Дар Тоҷикистон Лоиҳаи «Обтаъминкунӣ ва беҳдошт дар деҳот» ба маблағи 58 млн доллар дар амал татбиқ мешавад
ДУШАНБЕ, 29.01.2024 /АМИТ «Ховар»/. Зери сарпарастии Ҳукумати Ҷумҳурии Тоҷикистон ва дар ҳамоҳангӣ бо Бонки ҷаҳонӣ аз ҷониби Маркази идораи Лоиҳаи рушди инфрасохтори маҳаллӣ (коммуналӣ) Лоиҳаи грантии «Обтаъминкунӣ ва беҳдошт дар деҳот» ба маблағи 58 млн доллар татбиқ мегардад, ки ҳадаф аз он беҳтарсозии вазъи соҳаи обтаъминкунӣ ва беҳдошти санитарӣ дар деҳоти ҷумҳурӣ мебошад. Дар ин хусус имрӯз зимни нишасти матбуотии Корхонаи воҳиди давлатии «Хоҷагии манзилию коммуналӣ» иттилоъ дода шуд.
Иброз гардид, ки мақсади асосии татбиқи ин лоиҳа беҳтарсозии вазъи воқеӣ дар соҳаи обтаъминкунӣ ва беҳдошти санитарӣ дар деҳоти ҷумҳурӣ буда, татбиқи он асосан дар ноҳияҳои ҷануби вилояти Хатлон, аз ҷумла ноҳияҳои Вахш, Кӯшониён, Ҷалолуддини Балхӣ, Дӯстӣ, Ҷайҳун, ноҳияи Восеъ ва шаҳри Левакант ба нақша гирифта шудааст.
Ёдовар бояд шуд, ки дар доираи Лоиҳаи «Обтаминкунӣ ва беҳдошт дар деҳот» моҳи октябри соли 2023 бо иштироки Президенти Тоҷикистон муҳтарам Эмомалӣ Раҳмон пойгоҳи обкашӣ, воқеъ дар деҳаи Тосқалъаи Ҷамоати деҳоти ба номи Миралӣ Маҳмадалиеви ноҳияи Восеъ мавриди баҳрабардорӣ қарор гирифт. Бо татбиқи ин лоиҳа 40 деҳаи ноҳияи Восеъ бо шумораи 155 ҳазор нафар аҳолии деҳот бо оби тозаи нӯшокӣ таъмин гардиданд.
Соли 2023 аз шумораи 10,2 млн аҳолии ҷумҳурӣ ҳамагӣ 66 фоиз ё 741 676 нафар бо оби нӯшокии мутамарказонида таъмин шуданд, ки нисбат ба соли 2018 1 млн 618 ҳазор нафар зиёд буда, суръати афзоиши он 6,3 фоизро ташкил медиҳад.
Шаҳлои САДРИДДИН,
АМИТ «Ховар»
АКС: АМИТ «Ховар»
Дар ноҳияи Шамсиддини Шоҳин ба муносибати таъсиси Қувваҳои Мусаллаҳи Тоҷикистон ҳамоиш доир шуд
Дар партави ҳидоятҳои Президенти Тоҷикистон ба оилаҳои ниёзманд дар шаҳри Душанбе кумак расонида шуд
Дар мақомоти Ваколатдор оид ба ҳуқуқи инсон бахшида ба Рӯзи Қувваҳои Мусаллаҳи Тоҷикистон конфронс доир шуд
Дар Агентии суғуртаи иҷтимоӣ ва нафақа Рӯзи Қувваҳои Мусаллаҳи Тоҷикистонро таҷлил намуданд
Бахшида ба таъсиси Қувваҳои Мусаллаҳи Тоҷикистон дар Кумита оид ба таҳсилоти ибтидоӣ ва миёнаи касбӣ ҳамоиши тантанавӣ баргузор шуд
Риояи қонуни танзими ҷашну маросим омили сарфакорӣ ва таҳкими маърифати ҳуқуқии шаҳрвандон мебошад
Дар ноҳияи Ёвон намоиши ҷойи нави кор баргузор гардид
Масъалаи рушди низоми таҳсилоти ибтидоӣ ва миёнаи касбӣ дар Тоҷикистон бо Роҳбари Намояндагии Иттиҳоди Аврупо баррасӣ гардид
Ҷаласаи Кумитаи роҳбарикунандаи байниидоравӣ оид ба татбиқи лоиҳаи «Миллати солими Тоҷикистон» баргузор шуд
Бахшида ба 35-солагии Истиқлоли давлатӣ 47 бинои муассисаи таълимии таҳсилоти ибтидоии касбӣ таъмир гардид
ҶОИЗАИ БА НОМИ ИСМОИЛИ СОМОНӢ. Барои олимони ҷавон дар соли 2026 озмун эълон гардид
Дар Тоҷикистон барои табобати омоси ҷигар усули нав амалӣ шуд
