоти Ҷонбахти ноҳияи Ховалинг бунгоҳи саломатӣ бо тамоми таҷҳизот мавриди истифода қарор дода шуд.
Алҳол дар Маркази саломатии ноҳия 12 духтури маълумоти олидор фаъолият намуда, ба беш аз 62 ҳазор сокинони ноҳия хизмати тиббӣ мерасонанд.
АКС: АМИТ «Ховар»
Дар Тоҷикистон лоиҳа оид ба таъмини микронутриентҳо ва иловаҳои витаминӣ ба инсон амалӣ мешавад
Ҷаласаи шашуми Шурои иттифоқҳои касабаи давлатҳои Осиёи Марказӣ баргузор гардид
Оид ба таҳкими ҳамкории бисёрҷониба дар самти муқовимат бо ҷалби ҷавонон ба гурӯҳҳои мухталифи хатарзо конференсияи байналмилалӣ доир шуд
Ҳар сол дар баъзе мавзеъҳои Бадахшон то 150 ҳолати фаромадани тарма сабт мешавад
Дар Тоҷикистон ҷарроҳони чинӣ кӯдакону наврасонро аз ташхиси ройгон гузарониданд
Дар вилояти Хатлон давоми ду рӯз бо иштироки Сарвазири Тоҷикистон беш аз 30 иншооти таъйиноти гуногун ифтитоҳ карда шуд
Тоҷикистон ва Амрико ҳамкориро дар соҳаи тандурустӣ ва ҳифзи иҷтимоӣ густариш медиҳанд
Дар ноҳияҳои Темурмалик, Восеъ, Шамсиддини Шоҳин ва шаҳри Кӯлоб бо иштироки Сарвазири Тоҷикистон иншооти таъйиноти гуногун ифтитоҳ гардид
Дар Душанбе даври ниҳоии Озмуни ҷумҳуриявии «Малакаи касбӣ» оғоз гардид
Дар Тоҷикистон барои муайян кардани иллатҳои ирсии модарзод табодули таҷриба анҷом дода шуд
МАСЛИҲАТИ МУТАХАССИС. Барои бо ангишт гарм кардани хонаҳо аз бухории махсус бояд истифода намуд
Ҳайати Тоҷикистон бо раванди навсозии хизматрасонии давлатии Молдова шинос гардид
